Anuoiya Yalkut Yosef - Shulkhan Arukh hi, Hapta seh'a News a kisuo ho hung kikoi khom ahi. Tu hapta a kisun pen anoilang ah aumin ahi.
©Copyrights Reserved
By Avrekh Gideon Haokip
©Copyrights Reserved
By Avrekh Gideon Haokip
Hilkhot Brakhot
1.Changlhah neh masang’a khutsilna hi Khakhamim te akuna ahi, chuleh Khakhamim te thusei ngai hi Mitzvah ahi. Khakhamim ten khutsil ding hi Vayikra 20:17 akuon a ahin lahdoh u ahi. Hitin Torah ah akisun’e, “Nakisuhthieng din u, hitia chu nathiendiu ahi” “nakisuhthieng ding” kiti hi changlhah neh masang’a khutsil tina ahi.
Khutsil hi Khakhamim te akuon ahivang’in, thangvahna “Asher kideshanu bemitzvothav vetzivanu” tin akiseiyin ahi, ajeh chu Hashem in khakhamim teho thusei ngai ding’a thu eipieh u ahi. Khutsil na chung chang’ah chihthei angaiyin ahi, ajeh chu Gemera mesekhet Khulin phengmai 106 in “Koi hileh khutsilna jabol louva nahsahlou chu gentheina in ahinlhun khum ding chuleh leisiet a kuona lahdoh’a umding ahi” tin aseiye.
2. Mikhat khut chu thienglhehhenlang buohna ima neihih jongleh khutsil louva changlhah anehthei lou ding ahi.
3. Numei ho jong khut sil ding thupieh kipe ahin, hijeh a chu mijousen hiche khutsil chungchan’a daan jouse phatah’a ahetchet diu ngai ahi.
Chuleh insung’a chapang neo numei hihen pasal hileh, khutsil chungchang hi, alien hon phaah a ahil diu, thangvahna jong aseisah jing ding u ahi.
4. Mikhat chun changlhah “Kazait”(27 gm) sang’a neojo aneh ding’a ahileh, daan dungjuiya khut asil angaipon ahi. Ahin changlhah Kazait aneh ding a ahileh vang, khut asil angaiyin, thangvahna (al nitalet yadaim) vang aseilou ding ahi. Changlhah “Kabeitza” (52 gm) aneh ding’a ahileh khut asil ngai chuleh “Al nitalet” yadaim jong asei ngai ahi. Koi hileh daan dungjuiya Kazai sang’a neo changlhah aneh ding a ahileh, khutsil angailou vang’a, koi hileh khutsil a chun vangbuohna akimu ding ahi.
5. Mikhat chun changlhah Kabeitza ne ding’a kiguong akhut asila thangvahna (al nitalet) aseijouva, changlhah chu aneh a, thildang toh anehtha jeh a Kabeitz (52 gm) changlhah nedoh jou talou ahileh, adulou sasa changlhah chu Kabetiza lhin na ding’a anei tei tei angaipon ahi. Chuleh athangvahna anasei “al nitalet yadaim” jong chu pannei a thangvahsei in akilapuon ahi. Ajeh chu khut asilpet a chu Kabetiza kaneh ding ahi, tia anagel jeh ahi.
Ahin, ahoipena miching in ama dinmun akihet a Kabetiza changlhah aneh masat a chujouteng thil dang ho aneh pan bep ding ahi.
6. Mikhat chun changlhah neh na ding hilouva khut akisil, alungsung’a jong changlhah neh ding agelou, phat chomkhat jouva changlhah hin neh nom taleh, khut athah beh a akisil kit ding, ahinlah thangvahna “al nitalet” vang aseilou ding ahi.
Hilkhot Netilat Yadaim
(Yalkut Yosef Siman 158 Orakh Khaim)
8. Khutsilna ding twi jat (siur) chu “Revi’it” ahi. Ahin twi tamtah man’a khutsil aphai, ajeh chu Gemara a Rav Khisda in aseima bang’a, koi hileh khutsilna ding’a twitamtah mang’a chu vaana phattheina amuding ahi, ati.
9. Chondan dungjui in, Khutsil masang hiluvin, khutsil jou joh tengleh thangvahna “al netilat yadaim” akiseijin ahi.
10. Mikhat chun “Seudat” a ding’a khut kisil tahenlang, thangvahna “al netilat yadaim” asei masang in akhut ana kithieh hul kha taleh, khutsil thangvahna avela aseithei tah lou ding ahi.
11. Changlhah nehna ding’a khutsil khut kisil a, akisil jouva (khut akithieh masang) apaopoh khah tah’a ahileh, akhut avel a asil angaipoi, chuleh thangvahna jong aseithei nahlai ahi.
12. Changlhah neh na ding’a, akhut akisil jou pet (thangvahna aseinailou), ama chun Kadish ham ahilouleh Kedusha ham ajahtah a ahileh, adonbut thei ahi. Hiche ho a vang ima boina aumpoi. Ahinlah, thangvahna “Al netilat yadaiam” asei chaitah’a, khut akithieh got nailou ahileh, Kaddish leh Kedushah kiseipet chu akama donbut louva, alungsung’a adonbut ding ahi.
13. Abangkhat in chondan dungjuiyin, khutsil thangvahna sei masangin, “Seu yadeikhem kodesh..” tin aseijiuve. Hinlah abangkhat in ima seilou ding atiuvin ahi. Koi hileh asei auma ahileh, phothip angaipoi, ajeh chu amahon hitia abolnau ajeh, kingapnathei anei un ahi, hinlah ahoipen chu Khutsil thangvahna seimasang’a ima seilou ding ahi.
14. Khutsilna khon umlouna mun a changlhah nenuom pa chun, akhut chu twilah (vadung ham, twikul etc) sung’a akhut adielut a, chujouteng thangvahna “al netilat yadaim” aseiding ahi.
15. Mikhat in Khutsil thangvahna aseiten, akhut teni adopsang a aseiding ahi, chuleh ahoipen chu din puma seiding, hinlah itiham khat a ama chu adamlou ahi a, atha lhasam ahileh, toumun a jong thangvahna aseithei ahi.
16. Changlhah ne ding’a khutsil khat in, changlhah atham masang’a hoitah’a akhut athieh got ding ahi, ajeh chu khut kawt puma changlhah ne chu changlhah buoh (Lekhem tame) ne tobang ahi.
17. Mikhat in khut asil a, avon chung’a athieh got khahlou na ding’a achih thei ten angaiye, ajeh chu thil haimilbaina ahin polut jin ahi.
(Yalkut Yosef Siman 158 Orakh Khaim)
1. Mikhat chun athilneh ding chu twi ham ahilouleh adang ho tichu Yain, khoiju, Olive Thao, bongnoi, daitwi leh thisan akawt a ahileh, (changlhah aneh masang a khutsil daan bang’a) akhut akisil ding, thangvahna “al netilat yadayim” vang asei lou ding ahi.
2. Mikhat chun thil aneh ding chu chung’a kisei (twi ho) akuona kawt henlang, ama chun thihkhe a ann neding hijongleh, akhut akisop ngai ahi.
3. Mikhat chun chung’a kisei (twi, yain...) sung’a athilneh ding chu asuhlut ahilouleh adielut a anehding ahileh khut aseil angaiye.
4. Mikhat chun theiga, akawt, hiche chu atheiga twiya kuona kawt hi a, chung’a kisei twi ho akuona hilou, aneh ding a haileh khut akisil angaipoi.
5. Mikhat chun athil neh ding chu akawt jeh ham ahilouleh adielut jeh a khut akisil ngai iti uchu, Kazayit (27 gm) alhin leh bou ahi, ahinlah Kazayit ahilouleh daan dungjuiya khut akisil angaipoi. Hijeng jongleh Hashem ginna nei mi khat chun Kazayit lhing hih jongleh akhut kisil hen.
6. Mikhat chun Coffee, Cha, sung’a delutna nehnom taleh, khut akisil angaipoi. Ajeh chu acha (Tea) chu sa (hot) ahin, Cake adelut chu Kazayit sang neo ahi in chuleh adelut tengleh akhut a cha (Tea) asuhkhah lou ahi.
7. Saa (meat) Kazayit kihon min neding/tepding khat chun, sa aneh/ate ding chu twi akawt leh akhut asil ngai ahi. Ahin saa chu akihulmin ahileh akihulmin masang’a twiya kisop hijongleh, khut akisil angaipoi.
8. Sufganiot neding khat chun, Sufganiot chu thao mat jongleh, khut akisil angaipon ahi. Ajeh chu thao dang (Olive thao hilou) a kisiem ahi. Ahin, Olive thao a kisiem ahile vang, neh masang’a khut sil ngai ahi.
9. Me-twi (Soup) lah’a anche kihon min umchu, mikhat in thihkhe mangcha a atep/anehding ahileh akhut akisil angaipoi.
10. Mikhat chun athil neh ding khat chu Chi (salt) a adelut a anehding ahileh, khut asil angaipoi.
11. Mikhat chun khutsil teitei na ding thil aneh masang’a khut akisil a, aneh a, chomkhat jouva Changlhah (Lekhem) anehnomtah’a ahileh, akhut avel’a akisil ngai ahi, ajeh chu amasang’a akhut asilpa chu anganse theipoi. Hinlah Thangvahna “al netilat yadaiam” vang aseilou ding ahi
(Yalkut Yosef Siman 159 Orakh Khaim)
Hilkhot Kli laNetilat : Khutsilna Khon daan
(Yalkut Yosef Siman 159 Orakh Khaim)
Hilkhot Kli laNetilat : Khutsilna Khon daan
1. Khutphang a twi lah’a khut kisil theilou ahi, ajeh chu khutsil na ding khon ngai ahi. Hiche khon khutsilna ding’a kimang chu ipi a kuona kisiem hijongleh - tekahnan, plastic, thih leibel hijongleh manthei ahi. Hiche khon chu aneo pen a REVIIT (86 gm) twi beh dolthei hiding ahi angaiye. Reviit (86 gm) dollou ahileh, hitobang khon chu khutsilna a kimang theilou ding, tamtah vei sunkhum ding hijengjongleh manthei hilou ding ahi. Hijeh a chu mikhat in reviit twi beh jong dollou khon chu khutsilna’a amanleh akhutsil chu panna bei ahin, avel a khon dang (Reviit beh dol) khat a athahsil kit ngai ahi; ahin akhut athah sil kit na ding’a athieh got angaipon ahi.
2. Khutsilna ding a khon aumlouleh bottle jong manthei ahi, hiche Lekhem nehding kuona khutsil jong ahop tha e.
3. Khon akamnei hijongleh khutsilna’ manthei ahi.
4. Khon akeh, achip ahilouleh ahom aumleh, khutsilna a kimang theilou ahi. Ahin akhon achip chu neocha bou ahileh khutsilna a manthei chuleh thangvahna seina ding’a jong hithei ahi.
Siman 159 - Khut chung’a twi alonlhah ding daan
5. Hiche khutsilna a twi, khut chung’a ahung luonglha chu mihiem tha akuon ahi angaiye - tichu khut a sunglhah ding ahi. Aman machama twi hung luonglha hilou ding ahi.
6. Mikhat in midang khut asilpieh jong hithei ahi - tichu na-ngong, mingol chuleh chapang hijongleh hithei ahi. Jong (Mongkey) in asilpieh hijongleh hithei ahi, chuleh tukhang’a gentil soh akuona khut kisil jong ahithei in, hiche a hin chondan dungjui in daan khoutah in akichiepi poi.
7. Tap twi akuona hung luonglha, hiche twi luong, kihong theiya kikhah bing thei, hiche twi luong lha akuona ikhut khosah a lheh kah lele a khutsil phal ahipoi. Khong mangcha a khut sil ding ahi. Ahin ahahsat behseh a khutsil na ding khon aumtahlou leh TAP twi pa chu hon le kha lhah kah lelel a silthei ahi.
8. Ahoipena khut isil teng ikhut cheeng apat’a sil ding, isil teng leh ikhut jouse a twi akot theina ding’a hei lele ding ahi. Ahin daan dungjuiya ikhut jung jouse akot leh pha ahitai, ahin twi aumnah a ahileh khut jung keo hilouva ikhut phang ho a jong twi sunding ahi.
9. Numei thienglou (Nidah) khat in ajipa khut silna ding’a twi khon akoidoh pieh thei ahi, hinlah ajipan twi tap noiya akhut akoipet’a twi chu alhapieh ding phallou ahi.
10. Daan dungjuiya mikhat chun akhut chung’a Reviit (86 gm) twi khatvei sunga asunlhah leh, pha ahitai. Ahin chondan dungjuiya vei thum alang lang’ah akisun khum jin ahi. Hitin akisil in ahi, khon a twi um chu jetlang’a lah’a veilang khut pieh ding, jetlang khut chu thumvei sunkhum ding chujouteng jetlang khut a twi chu choiya veilang khut chu thumvei sunkhum kit ding ahi. Veikolong hon jong hitia hi asil ding u ahi.
Yalkut Yosef - Orakh Khayim - Siman 159
Khutsilna ding’a Twi Kimangthei Ho
1. Twi, ama machama ahilouleh, thilkhat asung’a alhahlut jeh ham, ahilouleh aumna mun jeh’a ahina (alim) akikhel a ahileh, hitobang twi chu khutsilna ding’a manthei hilou ahi. Ahin buon ham, vutvai ham alhahlut jeh’a anet a ahile vang khutsilna kimang thei nalai ahi, ajeh chu hitia chu nen ji mong ahi, chuleh phat chomkhat hitia chu ikoi leh atwi hung thieng kit thei ahijeh ahi.
2. Twi a rong kang tobang’a um, hiche atwi chung’a chu twi-hu um, apet a chu atwi-hu aumjeh’a atwi chu chimsetlou, hinlah phat chomkhat akikoileh hung chim ding, hitobang twi chu khutsilna’a manthei ahi, chuleh atwi ahung chimset nga angaipoi.
Hitobang’a chu tap a twi kailha, atwi chu apet’a neldi toh akihaljeh’a chimlou ahi a, chomkhat jouteng hung chim ding ahileh, hiche tap twi chu khutsilna ding’a phal ahi.
3. Natohna’a kimang twi, (vetsahnan anche sopna, ponsopna etc) hohi khutsilna ding’a kiman theilou ahi. Ahin twi aum chu natohna’a kimang ham, kimang lou ham ahetchet louleh vang khutsilna a amanthei ahi.
4. Natohna’a kimang twi ham, kimang lou ham hetchet lou chu khutsilna ding’a manthei ahivang’a iti hamkhat’a twi dang, natohna’a kimanglou aumleh hiche twi joh’a chu khut kisil ding ahi.
5. Mikhat in khut akisil a asiljou nung’a atwi man chu ajat alhompet (revi’it) alhin-alhinlou ahetchet lou va ahileh, akhut anungsil kit angaipon ahi. Ahin ahoipenna chu, khutsilna ding’a akingaicha jat alhinlouva ahileh, hihe twi hu amanlou ding ahi.
6. Twi lum, twisapai sung’a kikoi, hihu tahsa chung natna muna kikoiji, hiche twisapai sung’a twi umchu adaplhah teng, abangkhat in khutsilna ding’in amanji pouve, ajeh chu twi natohna ‘a kimang a kisim ahijeh ahi.
7. Moida mehkhat masang’a twi um, twi aumpen chu alim-le-guong ima kikhelna umhih jongleh, khutsilna a mantheilou ahi. Chuleh samchep ho masang’a twi um, twi sung’a samchep pan akhut asuhlut ji akihet leh, hiche twi chu khutsilna’a kimangtheilou ahi. Ahin samchep pan akhut a twi asuhlut asuhlutlou akihet louleh, khutsilna’a manthei ahi.
8. Moida meh khat in akhut a moida amehna nat ho chu twi a akisoplhah’a, hiche twi akhut akisoplhahna chu twi dang aumlouleh khutsilna amanthei, thangvahna “al nitalet yadaim” jong aseithei ahi.
9. Ache-louhing agoplhahvah louna ding’a twiya kide, hiche akidena twi chu khutsilna ding’a mann phallou ahi.
10. Haikhum sung’a Nga kikoina twi chu atwi themkhat anetleh khutsilna a kimangtheilou ahi. Ahin nga chu phatchomkhat bou koina’a akiman leh khutsilna a kimangthei ahil.
11. Mikhat chun bongnoi aki-omsousa khon khat chu adaplhahvahna ding’a twidaplah’a adelut a ahileh, hiche adelutna twidap chu khutsilna a kimang thei ahi, ajeh chu natohna a kimang ahitai, chuma bang’a a chu Ju (Yain) asatpet a adaplhahna ding’a twidap lah’a kikoi, akikoina twidap chu khutsilna a kimangtheilou ahi.
Yalkut Yosef - Orakh Khayim - Siman 160
Mayim Kaserim la netilat Yadaim - Khutsilna ding’a twi manthei ho
12. Buhbang (ice) junlha twi, khutsilna a manthei ahi. Chuleh refregerator a kona twi tang (ice) hung jun lha wi jong khutsilna a manthei ahi, natoh na kimang twi in akisim pon ahi.
13. thil tena (miskal) a ding twi kiman (sa te na ding) chu khutsilna a kimang theilou ahi
14. Um le bel ham ahilouleh thil khat ahom (hole) um ham um lou ham hetna dingá twi kimang chu twi dang a aum louleh khutsilna a manthei ahi, hiche twi natoh na a kimang a akisimpon ahi
15. Mikhat chu glass sung khat a twi a sun lut na, a glass chun twi ijat akat jouvam ti ahet noma aboleh hiche twi chu khutsilna a kimang theilou ahitai
16. Uicha ahilouleh vohcha in twi akikoina a ana don lhon khah leh hiche twi chu Shulchan Aruch dungjuiya khutsilna a man phal hi jongleh strict a khutsilna a man lou ding in aphai. Ahin gancha vacha dang in ana don khah ahileh vang khutsilna dingá man phal ahi.
17. Twi ki om lum khutsilna ding a phal ahi, ahin asatbehseh leh nga (wait) a ahung vot (cold) deu teng leh man in aphai.
18. Tiberia twi sa vang khutsilna a man lou ding ahi, ajeh chu a twi jong akha (bitter) in uicha donding a jong lhing joulou ahi.
19. Twi nen (dirty) uich a dondingá jong lhing joulou chu khutsilna a kimang theilou ahi.
20. Twi pi (sea/ocean) twi, khutsilna a manlou ding ahi, ajeh chu atwi khu uicha don dingá jong lhingjoulou ahi. Ahin, tua kisei chu silna dingá tina ahi in, ahinlah ekhut chu twipi sungá esuhlut ding ahilevang phal ahi, chuleh thangvahna jong seithei ahi.
21. ahoipen a bathroom le latrine kigom khom asung theng set jongleh khutsil bol got louding ahi. Ahin aboi behseh a khutsilna ding mundang aumlouleh vang ga kisil thei ahi.
22. Bathroom, latrine toh kigom khom lou ahilevang ahoi penna ding hijongleh khutsil ding phal ahi. Thangvahna vang bathroom polangá asei ngai ahi. Ahin koiham khat a strict a bathroom jong umlou na mun a khut akisil leh vangbuohna (bracha) akimuding ahi.
23. Latrine sungá twi um, atwi hu hoisel a kisin (close) jongleh ahoipenna khutsil na a manlou ding ahi. Ahin aboi behseh a khutsilna ding twi dang aumlouleh vang manthei ahi.
24. Khutsilna ding twi neilou khat in soda twi khutsilna dingá amanthei ahi. Soda twi anei louleh Cola, Sprite, Coffee, Tea chuleh Beera, vodka etc. amanthei ahi, ahin cha le coffee chu avot heuheu ngai ahi. Hiche ho jongleh aumlouleh juice hojong amanthei chuleh thangvahna jong aseithei ahi. Hiche a hin neh le don kichepna, jalouna jong aumpon ahi. Ahin yain (Wine) vang phallou ahi.
25. Bottle a kuona jong khutsil bolthei ahi, ahin a bottle sungá twi chu hoitahá hung potdoh ngai ahi.
26. Bohbang reviit alhin a leh khutsil na ding a manphal ahi, ahin ekhutna noi ngai ahi, hinlah sabbath nia vang phallou ahi.
Yalkut Yosef - Orakh Khayim - Siman 161
Hilchot khatzitzat banetilat Yadaim ve ad heikhan notelin
1.Twitoh itahsa daltan thei ho akuona chih thei angaiyin ahi. Mikveh kide na a itahsa le Mikve twi dal tan thei ho khut khutsilna a jong ikhut le twi kikah a adaltan in akisim in ahi. Thao leh Cream khut a mat ahile vang ikhut twi akot thei louvang’a thil dal tan (Khatzitzat) in akisimpoi. Chuleh ikhut a khutsilna khon ituhna mun chu ikhut isil jou nung’a kot hih jongleh khutsil in akisim in ahi.
2. Khut isil teng tin kikah a nen (dirt) ho suhthieng ngai chuleh khut jung bu (Ring) ho jong lah doh ngai ahi. Ahin mikhat chu anatohna athieng ahi a amapa chun akhut jungbu alah doh ngailou ahile vang detlheh jongleh ladoh louva khut asil den thei ahi. Hinlah ama chun akhutjungbu chu twi akotna ahungset ding akichat a analah doh jileh vang khut asil ding teng jongleh alahdoh tei tei ngai ahitai.
3. Numei in jong changlhah sepna ding’a Moida ameh pet ham ahilouleh Cake aseppet ham a akhutjem alahdoh ngai lou leh khutilna a jong alahdoh angaipon ahi. akhutjem chu detlhehjongleh Khetzitzah in akismpoi. Ahin ama nu chun changlhah seppet ham, ahilouleh Cap aseppet ham a akhutjem asietkhah di akichat jeh ‘a analah doh ji ahilevang, khutsil ding kuon jongleh alahdoh ngai ahi.Ahin amanu chun aitih a jong akhutjem alahdoh louva chuleh ahungsietkhah ding jong khoh asah louleh vang khutsil ding pet’a alahdoh angaipon ahi.
4. Numei khat in atinlou(color) atin a ahoina ding’a anu chu khutsilna ‘a thil sukhen(khatzitzah) in akisim pon ahi.
5. Numei khenkhat a insung kinai khat kichen masang’a akhut a Khina(khut a color nu) anuleh hiche khutil na ding’a khatziztah in akisimpon ahi.
6. Teffilin color nu khat akhut a Tefillin color anat a, hapta lhungkeiya akhut a rong amat chu khoh asah louva ahileh, abangkhat in aseina’ah, khutsil na ding’a ahithei channa akhut a color nat chu asoplhah got ding ahin, athen joulou levang, ima aboipon, khetzitzat in akisimpon ahi. Ahin sabbath ni ahile vang, akhut a color amat ding akiven jeh’a chu ahithei chan a khut akisil teng akhut’a tefillin color ana umden khah nalou ding a akiven angaiyin ahi.
7. Mikhat chu akhut langnia kisuh khahna aneiya, bandage atomleh, khutsil ding teng abandage teni alahdoh theiya ahileh, thangvahna aseithei ahi, ahin alahdoh thei louleh vang thangvahna aseithei lou ahi. Ahin akhut lang khat bouva kisuhna aneiya ahileh, hiche akisuhkhahna lang chu thilkhat a atoma alangkhat chu asil’a, thangvahna “al netilat yadaim” aseitheiding ahi.
8. Mikhat in a khut phang’a kisuhkhahna aneiya, hiche akisuhkhahna mun chu bandage a atoma, khut asil teng akhut jung ho bou asil thei hijongleh, thangvahna aseithei ahi.
9. Mikhatchun akhut langkhat a khut atoma atah akanga (Geves) atomleh, atomlouna lang chu akisil’a thangvahna “al netilat yadaim” asei ding ahi, ahin iti ham khat’a hetkhiel jeh ‘a thangvahna “al netilat yadaim” anasei khah leh ahitheiyin, avela anung thah sei kit angaipon ahi.
10.Yom kippur nikho a mikhat in adammo jeh’a (Thiena thei dinmuna um) Lekhem Kazaith aneh ding ahileh, khut asil ngai, hiche akhutjung asil ding ahi, ahin thangvahna “al netilat yadaim” vang aseilou ding ahi. Ahin doctor ten amapa chu adinmun aboibehseh jeh’a Lekhem kabetza aneh ngai ahi, tia aseipeh uleh, hiche va hi khut asilding chuleh thangvahna “al netilat yadaim” jong asei ding ahi. Birkhat Hamazon teng”Yaale veyavo” aseiya ”Beyom hakipuriim hazebeyom Selikhot ha avon hazeh”abelapding,abelap haimil leh Birkhat Hamazon athah sei angaipon ahi.
Yalkut Yosef - Orakh Khayim - Siman 162
Hagbehat HaYadayim Banetilah: Khutsil na’a Khut dopsang daan
1. Khutsil khat in, khut asil jouteng, akhut chu adopsang ding ahi, ajeh chu ajokhat leh akhutsilna twi chun, akhut cheeng aga phah a chujouteng hung nung lonlhah henlang hileh akhut chu anung suhboh kit ding ahi. Ahin, Reviit twi akhut teni a khatvei sun a asunden levang, adopsang khel khel angaipoon ahi. chumabang a chu mikhat chu vangdung ham a (khutsilna ding khon umlou) akhut teni asuh lut’a ahileh, akhut adopsang ding angaipon ahi. Adiehset’a tukhang’a chondan dungjuiya, khat alang ni a veithum gel jen akisop tah jeh in, isop chai teng, khut dopsang ding angai tapon ahi.Ahin Kabbalah dungjuiya, thangvahna “Al netilat yadaim” seipet tengleh adopsang ding angai nalaiyin ahi.
2. Mikhat chun akhut langkhat asop a, akhut asoplou nalang pa chu asop nalangsa chu atoh khahsah a ahileh, akhutsil chu panna bei ahitan, avela akhut chu athieh got’a athah sil kit ding ahi. Thangvahna anaseikhah tah’a ahileh, thangvahna umlouva athah sil kit ding ahi.
3. Mikhat chun khut akisil a akhut athieh got masang’a khut sil lou khat in akhut ahin toh khah’a ahileh, khut athah kisil kit ding ahi, chujouteng thangvahna aseiding ahi. Ahin, thangvahna anasei jou khah tah’a ahilevang, akhut chu athah sil kit ding, thangvahna vang aseikit lou ding ahitai.
4. Abangkhat in aseidan in, khut isil masang leh khutsilna khon abil (handle) chu twi akotleh thiehgot a chujouteng khutsilna a manding ahi, atiuvin, hitia bolding chu thil hoitah ahi. Ahin ikhut isop tengleh, Reviit twi khatvei boh’a iboh den jileh vang, khutsilna khol abil a twi anakot jongleh ima aboipon, hitia chu thiehgot louva manden thei ahi.
Yalkut Yosef - Orakh Khayim - Siman 163
Mi she einlo Mayim ve Hameakhil Le akharim: Khutsil a twi umlouleh midang an nehsah daan
1. Changlhah neding khat in khutsil na ding’a twi anei louva chuleh amasang’a Mile 4 (3.5 Km val) chuleh anung lang’a Metre 960 channa twi aumlouleh, akhut chu thil khat a atoma changlhah chu khutsil louva aneh ding ahi. Hijeh a chu gari tol khat in agari tolpet’a changlhah aneh noma (ahin khutsilna ding twi umlou) amapan amasanga mile 4 chan a twi aum ahetleh khutsilna ding’a angadoh ding, ahin mile 4 channa twi aumlou ahet leh, akhut atoma changlhah chu aneh ding ahi.
2. Mikhat in midang (adamlou ham ahilouleh chapang ham) changlhah anehsah leh khut akisil angaipon ahi. Ahin Khallah nepa chun changlhah chu akhut a tongkha louva midang akibah/akineh sah hijongleh khut akisil ngai ahi. Hijeh a chu koi hileh thihkheh-ka (Fork/Mazleg) ahilouleh thihkhe-tong (kapit) mangcha’a changlhah aneh ding hijongleh, khut akisil tei ngai ahi.
Torah daan le muol juilou khat kholjin a ahungkhah a ahileh, adihpen tah chu amapa koma khut sil ding dan le thangvahna seidan seipieh a hitia chu bolsah ding ahi, ahin hiche chu awnem tah’a seipieh ding ahi. Hinlah amapa chun ipi kiseipieh jongleh ima ganilou ding ahi a, ahilouleh amapa chu Torah leh ajil ho thet mi ahi a, daan leh muol akiseipieh’a Torah thetna le ajil ho mudana ahin neibe ding ahile vang, ima seipeh louva hitia chu ain neipan ajinpa chu thangvahna a seilouding, ahilouleh khut jong asillou ding hijongleh neh le chah peh thei ahi. Thangvahna aseipet a ajinpan ahin ngailhah ding anopleh, hoitah’a ahin ngai dinga seipieh a hitia chu ahuop thah ding ahi.
4. Hotel ahilouleh Restaurant neihon neh leh chah ajoh ho uchu, hou bollou (khiloni) thangvahna seilou khutsil bollou ho kom hijongleh akichosah thei u ahi, chuleh aman ho jong chu kipa golnop tehkahna kichenna ding hijongleh amansah thei u ahi.
5. Ann neh laipet tah’a mikhat in atahsa akisellai ho tekahna, akengto, aoipoh, ahilouleh angong lah vel ahin khoi khah a ahileh, akhut alang nia akisil ding ahin, thangvahna vang umlou ahi. Hichu an aneh jom nom nahlai leh tina ahi. Hinlah ann neh ajomtahlou ding ahi a, theiga joh aneh nom ham ahilouleh twi adon nuom a ahileh vang, akhut langni hilouva, atahsa athamkhahna khut bou chu asop ding ahi.
6. Ahithei chana ann neh pet a Sefer Torah ham ahilouleh Megillah Ester lekhajol ham thamkhah nalou ding a chihthei ten angaiye. ajeh chu akhut ahin sil ngai ding ahi. ahin athamkhah a asil lou jongleh kingapna ding mi aneiyin ahi. Ahin lekha dang paper a kuona ahilevang ann neh pet hijongleh thamding ima aboi aumpoi.
Ha Oseh Tzarakhav ve Rotzeh le khol - Jun-le-eh thahjouva ann neh
1. Mikhat in Jun ahilouleh eh thah jouva changlhah (lekhem) neh nom taleh, khut asilding, hichu jingkah thodohna a khutsil tobang’a asil ding, asil pet leh alungsung’a akhut asil chu changlhah neh nading toh kop a kasil ahi tia agelding, chujouteng leh thangvahna “al netilat yadayim” aseiya akhut chu akitheh got a chujouteng thangvahna “Asher yatzer” aseiding ahi. Hiche thangvahna “asher yetzer” khutsil jou leh changlhah neh masang kikah a aseichu adaltah (hefsek) in akilapon ahi, ajeh chu Shulkhan aruk dungjuiya khutsil jou a pat changlhah thangvahna “hamotz lekhem” sei kikah sung’a, ham le pao (hefsek) phal ahi.
Ahin amapa chun “asher yetzer” aseiding ahaimil lou ding ahileh changlhah Kazait (27 gm) aneh a chujouteng “Asher yetzer” thangvahna chu aseiding ahi. Khenkhat in aseidan na hiche Jun le eh thahjouva changlhah neh nom pa chun khut asil jouteng “Asher yetzer” aseiding chujouteng akhut a atahsa akisel lai ho ageh tohkhah a avel a khut asil kit a thangvahna “al netilat yadaim” aseiding ahi, atiuuvin, ahin hiche hi Halakha dungjuiya hitia bol hi adihpon, hiche hi panna beiya thangvahna seiya lut ahi.
2. Mi atampi in ann kuong (changlhah jaona) aso khom ding ahileh amaho lah’a atehpen in khut akisil masat pen ding ahi. Khenkhat in adaltan (hefsek) ginmona jal in achaina pen in akisil ji in ahi, ahin mikhatt in iti ham khat’a amasapen a akisil a Lekhem neh na ding’a japi jouse in akhut u akisil jou tokah anga doh ding ngai hijongleh adaltan (hefsek) in akisimpon ahi.
1. Daan dungjuiya khutsil jou a pat a thangvahna “hamotzi lekhem” sei masang tokah ham le pao ding phal ahi, ahin ahoipenna chu sabbath ni hi hen, nidang hijongleh, khutsil jouva pat a thangvahna “hamotzi” sei masang tokah a pao louding ahi. Hinlah “Kaddish” ham ahilouleh “Kedushah” ham khutsil jou apat a “Hamotzi” kikah’a ijah khah a ahilevang donbut ding ngai ahi.
2. Ahoi penna chih thei ding ngai chu ahileh khut ikisil jou leh thangvahna “Hamotzi” seina ding’a phat nga sotgot lou ding ahi. Asopt penna mikhat in lampi tong 22 ajot phat sung nga ding, hiche phat khel jou vang ngadoh louding ahi. Ahin, itiham khat a mipi khutsop ding atama, aboncha uva ahin kisop chai tokah sung uchu ajouva iseiyu “Tong 22 kenglam jot phat sung” val ding hijongleh ngadoh a achaina a khut kisil ding phal ahi. Ahin ipi chu hileh kinomsot den lou ding ahi.
3. Daan dungjuiya khutsil jou apatna thangvahna “hamotzi lekhem” sei masang kikah sung’a natoh neo, tekahna charity kotphung’a angaicha ho gapieh ahilouleh pung gah vet, ahilouleh adang dang bol phal ahi. Ahin hiche kisan natoh neoho bollouva “hamotzi” gangtah a bolding chu thilpha ahi. Natoh neo ho phal ahi vang a iti ham khat’a mikhat chun thil neo khat ham khutsil jou leh Hamotzi kikah’a ahin bol a hiche akuona chu phatsot tah pi hefsek ahung umkhah ding a ahileh vang mangang tah’a “hamotzi” thangvahna joh aseidoh a achanglhah chu themkhat aneh a chujouteng joh leh natoh neo chu abol ding ahi.
4. Khut silna ding mun akuona anneh na mun chu gamlha jongleh, khutsil pha ahi. Hiche a hi ann neh nakom toh kinai khel a seiding angaipon ahi. Shulkhan arukh in khutsilna leh ann nehna mun kinaisah ding ativang’a, hiche dan dungjuiya asei ahipon, Middat khasidut joh aseina ahi.
5. Shabbath leh kut hijongleh changlhah neh na ding Chagsang ahilouleh inpam lama khutsil a potdoh thei ahi.
Dinei Be-tziat ha Pat - Changlhah bokeh ding daan
1. Changlhah min hoi lai pen mun chu bokeh masat ding, iti ham khat’a changlhah chu akihul akuona neokhat ana keh khah leh hiche akehlai mun chu bokeh masat louding, amin hoilai mun joh bokeh masat ding ahi, ajeh chu thangvahna “hamotzi” kisei chu changlhah ahoilaipen mun a chuhsah ding ahi.
2. Nikho dang tengleh changlhah ineh nomleh thangvahna “hamotzi” isei masang’a neokhat at-keh ding, thangvahna isei jou tengleh atkehna mun chu bokeh ding ahi. Sabbath leh kut nikho teng levang, thangvahna sei masang’a neocha hijongleh atkeh lou ding ahi, ahin iti hamkhat’a mikhat chun hetkhiel jeh’a ana atkeh khah leh sabbath leh kut nikho a changlhah kimsel (Lekhem Mishne) manding thupieh (mitzvah) achaan dieh pon ahi, (hiche achanglhah teni chu adopsang tengleh kimsel a kimu)
3. Thangvahna “hatmotzi” sei pet a changlhah chu at nailou ding ahi, ahoipen chu thangvahna seipet’a thilneo cha hijongleh bolgot lou ding ahi. Birkhat hamazon le taona (Amidah) man pet tailou, thangvahna adang dang ho seipet a daan dungjuiya thil neo bolding phal ahi, ahin phat hijongleh ahithei channa ipi thangvahna hijongleh iseipet teng ima bollou ding chu thil hoi ahi.
4. Nikho dang hijongleh mikhat chun changlhah kimsel leh akimsellou aneileh, akimsel pa joh chu thangvahna “hamotzi” seina’a aman ding ahi.
5. Changlhah thangvahna “hamotzi” seiteng leh “Hamotzi lekhem” leh “min ha’aretz” kikah phat ong (gap) umsah ding - tichu “Hamotzi lekhem” phat ong umsah ding “Min ha’aretz” tia seiding ahi. Ahin mikhat chun phat ong lahlouva “hamotzi lekhem min ha’aretz” tia asei jongleh, thangvahna seiding asubulhit in ahi.
6. Ahoipenna ann neh na mun a changlhah thangvahna seiding ah i. Ahin iti hamkhat’a mikhat chun changlhah thangvahna asei a neokhat aneh a chujouteng mun dang’a aga nehchai khah a ahijongleh ahoipen ahilouvang’in Bediavad a athei in ahi.
7.Changlhah thangvahna”hamotzi” isei jouteng leh ima seilouva changlhah chu neh pai ding ahi. Iti hamkhat’a mikhat chun thangvahna “hamotzi” aseiya, aneh masang’a apao khah a ahileh thangvahna athah seikit ngai ahi, ahin ann neh toh kisam kai - tekahnan chi agah thum ham, ahilouleh changlhah toh mepiding thil thum na a apao khah le vang thangvahna “hamotzi” athah seikit ngai poi. ahoipenna hiche ho sei ding jong chu bollou ding ahi.
8. Changlhah chu ikhut a ichoi masang’a thangvahna “hamotzi” seinailou ding chuleh ikhut langnia changlhah chu choiding ahi. Chonddan in changlhah chu Chi akide jin ahi.
9. Khut-tuom (gloves) kitom khat in thangvahna asei tengleh akhut tuom puma changlhah chu achoilou ding, akhut tuom chu akilahdoh ngai ahi. Ahin mikhat chun akhut akisuhkhah jeh’a akhut tomma (Geves) akhut chu akitom levang, akhut tuom umna puma changlhah chu abokeh thei ahi. A in sung midang ho thangvahna “hamotzi” seiding a apieh doh angaipuon ahi.
10. Hamotzi thangvahna iseijou tengleh kinomsot louva changlhah chu nei pai ding ahi. Abangkhat in “hamotzi” isei jouteng uleh changlha chu bong tamtah in insung mipi um jouse a ding’in atah doh jiuvin, chujouteng le changlhah chu atang bong pan anehji pan bep in ahi. Ahoipen a hitia bollouding, chutah sang’a thangvahna seipan aneh masat a chujoutengleh a insung mite a ding’a changlhah chu atan pan ding ahi.
11. Mikhat in mitamtah hoptha ding’a thangvahna “hamotzi” seitaleh, angai ho chun “barukh hu barukh shemo” tia adonbut loudiu, chuleh changlhah neo khat beh aneh masangse uva, pao phallou ahi. Iti hamkhat’a thangvahna seipan changlhah neo khat ana neh man a, adang hon changlhah neman nailouva ana pao khah tah uva ahileh, thangvahna athah sei kit ding u angaipoi, ahin thangvahna seipan changlhah neo khat jong ana neh man nailouva ahilevang, ana pao khat ana umkhah leh, amapa chun thangvahna athahbeh a akisei kit ngai ahi. Thangvahna seipan changlhah aneh masang’a ana pao khah leh, avela thangvahna athah kisei kit ngai ahi, hinlah adang angai ho vang ana pao khah uleh athah kisei kit u ngai ahi, ahin ana pao lou ho vang chun, thangvahna seipan avela apaokhah jeh’a thangvahna avela athah seikit ding hijongleh amahon vang avela thangvahna asei kit diu angaitapoi.
12. Ahoipena changlhah ineh tengleh, ilol sung’a ivallut masangse a paolouding ahi. Iti hamkhat’a ikamsung’a ilhailaipet tah’a ina pao khah tah’a ahileh thangvahna (hamotzi) thahsei kit angaipon ahi. Ajeh chu tep maimai ding hilouva, neh ding joh’a lunggel aneijeh chuleh changlhah akam sung’a alhaipet’a chu atwina nopsahna aneijeh ahi. Hijeh a chu mikhat chun mithai ahilouleh mastic (chewing gum) neh na ding’a thangvahna Sehakol aseiya, akama alhaia atuina ahetjou tengleh paoding pha ahitai. Ahin ahoipen a thil inehtengleh ival lut kah’a paolouding aphai.
13. Mikhat chun changlhah thangvahna “Hamotzi” aseiya aneh masang’a Kaddish ahilouleh Kedushah ham ajah khah a ahileh adonbut theilou ding ahi, iti ham khat’a hetkhiel jeh’a changlhah aneh masang’a ana donbut khah tah’a ahileh thangvahna “hamotzi” athah sei kit angaipon ahi. Changlhah chu akamsung’a alhaipet tah a (aval nailou) Kaddish ahilouleh Kedushah ham ajah khah a ahileh vang adonbut ding ngai ahi. chuleh aloi dang kha in thangvahna asei ajah a ahileh adonbut ding ahi. Ahin athilneh chu avallutna alol sung’a alut laipet tah’a Kaddish ahilouleh Kedushah ham ajah leh vang akam a donbut louva alungsung joh a adonbut ding ahi.
14. Neh leh chah thangvahna ham ahilouleh Mitzvah bol masang’a thangvahna hijongleh mikhat in hetkhieljah’a ama le aman thangvahna aseijouva “Amen” tia adonbut khah leh Hefsek (paltan) in akilapon ahi. Hijeh a chu mitamtah in neh le chah thangvahna ama le aman akisei uva hetkhiel jeh’a aloidang thangvahna sei ajah jeh a amapan thangvahna aneh masanga “Amen” tia aseikhah ham ahilouleh Kaddish, Kedushah ham adonbut khah leh Hefsek in akilapon ahi. Ahin, thangvahna leh aneh masang kikah a seikhah thucheng chu Kaddish , Kedush chuleh “Amen hilouva thildang ahileh thucheng khat anasei kha tajongleh Hefsek in akilan, thangvahna athahsei kit ngai ahi.
15. Mikhat chun ganchah avah ahileh amapan ann aneh masang’a agancha ann apieh masat ding ahi, ajeh chu aganchan ann apieh masang’a amapan ann aneh ding phallou ahi. Ahin hichu neh le chah lang kiseina ahin, hinlah donlang ahiteng levang mihiem joh agancha sang’a masa ding ahi.
16. Khenkhat in ann neh masang’a gancha ann pieh ding hi Torah akuon ahi, atiuvin, abangkhat in Derabanan akuon ahi, atiuve. Ipi chu hitaleh gancha masang a ann chu igakoipieh leh aphatai, ganeh sah khel angaipon ahi. Maran Yakhida in jong ahcha nei ho koma ajo khat leh thupieh bol phallou “Gancha suhgenthei” apalkeh khah naloudiuva jingkah seh leh ahcha neihon an apieh jing na diuvin agihsal in ahi.
17. Mikhat chu ann nehna ding thangvahna aseiya aneh masang’a gancha ann pieh ding ahingeldoh’a “Gancha ho an peuvin” tia aseileh Paltan (hefsek) in akisimpon ahi, ajeh chu gancha ann pieh masang’a ann nehding phallou ahi. Ahin tua isei u chu Hefsek ahilouva vang’in bolding’a hoipen ahipoi.
18. Mikhat in uicha (dan dungjuiya vah phal ho) le mengcha ham avah khah leh gancha thienglou ahivang uva ann neh masang’a amaho ann pieh masat na dinga chihthei ngai ahi.
19. Tua isei u ann neh masang’a gancha ann pieh ding ahi, itiu chu eima gancha kiseina ahin, midang gancha kiseina ahipoi, hijeh a chu midang gancha khat ann neh ding kuon leh eima huonsung’a umjongleh ann pieh louva eiman ann neh ding phal ahi.
20. Changlhah (lekhem) thangvahna seilouva mikhat chun changlhah ana ne khat tahenlang hileh, changlhah neh ding aumnalaiya ahileh, thangvahna aseiya aneh ding ahi, ahin ann neh joulang pet a thangvahna aseilou chu ahingeldoh a ahileh, thangvahna “hamotzi” aseitheitah lou ding ahi. ann aneh laipet tah’a thangvahna aseiu aseilou ahetchet louva ahileh, ima seilouva ann neh ajomthei ahi, ahin midang changlhah ne kigo auma ahileh amapa koma thangvahna ahinsei teng ahinhoptha ding’a aseiya hitia chu thangvahna asei aseilou ahetlou chu aseptuoh thei ding ahi.
Parashat Vayeshev
Khanukah sung’a bolding phallou ho:
1. Chondan dung juiya khanukah teng numei hon thaomei nidan keh avah sungse a natoh ima abol pouvin, vetsahnan, puonkhui, puonsop chuleh adang dang, ahinlah neh le chah toh kisamkai tichu ann huon, ho ahilevang abolthei u ahi.
2. Khanukah sung’a ann-ngol phallou ahi, hijeh a chu mikhat anu ham apa ham thi nikho chu khanukah sung’a achuh khah a ahileh khanukah masang’a ann angoldoh ding ahi.
Khanukah thaomei det ding daan le muol:
1. Hiche khanukah thaomei hi ni giet sung akide in, animasa nileh khat akide in, ani nih nileh ni akide in, hiti chun anikho achie dungjuiyin thaomei jong akibelap in ahi.
2. Khanukah thaomei det ding thupieh hi insung’a mikhat (mipa) in adet leh a insung mijouse jong ahop tha tan ahi. Askenazi hon vang amitakep in adejiuvin ahi.
3. Insung’a thaomei deding miipa aumlouleh minu in jong ainsung mijouse ajipa puma ahoptha ding’a thaomei adet thei ahi. Hiche thaomei detding thupieh a hin numei leh pasal dinmun akibang’in ahi.
4. Khanukah thaomei hi ahoipenna insung lutna, Mezuzah umlouna lang kot koma tunding ahi, ahin building sang a cheng ho ahilevang, building huikot koma khat’a atuna detding ahi.
5. Khanukah thaomei hi jaan ahsi thum (tzet hakokhavim) akimu apat a det pan thei ahi, hiche masang’a vang det got louding, jaa ahilaise, tichu kho avah masangse a Thangvahna puma thaomei det thei ahi. Ahin kho avah a ahilevang thaovahna umlouva det ding ahi. Ahoipena ahsi thum so apatna nidang kehkhat sung’a khanukah thaomei det ding hi thilhoitah ahi.
6. Thaomei idet masangleh hetding a poimo chu, thaomei idet ding chu idet jouva pat nidan kehkhat beh avah jouding ngai ahi. Nidan kehkhat beh avahjou louding ahileh khanukah thaomei detding thupieh akisubulhit poi.
7. Mikhat chun iti ham khat a nidan kehkhat vah jou louding thaomei adet khahtah’a, adet jouva ahin hetdoh a thaotwi tampi asun be hijongleh thupieh asubulhit lou ahi. Hijeh a chu thwotwi sunbe hilouva, thaomei adetsa chu asuhmit a, chujouteng nidan kehkhat beh avahthei na ding’a thaotwi asunbe a hitia chu avel a thangvahna umlouva athah det ding ahi.
8. Khanukah thaomei chu jetlang’a pat veilang’a tunding, idet tengleh veilang apat’a jietlang a detding ahi. Chuleh hetding a poimo kit khat chu thaomei idet tengleh, thaomei chu nidan kehkhat avahsung’a hui in asem mit jou louding ahi angaiye. Iti hamkhat’a hui in asem mit ding ihet a thaomei chu idet leh thupeh kisubulhit lou ahi. Ahin hiche hui kisei chu phatseh’a nitin a um hui kiseina ahin, nitin a umkhalou hui kiseina ahipoi, tichu mikhat in khanukah thaomei nidan kehkhat sung vahjou ding adet a, athaomei adet joug chu nitin a um hui holah’a vahjou ding ahi a nidan kehkhat avah masang’a hui hattah, nidang’a umkhalou in ahin mutmitkhah a ahileh, nidan kehkhat vahnailou hijongleh thupieh asuhbulhit ahitan, avela athah det kit angaipoi.
Khanukah thaomei vahna ding’a thangvahna daan ho:
1. Khanukah thaomei vahna ding’in thangvahna thum aumin ahi:
a)Lehadlik Ner Khanukah
b) Se asah nisim la avotheinu
c) Shehekhiyanu
Ahin, shehikhiyanu thangvahna hi animasa nileh akiseiin, aninih apat in, Lehadlik her khanukha le She asah nisim la avotheinu bou akisei tai.
2. Mikhat chun itiham khat’a animasa nileh thaomei detpet’a shehikhiyanu thangvahna anasei haimil khah a thaomei nidan kehkha avah sung’a ahin geldoh a ahileh, shehekhiyanu thangvahna aseithei nahlai ahi. Hiche nidan kehkhat sung’a jong ahin geldoh louva ahileh, aninih leh aseiding hitia chu achaini kah’a khanukah thaomei det masang ham ahilouleh adet jouva nidan kekhat sung’a seithei ahi.
3. Mikhat chun thangvahna seilouva khanukah thaomei anadet khahtah a ahileh, thaomei adet ding tichu anithum ni a thum lah’a ani ana det’a khat det nailou aumnahlai a ahileh, thangvahna aseitheinahlai ahi, ahin athumna anadet jouva thangvahna aseilou ahin geldoh a ahileh thangvahna Lehahlik ner khanukah aseithei tahlou ding ahi, ahin thangvahna She asah nisim vang aseitheinahlai ahi. Ipi chu hileh thangvahna seilouva anadet hijongleh thupieh asuhbulhit ahi.
4. Khanukah teng Hanerot halalu la akisaji in, hinlah chihthei ngai chu ahileh thangvahna jouse iseijouva khanukah thaomei amasapen idet jou tengle bou sah pan bep ding ahi.
5. Khanukah thaomei vah akuona nopsahna tichu avah akuona sum gahsim, ahilouleh Torah gam sim hijongleh phallou ahi.
6. Chondan dungjuiya Beith Knesset muna jong khanukah thangvahna pumin mei akivah jin ahi. Ahin hiche beith knesset a khanukah thaomei kivahna akuona thaomei detding thupieh (mitzvah) kisubulhit theilou ahin, inn a kide thaomei akuona bou thupieh kisubulhit ahi.
7. Khanukah sung’a kholjin ham ahilouleh mundang’a lekhasim khat chun, ainn koten khanukah thaomei adet uva ahileh, amapan akhojinna muna ahilouleh alekhasim na muna thaomei adet ding angaipon ahi. Ajeh chu ainn koten thaomei adet uva kuona amajong ahoptha ahitai.
8. Khanukah kut sung’a khatvei shabbath toh akitoh in, nidang a ahsi thum asoteng thaomei dejongleh, hiche sabbath toh kitoh Friday niteng khovah, Sabbath thaomei det masang’a (khanukah thaomei) det ding ngai ahi. Hiche jeh a chu hiche Friday nia Sabbath thaomei det masang’a khanukah thaomei adet ding teng, nidang’a thaotwi asunsang’a tamjo asun ding, tichu adet jouva pat ahsi thum so jou nidan kekhat changei beh vahjouding thaotwi asun ngai ahi.
9. Khanukah ni giet sung se a taona (Amidah) leh Birkhat hamajon teng “Al hanisim” akibelap in ahi. Chuleh hiche ni giet sung shakharith teng Hallel pumpi (full hallel) thangvahna pumin akisim jin ahi. Numei hon vang Khanukah sung’a Hallel asimlou ding u, asim nom uva ahileh thangvahna “ligmor eth hallel” seilouva asim thei u ahi.
Note: Mipi koma kaseinom chu ahileh, hiche khanukah halakha hung kijih hi achomlam thei pena hung kijih ahin, ihettheim lou u auma ahileh ikidoh chet thei u ahi.
21. Mikhat chun hetkhiel jeh a changlhah thangvahna “Hamotzi” seilouva changlhah ana neh kha tahenlang, hin geldoh taleh, changlhah aneh thei ding nahlaiya ahileh, thangvahna aseiya aneh kit ding ahi, ahin ann aneh jouva ahingeldoh a changlhah jong anehnuom tahlouva ahileh, thangvahna “hamotzi” asei thei lou ding ahi. Hinlah changlhah anehpet laitah’a chu thangvahna asei aseilou ahetchet louva ahilevang, a ann neh ajom ding hijongleh thangvahna aseilou ding ahi. Midang khat in “Hamotzi” thangvahna seiding auma ahileh, amapa akihoptha sah ding ahi.
22. Hetkhiel jeh a mikhat chun changlhah chu “Bore pere ha adamah” ahilouleh Shehakol ahilouleh “Bore minei mezonot” ham anaseikhah a asepphat man louva ahileh, Bediavad (dei um hihih jongleh) anehva thei ahi, ahin hetkhiel hijongleh changlhah chu mikhat in “Bore pere haetz” tia anaseikhah a ahileh hitheilou ahi, avela thangvahna athah sei kit ngai ahi. Chuleh mikhat chun hetkhiel jeh a “Bore pere ha adamah” ahilouleh, Yain ham khat chu “Bore pere ha- etz” ana seikhah leh Bediavad a hithei ahi.
23. Mikhat in mitampi hoptha ding’a changlhah thangvahna aseiya ahileh, thangvahna seipan aneh masat ding adang hon anaeh masat theilou ding u ahi, ahin tua kisei chu mipi hon jong changlhah aneilou uleh tina ahin, hinlah amahon jong achancheh uva changlhah anei uva ahilehvang thangvahna seipan changlhah nenai hih jongleh amahon akineh theiu ahi.
24. changlhah botkeh pan changlhah chu akoma tou ho akhut’a apieh lou ding, amasang joh uva akoiding ahi, ajeh chu puldoute bou khut a kipeji ahi. Hiche khut’a changlhah pieh louding kiti chu chapang ho, ama le aman thil kilah thei hojong kiseina ahi, chuleh abotkeh pan changlhah ama a ding’a akibokeh teng, lenlou, neo lou, ama neh kham bou abokeh ding ahi.
25. Changlhah botkeh pan changlhah chu mipi atamjon “Amen” tia adonbut masang uva abokeh theilou ding ahi. Ahin tua kisei chu amapan mipi ho hoptha ding’a thangvahna aseia ahileh tina ahi, chuleh mikhat chun changlhah aneh lou ding leh midang aneh ding khat a dinga thangvahna aseipieh theilou ding ahi, hichu Sabbath ni hihen Kut ni hijongleh hithei lou ahi. Ahin chapang ho Khinukh (education) a ding’a ahile vang amapan changlhah aneh lou ding hijongleh chapang changlhah neding khat a ding’a thangvahna aseipieh thei ahi.
2. Changlhah neocha ineh ding hijongleh neh masang’a thangvahna sei tei tei ngai ahi. Ahin neh jou thangvahn (Birkhat hamazon) vang Kazayit (27 gm) lhinglou ahileh seilou ding ahi.
2. Pizza, Bongnoi toh kisiemtha ham ahilouleh Sa toh kisiemtha hijongleh mikhat in aneh ding leh thangvahna “Hamotzi” asei ngai ahi. Kazayit (27 gm) aneh doh leh Birkhat hamazon amanding ahi. Ahin ,Pizza chu bongnoiya kisiem ahi a bongnoi tuina (taste) akihetdoh leu ahilevang thangvahna “mezonot” seiding ahi. Pastida (Sa leh moida kihalkhom) ahile vang “:Hamotzi” le “Birkhat hamazon” sei ngai ahi, ahin “Borekas” ahilevang sa jaojongleh “Mezonot” seiding ahi.
4. Sefardi te chondan a “Matza” pessakh lai tailouva “Mezonoth” akisei in ahi. Mikhat chu 216 gm aneh ding ahileh “hamotzi” le birkhat hamazon asei ngai ahi chuleh khut jong asei ngai, thangvahna “al nitalet yadaim” vang aseilou ding ahi.
5. Mikhat chun changlhah (Lekhem) chu thao a akan leh Lekhem lim tobang hijongleh “Mezonot” le “Meayin shalosh” aseiding ahi.
6. Changlhah lah’a Si (sum-sum) jao jongleh “hamotzi” le birkhat hamazon seiding ahi, ahin, Si chu atambehseh’a changlhah chu ineh jongleh changlhah alna aumlouleuva ahileh vang “mezonot” le Meayin shalosh seiding ahi.
7. Pat habaah bekisnim nehmasang thangvahna “Bore minei mezonoth” le nehjou thangvahna “Meayin shalosh - al hamikyah” akiseiyin ahi. Hiche pat Habaah bekisnin kiti hi moida toh khoiju ahilouleh chini toh thil mu ho kihal khom a kisiem ahi - eg. Cake. Hiche pat habaah bekisnin kisiem chu achanglhah tuina akihetlouva akihalpi ho tuina akihet a ahileh thangvahna “Mezonot” leh “al hamikyah” akisei in ahi, ahin, achanglhah tuina bou akihet a ahileh, (tichu akihalpi ho tuina kihedohlou) thangvahna “Hamotzi” akiseiyin ahi. Hiche pat habaah bekisnin kisiem chu atah (agop) ahileh “mezonot” leh “al hamikhiyah” akiseyin ahi.
8. Mikhat chun Pat habaah bekisnin (cake) 216 gm hichu Kazait (54 gm) li (tichu 54x4 = 216 gm) aneh ding a ahileh nehmasang’a thangvahna “hamotzi” leh nehjou thangvahna “birkat hamazon” asei ngai ahi. Mikhat chun cake chu themkhat bou anehnoma thangvahna “Mezonot” aseiya aneh a, tui asah jeh’a aneh neh leh 216gm ahin nehdoh leh, thangvahna “Mezonot” anasei tajongleh 216gm aneh doh tahjeh’a chu Birkat hamazon asei ngai ahitai. Cake 216 gm nehnom pa chu changlhah neh na tobang’a khut akisil ngai ahi, thangvahna al netilat yadayim vang asei louding ahi.
9. Mitzvah kibolna a (tichu Brith milah) changlhah lhum (khalah metukah) akiman a ahileh, mipi ho koma thangvahna “Mezonot” leh “al hamikhiyah” akiseiye tia hetsah ding ngai ahi. Chuleh changlhah lhum chu 216gm aneh dingu ahileh Hamotzi le birkhat hamazon chuleh khutsil ngai ahi, hetsah ding ahi.
10. Tu channa iseiu mikhat in Cake 216gm aneh ding leh Hamotzi le Birkhat hamazon asei ngai ahi itiu chu akihulmin (derek afia) di ahileh ti ahi. Hinlah thao a kikang tho ahilehvang tamtah (216 gm) van neh ding hijongleh thangvahna “Mezonot” leh al hamikhiyah sei ding ahi. Hijeh a chu mikhat in Sufganiot nehthei tampi nejongleh “Mezonot” leh al hamakyah asei ding ahi.
11. Mikhat chun Pat habaah bekisnin (Eg. Cake) 216 gm aneh a Birkhat hamazon asei aseilou ahetchet louleh asei kit ding ahi. Ahin thangvahna alina “Hatov vehametiv” vang aseilou ding ahi. (Hiche hi pasal ho bou a ding ahin, numei ho ahilehvang ahetchet louleh birkhat hamazon aseikit lou ding ahi)
12. Neh chungchang jouse a nehjou thangvahna seitheina ding’a alhompen a Kazayit (27gm) jat akilat pras sung’a mikhat in anehjou ngai ahi. Akhilat pras sung’a kazayit anehdoh louleh nehjou thangvahna aseilou ding ahi. Hijeh a chu tekahna Matzah ahilouleh Anche kha ineh tengleh akhilat Pras sung’a kazayit nehjou ding gelkhoh ngai ahi. Akhilat Pras kiti hi, thangvahna isei jou apat a minute sagi leh akeh (7 & half minute) sung tina ahi. Torah akuona nehding thupieh tekahna Pesakh ni jaan masa a Matzah neh ham ahilouleh succot jaan masa a sukah sung’a changlhah Kazait neh ding ahitengleh minute 4 sung’a kazait jat nehchai got ding hi thil hoitah ahi.
13. Mikhat in pat habaah bekisnin (Cake) 216 gm aneh a ahileh “Hamotzi” leh birkhat hamazon asei ngai ahi itiu chu thildang akinetha simtha lou tina ahi, tidan chu cake bou, adang simthalou 216gm alhin ngai ahi.
14. Mikhat chun Etriyot (Chao) toh chang chinga ho a kihuon tamtah 216gm aneh got a ahijongleh Hamotzi leh birkhat hamazon aseilou ding, mezonot le al hamikyah joh asei ding ahi. Itiham khat a hetkhiel a Hamotzi ana seikhah jongleh hitheilou ahi, ahin nehjou thangvahna birkhat hamazon ana sei khah le vang Bediavad a athithei in ahi.
15. Changlhah khoiju jaona a kisiem henlang, khoiju chu atamjo hihih jongleh Mezonot kisei ahi, ahin RAMA (Azkenazi) te dungjuiyin hamotzi asei un ahi.
16. Mikhat chu pat habaah bekisnin 216gm neh ding’a lunggel aneiya, khut akisil a (thangvahna umlou) Hamotzi aseiya aneh leh, chom khat jouva, ahin nehnom tahlou ahileh (tichu 216gm sang’a lhom aneh) aneh masang’a thangvahna Hamotzi anasei tajongleh nehjou thangvahna Mein shalosh - al hamikyah aseiding ahi, chuleh Hamotzi anasei chu pannabei a thangvahna sei (Brakha levatala) in akilapon ahi. Chuma bang chun, mikhat in cake aneh got a (216gm vang aneh got lou) thangvahna mezonot aseiya aneh leh ahin dube a 216gm lhing ding’a aneh nom leh aneh jom thei ahi, ahin avela hamotzi thangvahna aseikit angaipon, nehjou thangvahna vang birkhat hamazon asei ngai ahi.
17. Zalaviah (Jelebi) moida leh khoiju a kisiem, thao a kikang aneh dingleh mezonot aseiding ahi. Hiche Zalaviah chu mikhat in 216gm neding hijongleh mezonot le al hamikyah aseiding ahi.
18. Mikhat chun cake hamkhat aneh a aneh khompi ding Theiga alah leh cake thangvahna mezonot asei a chu theiga jong ahoptha ahitan, avela theiga thangvahna aseikit angai pon ahi. Ahin mikhat chun cake aneh a thangvahna aseipet a chu theiga toh aneh khom ding anagellou leh amasang’a theiga um chu aneh ding a ahileh thangvahna achuoma theiga a ding’a asei ngai ahi.. r
Din Birkhat Ha Yain ve Hamayin BaSeudat
1. Mikhat chun Seudah (Lekhem jao) aneh jouva khutsil achaina (Mayim akharonim) abol a ahileh, birkhat hamazon asei kah a ima aneh dingleh adonding phallou ahi. Zimun a “Hav lan Vanivrik” asei a ahileh Hesiakh de-ath a akisim tan, ima adon ding phallou ahitai, ahin adon nomleh thangvahna aseiya don ngai ahi, hinlah tua kisei donchungchang ahin, neh chungchang tichu, a ann neh ajomnom levang thangvahna seilouva aneh thei ahi, hijeng jongleh alunggel a thangvahna aseiyin aphai.
2. Birkhat Hamazon a Tehillim “Shir hamalot Beshuv hashem” mikhat in asei a jongleh a anneh ajom thei nahlai ahi, hiche a hin Hesiakh de-ath aumpon ahi.
3. Mikhat in birkhat hamazon aseijouva khutsil ngai ho (Tibolu ba maske) thil aneh nom a ahileh - mi abangkhat in changlhah neh masang’a khutsilna chu anganse thei ahi, atiuvin, ahin abangkhat in athah sil kit ngai ahi, atiuve. Ahoipenna athah sil kit ding ahin, hinlah asil louva ahijongleh kingapna mi anei yin ahi.
Yalkut Yosef - Siman -180
Dinei Perurei hapat - changlhah halneo ho daan
1. birkhat hamazon seichai kah a changlhah halneo ho suhtheng got louding ahi, ajeh chu koi hileh adokhang chung’a changlhah halneo khat jong umsah lou chun vangbohna akimu ngaipon ahi. Hijeh a chu dokhang chung’a kuong sung ham khat’a changlhah halneo koiding thil hoi ahi.
2. Ahoipena birkhat hamazon sei kah’a Chi jong dokhang chung’a lahdoh got louding ahi, hiche chu maicham chi jaona in chonsiet asuhdam vetsahna ahi.
3. Changlhah Kazait sang’a neo (27gm sang’a lhom) suhmang ding phal ahivang in, koi hileh asuhmang a chu genthei hahsatnan alhunkhum ding ahi.
4. Chondan dungjuiya, Birkhat hamazon akisei teng dokhang chunga chemcha aumkhah leh akikhukhum jin ahi, hiche chungchang a hi mi abangkhat in chemcha chu plastic akuona kisiem hijongleh akhukhum jiuvin ahi. Sabbath le kut nikho teng levang birkhat hamazon teng dokhang chung’a chemcha umjongleh, chondan dungjuiin akikhukhum pon ahi.
(Khutsil chaina daan)
Mayim Akharonim: Mayim akharonim kiti hi Birkhat Hamazon seimasang’a khutsil achaina kibol khu ahi. Hiche hi akibolna jeh chu ahileh, masanglaiya ann neh dokhang chung’a chi ana man ji uchu Melakh sedomit - Sodom gam akuona chi ana hhi in, koi hileh mikhatin hiche melakh sedomit chu amit sung’a alutsah khah a ahileh amit chothei ahi. Hiche akuona chu khutsil (Mayim akharonim) hung potdoh ahi.
1. Birkhat Hamazon seimasang’a khutsil (mayim akharonim) hi boltei tei ngai ahi. tulai khang’a Sodom gam akuona chi (melakh sedomit) aumlou tah vang’in, hiche khutsil, mayim akharonim hi kibol nalai ahi, adieh set’a ann nehna a ikhut athienglou leh bol ngai ahi.
2. Numei ten jong Mayim akharonim abol dingu ngai ahi. Abangkhat in hiche Mayim Akharonim hi bol angai tapoi atiuvin, hinlah daan dungjuiya pasal bou hilouva numei hon jong abol dingu ngai ahi. Chuleh chapang kum lhing nailou ho jong, kijilna/kihilna ding’a Mayim akharonim bolsah ding ahi.
3. Mayim akharonim twi kisunlhah na mun a lhagao phalou aum denji jeh in, Leivui chung’a bol lou ding, lhengkam ahilouleh kuong sung’a a bolding ahi. Ahin hiche kuong sung’a bouva bol thei di tina ahipon, kuong sopna (Sink) sung’a jong mayim akharonim bolthei ahi.
4. Mikhaat chun Mayim Akharonim bolding ana haimil khah tah a, Birkhat Hamazon aseilaipet tah a ahin geldoh a ahileh, akhut chu a ann nehna akuona athenlou ageldohna mun a chu paopoh louva Mayim Akharonim abol ding ahi, hinlah akhut chu athien a ahilevang, Birkhat hamazon sei jou teng le Mayim Akharonim chu abol ding ahi.
5. Twikuong (jahaz) chung’a khuoljin khat in, twi chung’a akitolna a vadung ahilouleh twikhanglien chung’a Mayim Akharonim abol den thei ahi.
6. Ajoulang a isei u, Mayim Akharonim, Kuong sung’a bolthei ahi, itiu chu lhagao phalou kuong sung’a aumden ding ginmona ima aumpon, chuleh Kuong sung jong chu hoisel a soptheng’a manthei ahi. Mayim akharonim kibolna twi kuong sung’a um chu mipi lamjotna mun a jong bohlhah ding phal ahi.
7. Koi hileh dokhang noiya Mayim akharonim abol khah a ahileh, kingapna ding mi aneiyin ahi, ajeh chu koiman dokhang noi, akeng’a alhokhapon, chuleh insung akijut thieng teng jongleh dokhang noi hojong akijut thieng tha ji in ahi.
8. Twisa (Yad soledet bo - khut a thamthei chan’a sa) a Mayim akharonim khut sil bollou ding ahi.
9. Mayim Akharonim hi ibol tengleh, ikhut cheeng anina chan soptheng ding ngai ahi. Abangkhat in Zohar dung juiyakhut jung chan asop jiuvin, hiche hi thil hoitah ahin, adieh a akhut nen ho a dinga, chuleh Mayim akharonim a hin khut khatvei bou khut jung akisop in chuleh khon khel-khel mang’a sop angaipon ahi.
10. Daan dungjuiya Mayim Akharonim akibol jou teng leh khut thehgot ding angaipon, hinlah itheh got leh thilhoi ahi.
11. Ahoipen a khut isil jou tengleh ivon chung’a theh louding ahi, ajeh chu von chung’a khut then hin thil haimilbaina mihiem pa chung’a ahinpolut jin ahi.
12. Mayim akharonim bolna’a twi haman lou na ding’a chih thei ten angai in ahi, ahin mikhat chu a ann nehna akuona akhut athen louleh, Mayim akharonim nabol masang’a akhut hoitah’a akisopma, chujou teng twi themkhat mangcha a Mayim Akharonim abolding ahi. Aipi chu hileh, akhut jung chan vang asop ngai ahi.
13. Mayim Akharonim ibol teng leh ikhut jung noilang ngatsah a sopding chuleh mipi ho lah’a alenpen in Mayim akharonim abol masat pen ding ahi.
14. Mayim akharonim bolna a, thangvahna akiseipon ahi, chuleh abangkhat in Mayim akharonim abol pet teng uleh “Mayim akharonim Khvah” ahilouleh “Yakhid ve rabim halakha ke Rabim” tin aseijiuve.
15. Mayim akharonim a ding a twi aumlouleh, Yain (wine) tailouva thildang donthei jouse manthei ahi. Abangkhat in khon sung’a twi idon moh a Mayim akharonim bolthei ahi atiuve.
16. daan dungjuiya Birkhat hamazon isei tengleh Dokhang chung’a Mayim akharonim twi iman sa chu koi den thei ahin, hijengjongleh ahoipen chu, lahdoh ding ahilouleh aning langkhat a tundoh ding ahi.
17. Mayim akharonim boljou apat Birkhat hamazon isei chai kah’a paolou ding ahi, ajeh chu Mayim akharonim le Birkhat hamazon kaimat ngai ahi.
18. Mikhat chu (koima chung’a chuhda tantin) a insung mi khat, a pul a dou ngai ho khat bei tahen lang, athi luong kivui nailou hihenlang, hileh, daan dungjuiya bolding thupieh jouse akuona kikangse ngai ahi, tichu neh masang, nehjou thangvahna ima asei phallou hijeng jongleh Mayim Akharonim vang abol tei tei ngai ahi.
(birkhat hamazon seina ding’a wine khon chungchan daan)
1. Tulai khang’a mun atamjo a mi thum in changlhah aneh khom uva Zimmun abol u ngai hijongleh, Birkhat hamazon seina ding’a Wine akimangtapon ahi. Hijeng jongleh koi hileh Birkhat hamazon seina ding’a Wine mang’a chun vangbuohna akimudiu ahi. Ahin tua isei uchu mithum kiseina ahin, mikhat ahile vang, Zohar dungjuiya bol phallou ahijeh in, bollouvin aphai. Ahin achang hijongleh birkhat hamazon seina ding’a Wine aman nom tinten a ahileh, Birkhat hamazon asei teng, Wine chu dokhang chung’a akoiya (akhut a adoplou ding) Birkhat hamazon aseijou teng,Wine chu adop’a thangvahna (Bore peri hagefen) aseiya adon ding hitia chu abolthei ahi.
2. Birkhat hamazon seina ding’a kimang chu wine bou ahitheiyin, ahin thei twi dang donthei ho ahilevang akimang theipon ahi.
3. Hiche Birkhat Hamazon seina ding’a Wine kimang chu Pagum tichu aki donmoh ahilouleh akidonsa hilou ding ahi. Iti hamkhat’a akidonmoh ahikhah leh wine sunbe a chujouteng manthei ahi. Wine chu akhon a kuon a neokhat idon teng Pagum ahi jitai, hinlah ikhut phang ham ahilouleh khon dang khat a neokhat isunlhah le vang PagumI ahipon, manthei ahi.
4. Birkhat Hamazon seiding kon teng Wine khon chu khut lang ni a akisan ding, Birkhat hamazon ahin seiphat teng khon chu jetlang khut’a adop ding (veikolong mi hon veilang’a adop ding’u) Zohar dungjuiya ahileh veikolong hon jong jetlanga adop ding’u ahi, ahin, iti hamkhat a Birkhat Hamazon sei pet laitah’a jetlang a adop jeh a wine ahin bohkhah ding ginmona aneiya ahileh veilang’a apieh son thei ahi.
5. Ahoipen chu Birkhat hamazon sei sung se a wine khon chu adop den ding ahi.
6. Abangkhat in asei un, chondan dung juiy a Birkhat Hamazon sei masang teng Wine khon sung’a twi neokhat asunglut jiuvin, Brakha ninah (Birkhat ha-aretz) a Uberakta eth.. mun aphah teng uleh avela twi neo khat asunglut kit jiuvin ahi.
7. Birkhat Hamazon seina ding’a khon chu paper, plastic a kisiem hijongleh manding phal ahi, chuleh disposable cup (khad pamit) jong manding phal ahi. Manphal hijongleh khon hoidom khat a manding thil pha ahi.
8. Phalbi lai leh alhangpia mijouse khut tom ikitom jiuvin, ahin Birkhat Hamazon seiding teng levang ikhut a Wine khon igoptheina ding’a khut tuomlah doh ding ngai ahi.
9. Birkhat Hamazon seina ding’a khon kimang chu abal, akeh, achip chuleh Pagum hilouding ahi.
2. Birkhat Hamazon sei pet leh, chithei ngai chu, pao louding, thildang gel’a thipchet a umlouding, chuleh imanchai kahse a mantheilou thu jong seilouding ahi. Chuleh HarakhamanI isei sung se a jong dan dungjuiya paophal ahijeng vanga, ahithei chana mantheilou thu seigot louding adieh set’a Birkhat Hamazon chu Wine mang’a asei a ahileh, achihthei ngai cheh in ahi. Ahin Kaddish ahilouleh Kedushah ho hi harakhaman sung’a ijah a ahilevang donbut ding ima aboina aumpon ahi.
3. Mikhat in Birkhat Hamazon aseilai tah’a ana imulhu tahenlang chomkhat jouvin hung khang doh kit a, hoilai mun aphah hitam ti ahaimil a ahileh, aginmona brakha aphah lai chu avela athah seikit ding ahi. Vetsahnan, thangvahna masapa asei aseilou ahetchet louleh, avela hiche thangvahna apat’a chu athah sei kit ding, iti ham khat a thangvahna masapa chu aseichai ahi ahet’a, thangvahna anina (birkhat ha aretz) asei-aseilou ahetchet louva ahileh, thangvahna anina apat aseijom ding ahi.
4. MARAN Shulkhan Arukh in asei bang’a mijouse ama le aman achangcheh uva Birkhat Hamazon amanding u ahin, Khat le khat kihuoptha tuo bol got louding ahi, ajeh chu Birkhat Hamazon asaojeh a midang akuona kihoptha sah ding ahahsat jeh a, ahoipen a amitakip in ama changcheh a akisim diu ahi.
5. Mikhat chun “Birkhat hamazon” ahiloulhe “Meayin shalosh” asei laipet ta’a “Kaddish”, “Kidushah”, “Barkhu” kisei ajah a ahileh taona “Shemonah Esrei” pet a ima donbut ding phallou ahibang’a amapn jong adonbut ding phallou ahi. Ahin birkhat hamazon thangvahna alina “Hatov hametiv” asei pet’a achung’a kisei ho ajah a ahilevang, adonbut thei ahi. Chuma bang’a chu mikhat in thangvahna sao ho tekahana “Asher yatzar” “Bore nefashot” ahiloule “Elokei Neshama” asei laipet tah’a “Kaddish” kisei ajah a ahileh adonbut thei ahi, ahin hichu “Barukh atta H’ elokeinu melekh haolam...” seijouva athangvahna neokhat aseijom pet donna ahin jah’a ahile adonbut thei tina ahin, hinlah thangvahna “Barukh attah H’ elokeinu” aphah pet laitah a “Kaddish” “Kedushah” le “Barkhu” ahin jah a ahilevang adonbut ding hithei lou ahi. Thangvahna chom ho chung ahilevang hoilai mun aphah lai pet tah a achung’a kisei ho hin jajongleh adonbut theilou ding ahi.
6. Mikhat chun “Birkhat hamazon” asei don but laipettah a Torah miching (khakhamim) ahiloulehtehse khat a room sung’a ahunglut lah’a adin ding angai ahi, chuma bang’a chu anu le apa ham Birkhat hamazon asei laipet tah’a ahunglut amuleh din ding, atouna mun u alhun teng ule bou touthei ahi. Nule pa mu pet’a din ding thupieh hi 128 meter gamlha a kuona imu teng leh din tei tei ngai ahi.
7. Mikhat chun changlhah “Lekhem” adin puma aneh ham ahilouleh atou puma aneh hijongleh “Birkhat hamazon” vang tou puma asei tei tei ngai ahi. tou pum hijongleh ki-ngai on puma Birkhat hamazon sei got lou ding, hitobang chu mikiletsah umchan ahin, chuleh lampi jot pet puma Birkhat hamazon sei din jong phallou ahi. tua isei u Birkhat hamazon daan bang’a chu “Meayin shalosh” isei teng jongleh tou ngai ahi.
8. Daa dungjuiya birkhat hamazon isei tengleh lukhuh (Kova) le Coat von teitei ding angailou vang’in chondan ijui leh thil hoi ahi.
9. Birkhat hamazon sei puma natoh bolding phallou ahi, hijeh a chu Birkhat Hamazon iseipet tengleh dokhang chung’a kuong le lheng ho suhtoh lele bol louding ahi. Hiche chu brakha alina pa (hatov vehametiv) isei teng jong leh ima bollouding tihl hoi ahi. Ahin iti ham khat’a mikhat in Birkhat hamazon asei pet’a dokhang chung’a thil umho asuhtoh a ahileh ahoipen ahilouvang’in birkhat Hamazon seiding thupieh asuhbulhit in ahi, ama chung chang hi Jukham khat in Birkhat hamazon amantoh akikhehna aumpoi.
10. Abangkhat in birkhat hamazon a “Harakhaman” asei teng uleh dokhang adalha jiuvin hitia kibol chu thil hoi ahipoi, achain “Oseh shalom” chan isei chai kah’a dokhang dalhah louding ahi, ahin, iti ham khat’a mikhat a Torah jil na ding’a akino a ahilevang mundang “harakhaman” asei jomg ding phal ahi.
Nehna muna birkhat Hamazon sei toh Birkhat Hamazon seina’ a boina Daan
1. Mikhat in mun khat’a changlhah aneh a mun dang a akichondoh masang’a anehna mun’a “Birkhat hamazon” aseidoh ngai ahi. Henasasa a anehna mun akuon Birkhat Hamazon sei masang’a mun dang’a akichondoh a ahileh anehna muna kinung le a Birkhat hamazon asei ngai ahi. Ahin kinungle louva Birkhat hamazon aseiya ahijongleh thangvahna seiding asuhbulhit in ahi. Tua kisei chu henasasa a abol chungchan kiseina ahin, hinlah helouva anehna mun a Birhat hamazon sei msang’a mun dang’a akichondoh a ahileh, ahin geldohna muna chu changlhah ana nei nahlaiya ahileh Kazait (27 gm) aneh a Birkhat Hamazon aseiding ahi. Ahin changlhah Kazait anei louva ahileh, avela ana nehna muna kinungle kit ngailouva, ahin geldohna mun joh a chu Birkhat hamazon thangvahna asei ding ahitai. Hinlah kinule kit ngai hih jongleh ama akiham bola ananehna mun a thangvahna sei ding’a akinung le kitleh, achung’a vangbuohna lhung ding ahi.
2. Mikhat in Cake ham ahilouleh Israel gama theiga ho aneh khah leh, ahoipen a chu, thangvahna Meayin Shalosh chu aneh namuna aseiding ahi. Ahin iti hamkhat’a aneh na muna nehjou thangvahna Meayin shalosh asei masang’a mundang apotdoh a ahileh, aphahna muna chu thangvahna Meayin shalosh aseithei ahin, avela anehna muna thangvahna seiding’a akinungle kit angaipoi. Hinlah henasasa a abol a ahileh daan dungjuiya kinungle kit ngai hih jongleh, akinung le kit a thangvahna Meayin shalosh aneh na muna agasei ding chu thil hoi ahi.
hapta masa banjom..
3. Mikhat chun changlhah anehva a Birkhat Hamazon asei aseilou ahetchet louva ahileh, Birkhat Hamazon asei ding ngai ahi, ajeh chu aneh va jeh a chu Torah a kuona thangvahna asei ngai ahitan, Torah akuona thupieh ahijeh in, isei/iseilou hetchet lou leh sei ngai ahi. Ahin Birkhat Hamazon a thangvahna alina (Birkhat ha tov vehametiv) khu Derabanan ahijeh a Birkhat Hamazon asei aseilou ahetchet louva asei ngai ahi tengleh thangvahna alina aseilou ding ahi. ajeh chu Derabanan ahiteng, isei/isei lou akihetchet louva ahileh kisei ngai talou ahi. Hijeng jongleh alung gel'a asei thei leh thil hoi ahi, ajeh chu lunggel a thangvana seina Brakha Levatala ginmona aumpon ahi.
4. Mikhat chun changlhah Kazai (27 gm) aneh a Birkhat Hamazon asei aseilou ahetchet louva ahileh, asei lou ding ahitai. Ajeh chu(kazait neh jongleh) Birkhat Hamazon asei ding kiti hi Derabanan ahitah jeh 'a Derabanan ho a isei iseilou hetchet louva ahileh kisei lou ahitai.
5. Mikhatchun chanlhah Kazai (27 gm) leh nehthei dang ho aneh a, ama chu nehthei dang aneh jeh akuona aoiva ahi a, Birkhat hamazon aseiaseilou ahetchet louva ahileh, asei ngai ahi, ajeh chu changlhah kazai bou nejongleh, thildang ho aneh akuona oiva jeh a Birkhat Hamazon aseiding hi Torah akuon thupieh ahitan, asei asei lou ahetlou leh asei ngai ahitai. (hinlah thangvahna alina pen aseilou ding ahi)
6. Mikhat in Cake (216 gm) aneh ding'a ahileh neh masang'a "hamotzi" leh nehjouva "Birkhat hamazon" asei ngai ahi. Hiche Cake aneh nah akuona amapa chu oiva ahin, Birkhat hamazon asei aseilou ahetchet louleh, achung'a iseima bang uva, aseingai ahi.
7. Mikhat chunc hanglhah anehva'a, ahin ama chu adangchah lhehvang'a twi adon louva ahileh, abankhat in Birkhat Hamzon asei ding chu Torah akuon ahipoin, Derabanan akuon joh ahi, atiuvin, hinlah daan dungjuiya (Beith Yosef) in Birkhat Hamazon asei ding hi Torah akuon thupieh ahinalaiye ati. Hijeh a chu changlhah anehva a dangchah jongleh twi adon louva abana Birkhat hamazon asei aseilou ahetchet lou jongleh asei ngai ahi.
7. Mikhat chun changlhah aneh va a adang chah vang'a twi adonlouva birkhat Hamazon asei a hiche jouva twi adon leh abangkhat in avela Birkhat Hamazon asei kit ngai ahi atiuvin, ahin daan dungjuiya vang avela asei angai kitpon ahi, aipi chu hileh ahoipen a kinel a lutlou ding ahi.
9. Mikhat chun changlhah aneh va a birkhat Hamazon aseiya, chomkhat jouva avela changlhah kazai aneh kit a aoiva kit, ahin birkhat hamazon asei asei lou ahetchet louva ahileh, ase kit ngai ahi. Hibang'a chu mikhat in changlhah kazait aneh a Birkhat hamazon aseiya, chujouva changlhah kazait ma aneh kit, ahin anina chung'a vang kazait a bou aneh vang'a amasa ananeh chun amapa chu avasahjoh a, chujouva birkhat hamazon asei aseilou ahetchet louva ahileh, aseingai ahi.
10. Mikhat chun changlhah anehva a birkhat hamazon asei aseilou ahetchet lou, ahin ajinu in birkhat hamazon aseitai tia ahinseipieh leh, asei ngai tapon ahi.
11. Mikhcat chun changlhah aneh va a birkhat hamazon asei aseilou ahetchet lou, hinlah achapa aneo khati n asei tai tia ahin seipieh leh, achapa chu jouse ngailou ahi'a, ahilouleh melchihna Mayim Akharonim ham ana bol ahet a ahileh, asei angaipon ahi.
(birkhat hamazon daan chuomchom)
1. Koi hileh Birkhat Hamazon chingthei tahá aseiya ahileh, neh le chah ahin lai sungá anei ding ahi. HIjeh a chu Birkhat hamazon isei tengleh ahithei channa mulouva seigot hilouva, akijihna lekha akuona seigot ding chuleh athucheng iseidoh ho het guto ding thil hoi ahi.
2. Birkhat Hamazon hi ihetna pao jouse a seithei ahi, hijeng jongleh paothieng (Ivrith) a seiding mitzvah ahi.
3. Birkhat Hamazon iseitengleh ikam a isei doh ho inakol in ajah ngai ahi, ahin iti ham khatá mikhat in Birkhat hamazon asei a anakol in ajah louleh, ahoi pena vang hilou (Bediavad) a asuhbulhit ahi, avela athah sei kit ngai pon ahi.
4. Mikhat adamlou jeh a awgingá Birkhat hamazon seithei ding dinmuna aumlou jeh ham khatá, birkhat hamazon alungsungá anasei khah a phat chomkhat jouva awgingá seithei ding dinmuna ahung um j ongleh, avela Birkhat Hamazon awgingá asei kit angaipon ahi. Hitobang ma chun nehjou thangvahna Birkhat bore nefashot tobang lunggila mikhat in anasei khah a ahileh avela awgingá aseikit angaipon ahi. Hinlah tua isei ho uchu nehjou thangvahna chungchang kiseina ahin, neh masang thangvahna ahile vang, lunggila inasei khah leh “Barukh shem kevon malkhutho...”seiya chujouteng leh awging’a neh masang thangvahna athah seikit ding ahi.
5. Birkhat Hamazon a thangvahna li aumin, amasa thum ho khu Torah akuona ahiuvin, khat le khat kiguijop ahiuve, tidan chu mikhat in abona athuma ahetlouva, thangvahna masap Birkhat hazan bou ahet a ahileh, hiche thangvahna ahet bou chu aseitheilou ding ahi. Ahin, thangvahna athum masa ho sese ahet’a, thangvahna alinapen “Birkhat hatov vehametiv” bou ahetlouva ahileh, thangvahna thum masa ho sese bou chu aseithei ahi. Chuleh thangvahna li house ahet’a Harakhaman ho bou ahetlouva ahileh, aseithei ding hetsa ahi.
6. Birkhat Hamazon a thangvahna li aumjouse, akiguoltoh dung juiya sei ngai ahi. HIjeh’a chu mikhat in thangvahna li jouse ahet a ahijongleh, akiguol dan hoiche masa ding hoiche nukhah ding ahetlouva ahileh, Birkhat hamazon aseithei lou ding ahi. Iti ham khat’a akiguoltuoh dungjui hilouva anaseikhah tah’a ahijongleh, Birkhat Hamazon seiding asuhbulhit pon ahi.
7. Insung’a Birkhat Hamazon seithei lou mi aumleh, aseithei khatin Birkhat hamazon gingtah’a aseiya, asei teng midang hoptha ding’a kasei ahi tiaagel’a, chuleh angai hon jong Birkhat Hamazon seiding thupieh suhbulhitna ding’a kangai ahi, tia agel uva, hoitah’a birkhat hamazon kisei chu apat pat, achaichan angailhah diu ahi. Ahin ahithei channa Birkhat Hamazon seithei lou hon jong aseithei na diuva kijil diu thil hoi ahi.
8. Insung’a jun le Eh aum a ahileh, hiche ho masang’a chu Birkhat hamazon seigot lou ding ahi. Iti ham khat’a mikhat in hetkhel jeh’a anasei khah a ahileh, Birkhat hamazon seiding thupieh asubulhit in ahi.
9. Mikhat in jaan a Kiriat shema sei masang’a changlhah aneh a ahileh, Kiryat Shema asei masatna chujou tengleh Birkhat hamazon aseiding ahi. Ahin tua isei uchu changlhah aneh kuona ava a ahileh, tina ahin, hinlah changlhah Kazait (27 gm) bou aneh a ahilevang, adei joh joh - Kiryat shema ham Birkhat hamazon ham aseithei ahi, chuma bang’a chu Omer ana sim ngailou ahileh, adei johjoh asei masat thei ahi. Hijengjongleh Omer simding ahaimil khah thei ahijeh’a chu Omer joh asim masat a chujoutengleh Birkhat hamazon asei a ahileh ahoipen ahi.
10. Mikhat in Birkhat Hamazon asei laidon tah’a Birkhat Hamazon ana sei chaisa ahi, ahin geldoh a ahileh, apet pet’a Birkhat Hamazon asei chu angah ngai ahi. Chujou tengleh Barukh shem kevod malkhutho leolam vaed tia asei paiding ahi.
(birkhat hamazon sei ding ho chung’a daan)
1. Numei ten jong Birkhat hamazon asei ding’u ngai ahi, ahhin hiche birkhat hamazon asei ngai u chu Torah akuona ham Khakhamim (derabanan) te akona ham kinielna aumin hijeh a chu insung’a mipa ham ahilouleh achate ham in changlhah aneh va uva tahsa damlouna jeh’a Birkhat Hamazon seitheilou ding dinmuna aum uva ahileh, insung minu in amaho chu Birkhat hamazon a ahoptha thei ahi.
2. Numei ten jong birkhat hamazon akijih bang’a asei ngai u ahin, hijeh a chu Siddur abangkhat’a Birkhat hamazon chomcha kijih ho aman theilou diu ahi. Birkhat hamazon a Harakhaman hokhu birkhat hamazon thangvahna in akisimpon hijeh a chu minute insung’a chate vetkol na ding’a aboival uleh, Birkhat hamazon a Harakhaman ho khu achopkhup thei u ahi.
3. Numei athen lou phat (Nidah) teng jongleh birkhat hamazon asei ngai ahi, ajeh chu Torah in buohna alapoi.
4. Numei khat in changlhah aneh va a phat chomkhat jouva birkhat hamazon asei aseilou ahetchet louova ahileh, birkhat hamazon asei theilou ding ahi. Ajeh chu numei ten changlhah neh va jong leh, adinmun u Derabanan akuon ahijeh in asei/aseilou ahetchet louva ahileh, Safek derabanan la kula - tichu derabana a aboi uleh daan akhoulang hilouva abailam joh a vet ngaiya, aseilou ding ahi. Hijeng jongleh alungsung uva asei ding uvin aphai. Ahin midnag birkhat hamazon seiding khat auma ahileh, ama dinmun chu asei aseilou ahettah loujeh’a midang birkhat hamazon sei ding pa akihoptha sah leh thilpha hiding ahi.
5. Numei khat le pasal khat in changlhah aneh va lhona, numei nu in pasal pa chu birkhat hamazon seina ding ahoptha leh, ahoipena vang hilou (bediaved) a ahoptha thei ahi, avela pasal pan birkhat hamazon aseikit angaipoi. Tua kisei chu numei nu in birkhat hamazon alhing keiya aseileh tina ahin, hinlah birkhat hamazon achompa asei ahi le vang, birkhat hamazon seiding asubulhit pon ahi.
6. Chapang khat in changlhah Kazait (27 gm) aneh doh a ahileh, Khakhamim te akuona birkhat hamazon hi kijilna tobang’a aseiding ngai ahi. Mi pilhing khat in changlhah aneh va a ahileh, birkhat hamazon aseiding chu Torah akuon ahitan, hijeh a chu chapang khat in changlhah aneh va jongleh adinmun chu Derabanan te akuon ahijeh a mi pilhing pa chu ahoipen a birkhat hamazon a ahoptha theilou ding ahi. Ahin tu akisei chu mipi lhing pa chun changlhah aneh va leh tina ahin, hinlah changlhah kazait ham khat ana neh a ahilevang chapang, changlhah neva pa chun mi pilhing pa chu ahoptha thei ahitai. Hinlah anigel lhona changlhah kazait aneh lhona ahileh, achang chang lhona akisei hon ngai ahitai. Hijengjongleh adinmun hon ahahsat behseh a ahileh, chapang pan jong mi pilhing pa chu ahoptha thei ahi.
7. Chapang kum 13 leh NIKHAT lhing khat in changlhah anehva a ahileh, alienjo, changlhah neva khat daan dungjuiya ahoptha thei ahitai. hijeng jongleh abangkhat in ahoptha sah da in aphai, tin asei uve. Ahin alenpan changlhah kazait bou ananeh a ahilevang, ahopen a jong chapang kum 13 le nikhat lhing pan ahoptha thei ahi.
8. Mikhat chun changlhah duchatna neilouvin ne jongleh midang changlhah neh a va ho birkhat hamazon a ahoptha thei ahi.
9. Mikhat (Koima chung’ah lhung da tan tin) a insung mi apul adou ngai khat bei ta henlang, athilong vui nailaiva aum nahlai a ahileh, amapa chu Torah sung’a bolding thupieh jouse akuona onthol ahitan, hijeh a chu changlhah aneh noma ahijongleh, neh masang hihen neh jou hileh, thangvahna ima seilouva aneh ngai ahitai. Ahin khutsil vang thangvahna seilouva asil ngai ahi. Iti hamkhat’a changlhah anehva a thilong avui jou nung uva jong changlhah anehna akuona ana va hih laiya ahijongleh, birkhat hamazon aseithei chomdeh lou ding ahi. Hijeng jongleh thilong vui jou nung’a puldou ho ankong (Seudat havarah) a changlhah aneh jouva birkhat hamazon aseitengleh thilong avui masang’a uva changlhah ananeh ho ahoptha thei leh thil hoi ahi.
(BIRKHAT HAMAZON DAAN)
1. Chondan dungjuiya birkhat hamazon a anusakh “veal hakol” VAV jaopumin akiseiyin ahi. Abang-khat in “Al hakol” tin aseijiuvin ahi, koi hileh hitia sei hon jong kingapna ding anei un ahi.
2. Birkhat hamazon a thangvahna alina khu “La-ad, Ha el avinu..” tin akiseiye.
3. chondan dungjuiya sabbath leh Rosh khodesh teng, Birkhat hamazon a “Harakhaman” akiseiteng “Migdol” tin akiseiyin nikhodang teng “Magdil” tin akiseiye. Mi abangkhat in
asei naovah sabbath seudah Reviit (ann neh alina) a birkhat hamazon teng “Migdol” tia seiding ahi, atiuvin, hinlah adih joh chu “Magdil” tia seijoh ding ahi.
Ahin koi hileh “Migdol” tia aseiya ahijongleh ak-hoh dehpoi.
4. Birkhat hamazon sei ngai mikhat in birkhat hamazon seiding daan ahetlouva ahileh, akhel’a “Mein shalosh” aseitheipoi. Birkhat hamazon khela Mein shalosh aseithei lou bang’a, Birkhat hamazon khel’a Bore nefashot jong aseitheilou ding hetsa ahi. Mikhat in birkhat hamazon khel’a Bore nefashot ana seikhah tah’a ahijongleh ima in akisimpieh pon ahi. Ahin iti hamkhat’a mikhat in birkhat hamazon seiding daan ahetloujeh’a, akhe-la Mein shalosh anaseikhah tah’a ahileh, Bediavad a asuhbulhit in, avela birkhat hamazon aseikit an-gaipon ahi.
1. Birkhat Hamazon sei khat in Birkhat hamazon a thangvahna athum na pen Birkhat bone yerush-alayim” asei chai tengleh “Amen” tia ama le ama kidonbut ding ahi, ajeh chu thangvahna athumna chan khu Torah akuon thupieh ahin, thangvahna alina pen Birkhat hatov vehametiv khu Derabanan akuon ahin, hiche teni lhekhenna ding’a Amen tia kisei ji ahi. Ahin Amen isei tengleh awging louva athep joh a seiding ahi.
2. Thina insung a mikhat in Birkhat hamazon aseiya ahileh thangvahna athumna “Barukh attah Hashem menakhem tzion bibinyan yerushalayim” tia akhumkha ngai ahi. Ahin sabbath nikho teng le vang thina inn a changlhah nehkuon, Birkhat hamazon awthepma asei ngai u ahi, ahin thangvahna ali na vang insung puldou ho, puldou ahiuve ti hetsahlou na ding’a chung’a khumkhana tobang’a khumka got louva “Bone yerushalayim” ti joh a khumkha ding ahi.
3. Sabbath niteng Birkhat hamazon thangvahna athumna “Retze” akibelap in, Kut, Rosh khodesh le Khol hamoed teng “Yaaleh veyavo” akibelap in ahi. Itiham khat’a chung’a kisei ho chu sabbath toh akito khah a ahileh “Retze” kisei masa a chujouteng “Yaale veyavo” akisei-yin ahi. Ahin mikhat in hetkhiel jeh’a Yaaleh veyavo anasei masat a ahileh, Yaale veyavo asei chu achaiya chu-jouteng “Retze” asei ding ahi.
4. Sabbath le kut akito khah a, mikhat in birkhat hamazon a yaaleh veyavo bou ana seiya Retze asei-ding ana haimil khah’a ahileh, birkhat hamazon aseikit ngai ahi. Avela asei kitna a chu Retze bou anabelap kit’a, yaale veyano belap ding anahaimil khah kit’a ahileh, hiche kut chu Pessakh jaan masa ahilouleh Succot jaan masa ahileh, avela birkhat hamazon athah seikit ngai ahi.\
5. Mikhat in sabbath nia birkhat hamazon a Retze seiding ana haimil khah a hichu sabbath jaan leh jingkah kiddush a ahileh, avela birkhat hamazon athah sei kit ngai ahi. Ahin birkhat hamazon a thangvahna athumna bone yerushalayim khum-khana Barukh attah Hashem, tia asei jou chet’a Retze aseilou ahin geldoh a ahileh “Lamdeni khukeikha” tia aseiya Retze a kinungle kit ding ahi. Thangvahna thumna Barukh attah Hashem bone yerushalayim tia aseijouva Retze aseilou ahin gel-doh a ahileh hilai muna chu thangvahna “Barukh attah Hashem elokeinu melekh haolam shenatan sabatot limnukhah...” tia aseiya chujouteng thang-vahna alina “Hatov vehametiv” a ajomding ding ahi. Ahin thangvahna alina “Barukh ....melekh haolam laad” tia anasei mana ahileh, avela birkhat hamazon abulpatna athah seikit ngai ahi.
6. MIkhat in sabbath ni birkhat hamazon a Retze asei aseilou ahetchet louva ahileh avela birkhat hama-zon aseikit angaipon ahi. Ahin, thangvahna thum-na Bone Yerushalayim leh alina Hatov vehametiv kikah’a Retze asei aseilou ahingeldoh a ahileh, hilai muna chu thangvahna Barukh attah Hashem she-natan sabatot limnukhah... aseiding ahi.
7. Mikhat chun Birkhat hamazon vet louva aseitheiya, ahin sabbath nikho a kibelap “retze” vang mulouva aseithei louva, sabbath nikho a birkhat hamazon vet puma seithei na ding mun aumlouva changlhah aneh a ahileh, retze seiding daan hehih jongleh birkhat hamazon vetlouva aseithei chu asei ngai ahi, ajeh chu birkhat hamazon thangvahna seiding chu Torah akuona ahi in, retze sabbath nikho a kibelap khu Derabanan akuona ahi. Hijongleh Retze chu seithei hih jongleh “Retze vehakhali tzeinu beyom hasabbath haze” beh asei got ngai ahi.
8. Lhathah (Rosh khodesh) nikho a mikhat in changlhah aneh a ahileh, birkhat hamazon a Yaale veyavo abelap ngai ahi. Iti ham khat’a belap ding ana haimil khah a ahileh, birkhat hamazon avela athah sei kit angaipon ahi. Ahin thangvahna alina, “hatov vehametiv” asei masang’a Yaale veyavo aeilou ahin geldoh leh hilai muna chu thangvahna Hashem min panglouva “Barukh shenatan Rashei khodeshim le amo Israel lezikaron” asei ding ahi. Rosh khodesh Birkhat hamazon a yaale veyavo sei haimil khat chun, Harakhaman kisei ho aphah tengleh hilai muna chu aseithei ahi.
9. Mikhat in kut (yom tov) nikho ho a birkhat hamazon a yaale veyavo belap ding ana haimil khah a ahileh adinmun in akingam e, tidan chu thangvahna athumna “Bone yerushalayim” a “Barukh attah Hashem..” tia aseiya “Bone yerushalayim” ati masang’a “yaale veyavo” aseilou ahin geldoh a ahileh, “lamdeni khukeikha” tia aseiya, yaale veyavo a kinungle kit ding ahi. Ahin “Bone yerushalayim” tia aseijouva yaale veyavo aseilou ahin geldoh a ahileh, thangvahna “Barukh attah Hashem elokeinu melekha haolam asher natan yamim tovim le amo Israel...Barukh attah Hashem mekadesh Israel vehazemanim” asei ding ahi. Ahin thangvahna alina, “Hatov vehametiv” anapat mantah’a, Barukh attah Hashem elokeinu melekh haolam” chan aphah pet’a ahin geldoh a ahileh “Asher natan yamin..” tia ajom ding, hinlah “Barukh attah Hashem elokeinu melekh haolam la’ad” tia anasei man a ahileh, hiche Birkhat hamazon asei pet chu pesakh le sukkot jaan masa ahileh, avela abul a apatna Birkhat hamazon athah sei kit ngai ahi, ahin kut dan tekahna, savot ahileh vang avela abul a apat a athah seikit angaipon ahi.
10. Numei hon jong Kut nia birkhat hamazon a yaale veyavo asei haimil khah uleh, avela abul a athah sei kit’u angaipon ahin, ahin pessakh jaan masa ahile vang yaale veyavo anasei haimil leh avela athah seikit diu ngai ahi.
11. Sabbath Seudat shlishi a birkhat hamazon a mikhat in retze ana sei haimil khah a ahileh avela birkhat hamazon athah sei kit angaipon ahi. Ahin thangvahna athumna “Birkhat bone yerushalayim na’a “Barukh attah Hashem” changei aphah a Bone yerushalayim asei masang’a retze aseilou ahin geldoh a ahileh, “Lamdeni khukeikha” tia aseiya retze a kinungle kit ding ahi. Ahin Bone yerushalayim sei jouva ahingeldoh ah ahileh hilai muna chu thangvahna “Barukh attah Hashem elokeinu melekh haolam asher natan shabatot...barukh atah Hashem mekadesh hashabath” asei ding ahi. Thangvahna alina ana seipan tajongleh, “Barukh atah..melekha haolam” chan aphah a retze aseilou ahin geldoh a ahileh chunga bang’a asher natan a ajom ding ahi. Hinlah thangvahna alina “la-ad” thucheng asei man a ahileh kinungle theilou ahitan, birkhat hamazon aseijom a achai ding ahitai. Aipi chu hitaleh seudat shlishi a changlhah (Lekhem) neh teitei ding ahi.
12. Mikhat in sabbath shakharit seudat ann neh phat chomkhat jouva seudah abol kit a (Seudah shlishi vang hinailou) hiche seudah abolna’a birkhat hamazon a aretze ana belap haimil a ahileh avela birkhat hamazon athah sei kit angai pon ahi.
13. Sabbath nilhah le jingkah (seudah) a numei hon birkhat hamazon a Retze belap ding ana haimil khah uva ahileh, adinmun hi pasal te tobang ahi, tidan chu thangvahna alina birkhat hatov vehametiv thucheng a “la-ad” asei jouva Retze aseilou ahin geldoh uva ahileh avela birkhat hamazon abul apat a athahsei kit ngai ahi. Ahin seudah shlishi a retze seiding ahaimil khah uva ahilehvang thangvahna alina pa asei nailou u hijongleh pasal ho tobang’a thangvahna Asher natan...barukh mekadesh hashabath muna Hashem mintheng jao puma aseithei lou u ahi, hijeh a chu thangvahna “Asher Natan” a Hshem mintheng panglouva asei uva, hitia chu ajomdiu ahi.
14. Pasal mithum in sabbath nikho a seudah abol khom uva, Zimmun le birkhat hamazon asei uva, ahin, birkhat hamazon a retze belap ding ana haimil khah uva ahileh, abon uva birkhat hamazon avela athah man kit ding’u ngai hijongleh, zimmun vang avela athah bol kit u angaipon ahi.
15. Mikhat in sabbath ann neh athumna (seudah shlishi) abola’a, a ann neh abolsung’a sabbatg ana potdoh khata henglang hijongleh birkhat hamazon asei teng retze abelap ding ngai nalai ahi, ajeh chu akipatdan a kiche ahin, (tidan chu sabbath sung’a ann neh apat tah jeh a chu aan aneh achai teng sabbath potdoh tajongleh, sabbath nia kisim nalai ahi). Hitobang’a a chu mikhat in Kut nikho, Rosh khodesh ham, khanukah ham ahilouleh purim nikho a ann nehkhom abol’a seudahabolsung’achu Kut, Rosh Khodesh leh khanukah ahilouleh Purim anikho potdoh tajongleh, seudah apat phat a chie ding, birkhat hamazon aseiteng anikho a belap ding ho abelap tha ngai ahi. Ahin tua iseu ho uchu ann neh laipettah a Arvith ataonai lou kiseina ahin, hinlah ann aneh laipet tah’a Arvith taona ana man khah a ahileh anikho ho a bela ding birkhat hamazon a abelap angai tapon ahi.
16. Mikhat chun sabbath ann neh athumna (seudat shlishi) khojin jou lang chan a ajoma birkhat hamazon asei masang’a anikho khat’a thangvahna jakhat seiding suhbulhitna ding’a theigga aneh got a thangvahna asei nom a ahileh, abolding phal ahi.
17. Khanukah le purim teng birkhat hamazon a “Al hanisim” akibelap in ahi. Mikhat in khanukah le purim a changlhah (lekhem) aneh a birkhat hamazon a athangvahna athumna (Birkhat haaretz) khumkhana “Barukh attah Hashem al haaretz veal hamazon” pet a “Barukh attah..” ati jouva “al hanisim” aseilou ahin geldoh a ahileh, “al hanisim” a kinung le kit ding ahi. Ahin Barukh attah Hashem ati man a ahileh, “lamdeni khukeikha” tia aseithei louding, Hashem min aseitahjeh a chu birkhat hamazon chu ajom ding ahitai. hijeng jongleh Harakhaman ho aphah tengleh “harakhaman hu ya’aseh lanu nisim ve niflaot..” tia abelap thei ahi.
18. Iti ham khat’a lhathah kut chu sabbath kichai (motzei sabbath) toh akituokhah a ahileh, mikhat in sabbath ann neh athumna (seudat shlishi) chu khojing jouva achai a ahijongleh birkhat hamazon aseiteng leh retze bou abelap ding, Rosh khodesh a kibelap ji yaale veyavo vang abelap lou ding ahi.
19. Mikhat in nnikho dang Yom khol a changlhah aneh a birkhat hamazon ahetkhiel jeh’a retze ana belap khah a ahijongleh, ima aboipon, avela birkhat hamazon athah sei kit ngai pon ahi.
20. Chapang aneo ho birkhat hamazon chung chang’a tahsanna akineiyin hijeh a chu mipa khat in sabbath nikho a birkhat hamazon aseiya retze abelap abelap lou ahetchet louva, achapa in apa koma retze abelap in tia aseipieh a ahileh, achapa thusei chu akingapna theiyin, avelap birkhat hamazon athah seikit angaipon ahi.
(Zimmun Daan)
1. Mithum in changlhah anehkhom uleh Zimmun abol dingu ngai ahi. Amaho lah’a khat penpen in “Hav lan venivrik lemalka ailah a kadisha” tia aseiya, aloi tenin “Shamayim” tia adonbut lhonding, chujou teng Zimmun lamkaipan “Birshut malka aila’ah kadish (sabbath tengleh _ Ubirshut sabbath malkata) Ubirshut morai verabothai hamesubim nevarekh she akhalnu mishelo” tia aseiya, aloi tenin, “Barukh sheakhalnu mishelo uvtovu kyaneinu” tia adonbut kit lhon ding, chujou teng Zimmun lamkaipan aloitenin adonbut bang’a aman jong “Barukh sheakhalnu mishelo uvtovo khayenu” tia sei kit ding ahi. Mi som in changlhah anehkhom uva ahileh, Zimmun lamkaipan Hashem mintheng abelap ding, “Nevarek ELOKEINU she akhalnu mishelo..” tia seiya aloi dang honjong “Barukh ELOKEINU sheakhalnu mishelo uvtovo khayeinu” tia ahin donbut ding’u, chujouteng, lamkai pan jong amaho sei bang’a “Barukh ELOKEINU..” tia ale donbut kit ding ahi.
2. Puldou te insung (ni sagi sung sabbath ni tailou) changlhah nehna auma Zimmun akibol dinga ahileh, zimmun bolpa in “Nevarekh MENAKHEM Avelim she akhalnu mishelo uvtovo hagadol khayeinu” tia ahin donbut lhon ding, chujouteng zimmun bolpan aloi teni bang’a asei kit ding ahi. Changlhah ne mi som alhon uva ahileh, achung’a kisei bang’a Hashem minthieng ELOKEINU abelap ding’u ahi.
3. Eiho Sefardi te chondan dungjuiya zimmun lamkaipan zimmun achaina “Barukh she akhalnu mishelo uvtovo khayeinu” tia sei jou tengleh, mijousen achang chang uva Birkhat Hamazon akisei diu ahi. Birkhat hamazon asei laipet uva, zimmun lamkaipan birkhat hamazon seisung’a, achaina, vetsahnan - “Hazan eth hakol” tia aseipet ajah uva ahijongleh, “Amen” tia donbut theilou ding’u ahi. Azkenazi te chondan dungjuiya, Zimmun lamkaipan Birkhat Hamazon thangvahna masapen “Hazan et hakol” asei chai kah’a adang hon birkhat hamazon aseipan ji naipouvin, zimmun lamkaipan “hazan eth hakol” ati jouleh “Amen” tia adonbut uva chuteng lebou Birkhat hamazon aseipan bep diu ahi. Hijeh a chu Sefardi khat in Askenazi te jaona’a zimmun abolkhah a ahileh, birkhat hamazon thangvahna masa “hazan eth hakol” chan awging’a aseitheiya ahileh thilhoi ahi.
4. Mi abangkhat in Birkhat hamazon a “Harakhaman” kisei ajah teng uleh, “amen” tin adonbut jiuvin, chuleh birkhat hamazon sung’a “Yaale veyavo” a “Zokhrenu bo letovah” tia kisei ajah teng ujongleh “Amen” tin adonbut jiuvin ahi. Koi hileh hitia bol hochun, kingapna ding anei uvin ahi. Hijeng jongleh hitia bolding chu teitei ahipon, hijeh a chu mikhat in Shakharit taona “Psukei dzimrah” sung’a “Harakhaman” kisei ahin jah’a ahileh “Amen” tia adonbut lou ding ahi.
5. Mithum in chan glhah aneh khom uva ahileh, zimmun abol u ngai ahi. Ahin, hetkhiel jeh’a zimmun abol lou uva, birkhat hamazon anasei khah tah uva ahileh, zimmun abolthei tah louding’u ahitai. Ahin amahon lah’a khat in zimmun bol masang’a birkhat hamazon ana seidoh khah ahijongleh, zimmun abolthei nah lai u ah.
6. Mithum in changlhah aneh khom uva akhatna pa in birkhat hamazon thangvahna masapen bou ahet’a, aninapan thangvahna anina ahet’a, athuman pa in thangvahna athumna ahet’a ah ileh, birkhat hamazon thangvahna alina he koima umhih jong uleh, zimmun aboltei tei u ngai ahin, chuleh birkhat hamazon chu thangvahna masapen hepa in athangvahna hetchu aseiya aloiteni ahuoptha ding hitia chu khat le khat kihuoptha tuo ding’u ahi. r
Yalkut Yosef - Orakh Khayim - Siman 165
Hilkhot Netilat yadayimHa Oseh Tzarakhav ve Rotzeh le khol - Jun-le-eh thahjouva ann neh
1. Mikhat in Jun ahilouleh eh thah jouva changlhah (lekhem) neh nom taleh, khut asilding, hichu jingkah thodohna a khutsil tobang’a asil ding, asil pet leh alungsung’a akhut asil chu changlhah neh nading toh kop a kasil ahi tia agelding, chujouteng leh thangvahna “al netilat yadayim” aseiya akhut chu akitheh got a chujouteng thangvahna “Asher yatzer” aseiding ahi. Hiche thangvahna “asher yetzer” khutsil jou leh changlhah neh masang kikah a aseichu adaltah (hefsek) in akilapon ahi, ajeh chu Shulkhan aruk dungjuiya khutsil jou a pat changlhah thangvahna “hamotz lekhem” sei kikah sung’a, ham le pao (hefsek) phal ahi.
Ahin amapa chun “asher yetzer” aseiding ahaimil lou ding ahileh changlhah Kazait (27 gm) aneh a chujouteng “Asher yetzer” thangvahna chu aseiding ahi. Khenkhat in aseidan na hiche Jun le eh thahjouva changlhah neh nom pa chun khut asil jouteng “Asher yetzer” aseiding chujouteng akhut a atahsa akisel lai ho ageh tohkhah a avel a khut asil kit a thangvahna “al netilat yadaim” aseiding ahi, atiuuvin, ahin hiche hi Halakha dungjuiya hitia bol hi adihpon, hiche hi panna beiya thangvahna seiya lut ahi.
2. Mi atampi in ann kuong (changlhah jaona) aso khom ding ahileh amaho lah’a atehpen in khut akisil masat pen ding ahi. Khenkhat in adaltan (hefsek) ginmona jal in achaina pen in akisil ji in ahi, ahin mikhatt in iti ham khat’a amasapen a akisil a Lekhem neh na ding’a japi jouse in akhut u akisil jou tokah anga doh ding ngai hijongleh adaltan (hefsek) in akisimpon ahi.
Siman 166
Hafsekah bein betziah le netilah - Khutsil jouva pat changlhah bokeh dan1. Daan dungjuiya khutsil jou a pat a thangvahna “hamotzi lekhem” sei masang tokah ham le pao ding phal ahi, ahin ahoipenna chu sabbath ni hi hen, nidang hijongleh, khutsil jouva pat a thangvahna “hamotzi” sei masang tokah a pao louding ahi. Hinlah “Kaddish” ham ahilouleh “Kedushah” ham khutsil jou apat a “Hamotzi” kikah’a ijah khah a ahilevang donbut ding ngai ahi.
2. Ahoi penna chih thei ding ngai chu ahileh khut ikisil jou leh thangvahna “Hamotzi” seina ding’a phat nga sotgot lou ding ahi. Asopt penna mikhat in lampi tong 22 ajot phat sung nga ding, hiche phat khel jou vang ngadoh louding ahi. Ahin, itiham khat a mipi khutsop ding atama, aboncha uva ahin kisop chai tokah sung uchu ajouva iseiyu “Tong 22 kenglam jot phat sung” val ding hijongleh ngadoh a achaina a khut kisil ding phal ahi. Ahin ipi chu hileh kinomsot den lou ding ahi.
3. Daan dungjuiya khutsil jou apatna thangvahna “hamotzi lekhem” sei masang kikah sung’a natoh neo, tekahna charity kotphung’a angaicha ho gapieh ahilouleh pung gah vet, ahilouleh adang dang bol phal ahi. Ahin hiche kisan natoh neoho bollouva “hamotzi” gangtah a bolding chu thilpha ahi. Natoh neo ho phal ahi vang a iti ham khat’a mikhat chun thil neo khat ham khutsil jou leh Hamotzi kikah’a ahin bol a hiche akuona chu phatsot tah pi hefsek ahung umkhah ding a ahileh vang mangang tah’a “hamotzi” thangvahna joh aseidoh a achanglhah chu themkhat aneh a chujouteng joh leh natoh neo chu abol ding ahi.
4. Khut silna ding mun akuona anneh na mun chu gamlha jongleh, khutsil pha ahi. Hiche a hi ann neh nakom toh kinai khel a seiding angaipon ahi. Shulkhan arukh in khutsilna leh ann nehna mun kinaisah ding ativang’a, hiche dan dungjuiya asei ahipon, Middat khasidut joh aseina ahi.
5. Shabbath leh kut hijongleh changlhah neh na ding Chagsang ahilouleh inpam lama khutsil a potdoh thei ahi.
Yalkut Yosef - Orakh Khayim - Siman 167
Hilkhot Netilat yadayimDinei Be-tziat ha Pat - Changlhah bokeh ding daan
1. Changlhah min hoi lai pen mun chu bokeh masat ding, iti ham khat’a changlhah chu akihul akuona neokhat ana keh khah leh hiche akehlai mun chu bokeh masat louding, amin hoilai mun joh bokeh masat ding ahi, ajeh chu thangvahna “hamotzi” kisei chu changlhah ahoilaipen mun a chuhsah ding ahi.
2. Nikho dang tengleh changlhah ineh nomleh thangvahna “hamotzi” isei masang’a neokhat at-keh ding, thangvahna isei jou tengleh atkehna mun chu bokeh ding ahi. Sabbath leh kut nikho teng levang, thangvahna sei masang’a neocha hijongleh atkeh lou ding ahi, ahin iti hamkhat’a mikhat chun hetkhiel jeh’a ana atkeh khah leh sabbath leh kut nikho a changlhah kimsel (Lekhem Mishne) manding thupieh (mitzvah) achaan dieh pon ahi, (hiche achanglhah teni chu adopsang tengleh kimsel a kimu)
3. Thangvahna “hatmotzi” sei pet a changlhah chu at nailou ding ahi, ahoipen chu thangvahna seipet’a thilneo cha hijongleh bolgot lou ding ahi. Birkhat hamazon le taona (Amidah) man pet tailou, thangvahna adang dang ho seipet a daan dungjuiya thil neo bolding phal ahi, ahin phat hijongleh ahithei channa ipi thangvahna hijongleh iseipet teng ima bollou ding chu thil hoi ahi.
4. Nikho dang hijongleh mikhat chun changlhah kimsel leh akimsellou aneileh, akimsel pa joh chu thangvahna “hamotzi” seina’a aman ding ahi.
5. Changlhah thangvahna “hamotzi” seiteng leh “Hamotzi lekhem” leh “min ha’aretz” kikah phat ong (gap) umsah ding - tichu “Hamotzi lekhem” phat ong umsah ding “Min ha’aretz” tia seiding ahi. Ahin mikhat chun phat ong lahlouva “hamotzi lekhem min ha’aretz” tia asei jongleh, thangvahna seiding asubulhit in ahi.
6. Ahoipenna ann neh na mun a changlhah thangvahna seiding ah i. Ahin iti hamkhat’a mikhat chun changlhah thangvahna asei a neokhat aneh a chujouteng mun dang’a aga nehchai khah a ahijongleh ahoipen ahilouvang’in Bediavad a athei in ahi.
7.Changlhah thangvahna”hamotzi” isei jouteng leh ima seilouva changlhah chu neh pai ding ahi. Iti hamkhat’a mikhat chun thangvahna “hamotzi” aseiya, aneh masang’a apao khah a ahileh thangvahna athah seikit ngai ahi, ahin ann neh toh kisam kai - tekahnan chi agah thum ham, ahilouleh changlhah toh mepiding thil thum na a apao khah le vang thangvahna “hamotzi” athah seikit ngai poi. ahoipenna hiche ho sei ding jong chu bollou ding ahi.
8. Changlhah chu ikhut a ichoi masang’a thangvahna “hamotzi” seinailou ding chuleh ikhut langnia changlhah chu choiding ahi. Chonddan in changlhah chu Chi akide jin ahi.
9. Khut-tuom (gloves) kitom khat in thangvahna asei tengleh akhut tuom puma changlhah chu achoilou ding, akhut tuom chu akilahdoh ngai ahi. Ahin mikhat chun akhut akisuhkhah jeh’a akhut tomma (Geves) akhut chu akitom levang, akhut tuom umna puma changlhah chu abokeh thei ahi. A in sung midang ho thangvahna “hamotzi” seiding a apieh doh angaipuon ahi.
10. Hamotzi thangvahna iseijou tengleh kinomsot louva changlhah chu nei pai ding ahi. Abangkhat in “hamotzi” isei jouteng uleh changlha chu bong tamtah in insung mipi um jouse a ding’in atah doh jiuvin, chujouteng le changlhah chu atang bong pan anehji pan bep in ahi. Ahoipen a hitia bollouding, chutah sang’a thangvahna seipan aneh masat a chujoutengleh a insung mite a ding’a changlhah chu atan pan ding ahi.
11. Mikhat in mitamtah hoptha ding’a thangvahna “hamotzi” seitaleh, angai ho chun “barukh hu barukh shemo” tia adonbut loudiu, chuleh changlhah neo khat beh aneh masangse uva, pao phallou ahi. Iti hamkhat’a thangvahna seipan changlhah neo khat ana neh man a, adang hon changlhah neman nailouva ana pao khah tah uva ahileh, thangvahna athah sei kit ding u angaipoi, ahin thangvahna seipan changlhah neo khat jong ana neh man nailouva ahilevang, ana pao khat ana umkhah leh, amapa chun thangvahna athahbeh a akisei kit ngai ahi. Thangvahna seipan changlhah aneh masang’a ana pao khah leh, avela thangvahna athah kisei kit ngai ahi, hinlah adang angai ho vang ana pao khah uleh athah kisei kit u ngai ahi, ahin ana pao lou ho vang chun, thangvahna seipan avela apaokhah jeh’a thangvahna avela athah seikit ding hijongleh amahon vang avela thangvahna asei kit diu angaitapoi.
12. Ahoipena changlhah ineh tengleh, ilol sung’a ivallut masangse a paolouding ahi. Iti hamkhat’a ikamsung’a ilhailaipet tah’a ina pao khah tah’a ahileh thangvahna (hamotzi) thahsei kit angaipon ahi. Ajeh chu tep maimai ding hilouva, neh ding joh’a lunggel aneijeh chuleh changlhah akam sung’a alhaipet’a chu atwina nopsahna aneijeh ahi. Hijeh a chu mikhat chun mithai ahilouleh mastic (chewing gum) neh na ding’a thangvahna Sehakol aseiya, akama alhaia atuina ahetjou tengleh paoding pha ahitai. Ahin ahoipen a thil inehtengleh ival lut kah’a paolouding aphai.
13. Mikhat chun changlhah thangvahna “Hamotzi” aseiya aneh masang’a Kaddish ahilouleh Kedushah ham ajah khah a ahileh adonbut theilou ding ahi, iti ham khat’a hetkhiel jeh’a changlhah aneh masang’a ana donbut khah tah’a ahileh thangvahna “hamotzi” athah sei kit angaipon ahi. Changlhah chu akamsung’a alhaipet tah a (aval nailou) Kaddish ahilouleh Kedushah ham ajah khah a ahileh vang adonbut ding ngai ahi. chuleh aloi dang kha in thangvahna asei ajah a ahileh adonbut ding ahi. Ahin athilneh chu avallutna alol sung’a alut laipet tah’a Kaddish ahilouleh Kedushah ham ajah leh vang akam a donbut louva alungsung joh a adonbut ding ahi.
14. Neh leh chah thangvahna ham ahilouleh Mitzvah bol masang’a thangvahna hijongleh mikhat in hetkhieljah’a ama le aman thangvahna aseijouva “Amen” tia adonbut khah leh Hefsek (paltan) in akilapon ahi. Hijeh a chu mitamtah in neh le chah thangvahna ama le aman akisei uva hetkhiel jeh’a aloidang thangvahna sei ajah jeh a amapan thangvahna aneh masanga “Amen” tia aseikhah ham ahilouleh Kaddish, Kedushah ham adonbut khah leh Hefsek in akilapon ahi. Ahin, thangvahna leh aneh masang kikah a seikhah thucheng chu Kaddish , Kedush chuleh “Amen hilouva thildang ahileh thucheng khat anasei kha tajongleh Hefsek in akilan, thangvahna athahsei kit ngai ahi.
15. Mikhat chun ganchah avah ahileh amapan ann aneh masang’a agancha ann apieh masat ding ahi, ajeh chu aganchan ann apieh masang’a amapan ann aneh ding phallou ahi. Ahin hichu neh le chah lang kiseina ahin, hinlah donlang ahiteng levang mihiem joh agancha sang’a masa ding ahi.
16. Khenkhat in ann neh masang’a gancha ann pieh ding hi Torah akuon ahi, atiuvin, abangkhat in Derabanan akuon ahi, atiuve. Ipi chu hitaleh gancha masang a ann chu igakoipieh leh aphatai, ganeh sah khel angaipon ahi. Maran Yakhida in jong ahcha nei ho koma ajo khat leh thupieh bol phallou “Gancha suhgenthei” apalkeh khah naloudiuva jingkah seh leh ahcha neihon an apieh jing na diuvin agihsal in ahi.
17. Mikhat chu ann nehna ding thangvahna aseiya aneh masang’a gancha ann pieh ding ahingeldoh’a “Gancha ho an peuvin” tia aseileh Paltan (hefsek) in akisimpon ahi, ajeh chu gancha ann pieh masang’a ann nehding phallou ahi. Ahin tua isei u chu Hefsek ahilouva vang’in bolding’a hoipen ahipoi.
18. Mikhat in uicha (dan dungjuiya vah phal ho) le mengcha ham avah khah leh gancha thienglou ahivang uva ann neh masang’a amaho ann pieh masat na dinga chihthei ngai ahi.
19. Tua isei u ann neh masang’a gancha ann pieh ding ahi, itiu chu eima gancha kiseina ahin, midang gancha kiseina ahipoi, hijeh a chu midang gancha khat ann neh ding kuon leh eima huonsung’a umjongleh ann pieh louva eiman ann neh ding phal ahi.
20. Changlhah (lekhem) thangvahna seilouva mikhat chun changlhah ana ne khat tahenlang hileh, changlhah neh ding aumnalaiya ahileh, thangvahna aseiya aneh ding ahi, ahin ann neh joulang pet a thangvahna aseilou chu ahingeldoh a ahileh, thangvahna “hamotzi” aseitheitah lou ding ahi. ann aneh laipet tah’a thangvahna aseiu aseilou ahetchet louva ahileh, ima seilouva ann neh ajomthei ahi, ahin midang changlhah ne kigo auma ahileh amapa koma thangvahna ahinsei teng ahinhoptha ding’a aseiya hitia chu thangvahna asei aseilou ahetlou chu aseptuoh thei ding ahi.
Yalkut Yosef
Hilkhot KHANUKAHKhanukah sung’a bolding phallou ho:
1. Chondan dung juiya khanukah teng numei hon thaomei nidan keh avah sungse a natoh ima abol pouvin, vetsahnan, puonkhui, puonsop chuleh adang dang, ahinlah neh le chah toh kisamkai tichu ann huon, ho ahilevang abolthei u ahi.
2. Khanukah sung’a ann-ngol phallou ahi, hijeh a chu mikhat anu ham apa ham thi nikho chu khanukah sung’a achuh khah a ahileh khanukah masang’a ann angoldoh ding ahi.
Khanukah thaomei det ding daan le muol:
1. Hiche khanukah thaomei hi ni giet sung akide in, animasa nileh khat akide in, ani nih nileh ni akide in, hiti chun anikho achie dungjuiyin thaomei jong akibelap in ahi.
2. Khanukah thaomei det ding thupieh hi insung’a mikhat (mipa) in adet leh a insung mijouse jong ahop tha tan ahi. Askenazi hon vang amitakep in adejiuvin ahi.
3. Insung’a thaomei deding miipa aumlouleh minu in jong ainsung mijouse ajipa puma ahoptha ding’a thaomei adet thei ahi. Hiche thaomei detding thupieh a hin numei leh pasal dinmun akibang’in ahi.
4. Khanukah thaomei hi ahoipenna insung lutna, Mezuzah umlouna lang kot koma tunding ahi, ahin building sang a cheng ho ahilevang, building huikot koma khat’a atuna detding ahi.
5. Khanukah thaomei hi jaan ahsi thum (tzet hakokhavim) akimu apat a det pan thei ahi, hiche masang’a vang det got louding, jaa ahilaise, tichu kho avah masangse a Thangvahna puma thaomei det thei ahi. Ahin kho avah a ahilevang thaovahna umlouva det ding ahi. Ahoipena ahsi thum so apatna nidang kehkhat sung’a khanukah thaomei det ding hi thilhoitah ahi.
6. Thaomei idet masangleh hetding a poimo chu, thaomei idet ding chu idet jouva pat nidan kehkhat beh avah jouding ngai ahi. Nidan kehkhat beh avahjou louding ahileh khanukah thaomei detding thupieh akisubulhit poi.
7. Mikhat chun iti ham khat a nidan kehkhat vah jou louding thaomei adet khahtah’a, adet jouva ahin hetdoh a thaotwi tampi asun be hijongleh thupieh asubulhit lou ahi. Hijeh a chu thwotwi sunbe hilouva, thaomei adetsa chu asuhmit a, chujouteng nidan kehkhat beh avahthei na ding’a thaotwi asunbe a hitia chu avel a thangvahna umlouva athah det ding ahi.
8. Khanukah thaomei chu jetlang’a pat veilang’a tunding, idet tengleh veilang apat’a jietlang a detding ahi. Chuleh hetding a poimo kit khat chu thaomei idet tengleh, thaomei chu nidan kehkhat avahsung’a hui in asem mit jou louding ahi angaiye. Iti hamkhat’a hui in asem mit ding ihet a thaomei chu idet leh thupeh kisubulhit lou ahi. Ahin hiche hui kisei chu phatseh’a nitin a um hui kiseina ahin, nitin a umkhalou hui kiseina ahipoi, tichu mikhat in khanukah thaomei nidan kehkhat sung vahjou ding adet a, athaomei adet joug chu nitin a um hui holah’a vahjou ding ahi a nidan kehkhat avah masang’a hui hattah, nidang’a umkhalou in ahin mutmitkhah a ahileh, nidan kehkhat vahnailou hijongleh thupieh asuhbulhit ahitan, avela athah det kit angaipoi.
Khanukah thaomei vahna ding’a thangvahna daan ho:
1. Khanukah thaomei vahna ding’in thangvahna thum aumin ahi:
a)Lehadlik Ner Khanukah
b) Se asah nisim la avotheinu
c) Shehekhiyanu
Ahin, shehikhiyanu thangvahna hi animasa nileh akiseiin, aninih apat in, Lehadlik her khanukha le She asah nisim la avotheinu bou akisei tai.
2. Mikhat chun itiham khat’a animasa nileh thaomei detpet’a shehikhiyanu thangvahna anasei haimil khah a thaomei nidan kehkha avah sung’a ahin geldoh a ahileh, shehekhiyanu thangvahna aseithei nahlai ahi. Hiche nidan kehkhat sung’a jong ahin geldoh louva ahileh, aninih leh aseiding hitia chu achaini kah’a khanukah thaomei det masang ham ahilouleh adet jouva nidan kekhat sung’a seithei ahi.
3. Mikhat chun thangvahna seilouva khanukah thaomei anadet khahtah a ahileh, thaomei adet ding tichu anithum ni a thum lah’a ani ana det’a khat det nailou aumnahlai a ahileh, thangvahna aseitheinahlai ahi, ahin athumna anadet jouva thangvahna aseilou ahin geldoh a ahileh thangvahna Lehahlik ner khanukah aseithei tahlou ding ahi, ahin thangvahna She asah nisim vang aseitheinahlai ahi. Ipi chu hileh thangvahna seilouva anadet hijongleh thupieh asuhbulhit ahi.
4. Khanukah teng Hanerot halalu la akisaji in, hinlah chihthei ngai chu ahileh thangvahna jouse iseijouva khanukah thaomei amasapen idet jou tengle bou sah pan bep ding ahi.
5. Khanukah thaomei vah akuona nopsahna tichu avah akuona sum gahsim, ahilouleh Torah gam sim hijongleh phallou ahi.
6. Chondan dungjuiya Beith Knesset muna jong khanukah thangvahna pumin mei akivah jin ahi. Ahin hiche beith knesset a khanukah thaomei kivahna akuona thaomei detding thupieh (mitzvah) kisubulhit theilou ahin, inn a kide thaomei akuona bou thupieh kisubulhit ahi.
7. Khanukah sung’a kholjin ham ahilouleh mundang’a lekhasim khat chun, ainn koten khanukah thaomei adet uva ahileh, amapan akhojinna muna ahilouleh alekhasim na muna thaomei adet ding angaipon ahi. Ajeh chu ainn koten thaomei adet uva kuona amajong ahoptha ahitai.
8. Khanukah kut sung’a khatvei shabbath toh akitoh in, nidang a ahsi thum asoteng thaomei dejongleh, hiche sabbath toh kitoh Friday niteng khovah, Sabbath thaomei det masang’a (khanukah thaomei) det ding ngai ahi. Hiche jeh a chu hiche Friday nia Sabbath thaomei det masang’a khanukah thaomei adet ding teng, nidang’a thaotwi asunsang’a tamjo asun ding, tichu adet jouva pat ahsi thum so jou nidan kekhat changei beh vahjouding thaotwi asun ngai ahi.
9. Khanukah ni giet sung se a taona (Amidah) leh Birkhat hamajon teng “Al hanisim” akibelap in ahi. Chuleh hiche ni giet sung shakharith teng Hallel pumpi (full hallel) thangvahna pumin akisim jin ahi. Numei hon vang Khanukah sung’a Hallel asimlou ding u, asim nom uva ahileh thangvahna “ligmor eth hallel” seilouva asim thei u ahi.
Note: Mipi koma kaseinom chu ahileh, hiche khanukah halakha hung kijih hi achomlam thei pena hung kijih ahin, ihettheim lou u auma ahileh ikidoh chet thei u ahi.
Yalkut Yosef - Siman 167
Dinei Betziat Hapat - Changlhah bokeh ding daan
Amasa Parasha Vayislakh akuona banjom21. Mikhat chun hetkhiel jeh a changlhah thangvahna “Hamotzi” seilouva changlhah ana neh kha tahenlang, hin geldoh taleh, changlhah aneh thei ding nahlaiya ahileh, thangvahna aseiya aneh kit ding ahi, ahin ann aneh jouva ahingeldoh a changlhah jong anehnuom tahlouva ahileh, thangvahna “hamotzi” asei thei lou ding ahi. Hinlah changlhah anehpet laitah’a chu thangvahna asei aseilou ahetchet louva ahilevang, a ann neh ajom ding hijongleh thangvahna aseilou ding ahi. Midang khat in “Hamotzi” thangvahna seiding auma ahileh, amapa akihoptha sah ding ahi.
22. Hetkhiel jeh a mikhat chun changlhah chu “Bore pere ha adamah” ahilouleh Shehakol ahilouleh “Bore minei mezonot” ham anaseikhah a asepphat man louva ahileh, Bediavad (dei um hihih jongleh) anehva thei ahi, ahin hetkhiel hijongleh changlhah chu mikhat in “Bore pere haetz” tia anaseikhah a ahileh hitheilou ahi, avela thangvahna athah sei kit ngai ahi. Chuleh mikhat chun hetkhiel jeh a “Bore pere ha adamah” ahilouleh, Yain ham khat chu “Bore pere ha- etz” ana seikhah leh Bediavad a hithei ahi.
23. Mikhat in mitampi hoptha ding’a changlhah thangvahna aseiya ahileh, thangvahna seipan aneh masat ding adang hon anaeh masat theilou ding u ahi, ahin tua kisei chu mipi hon jong changlhah aneilou uleh tina ahin, hinlah amahon jong achancheh uva changlhah anei uva ahilehvang thangvahna seipan changlhah nenai hih jongleh amahon akineh theiu ahi.
24. changlhah botkeh pan changlhah chu akoma tou ho akhut’a apieh lou ding, amasang joh uva akoiding ahi, ajeh chu puldoute bou khut a kipeji ahi. Hiche khut’a changlhah pieh louding kiti chu chapang ho, ama le aman thil kilah thei hojong kiseina ahi, chuleh abotkeh pan changlhah ama a ding’a akibokeh teng, lenlou, neo lou, ama neh kham bou abokeh ding ahi.
25. Changlhah botkeh pan changlhah chu mipi atamjon “Amen” tia adonbut masang uva abokeh theilou ding ahi. Ahin tua kisei chu amapan mipi ho hoptha ding’a thangvahna aseia ahileh tina ahi, chuleh mikhat chun changlhah aneh lou ding leh midang aneh ding khat a dinga thangvahna aseipieh theilou ding ahi, hichu Sabbath ni hihen Kut ni hijongleh hithei lou ahi. Ahin chapang ho Khinukh (education) a ding’a ahile vang amapan changlhah aneh lou ding hijongleh chapang changlhah neding khat a ding’a thangvahna aseipieh thei ahi.
Yalkut Yosef - Siman 168
Al Eizeh pat mevarkhin - Hoiche changlhah a thangvahna seiding ham
1. Changlhah akimsel leh akibotkehsa umtaleh, thangvahna “Hamotzi” seina ding’a akimsel chu neojongleh manding ahi. Ahin akisei chu sakol changga (Seora) a akisep a akibotkehsa chu suhlouchang (Khita) a akisepleh, anilhon a lah’a akimjopa chu achung’a pansah a akimloupen chu anoiya pansah’a thangvahna seiya aninia bokeh ding ahi.2. Changlhah neocha ineh ding hijongleh neh masang’a thangvahna sei tei tei ngai ahi. Ahin neh jou thangvahn (Birkhat hamazon) vang Kazayit (27 gm) lhinglou ahileh seilou ding ahi.
2. Pizza, Bongnoi toh kisiemtha ham ahilouleh Sa toh kisiemtha hijongleh mikhat in aneh ding leh thangvahna “Hamotzi” asei ngai ahi. Kazayit (27 gm) aneh doh leh Birkhat hamazon amanding ahi. Ahin ,Pizza chu bongnoiya kisiem ahi a bongnoi tuina (taste) akihetdoh leu ahilevang thangvahna “mezonot” seiding ahi. Pastida (Sa leh moida kihalkhom) ahile vang “:Hamotzi” le “Birkhat hamazon” sei ngai ahi, ahin “Borekas” ahilevang sa jaojongleh “Mezonot” seiding ahi.
4. Sefardi te chondan a “Matza” pessakh lai tailouva “Mezonoth” akisei in ahi. Mikhat chu 216 gm aneh ding ahileh “hamotzi” le birkhat hamazon asei ngai ahi chuleh khut jong asei ngai, thangvahna “al nitalet yadaim” vang aseilou ding ahi.
5. Mikhat chun changlhah (Lekhem) chu thao a akan leh Lekhem lim tobang hijongleh “Mezonot” le “Meayin shalosh” aseiding ahi.
6. Changlhah lah’a Si (sum-sum) jao jongleh “hamotzi” le birkhat hamazon seiding ahi, ahin, Si chu atambehseh’a changlhah chu ineh jongleh changlhah alna aumlouleuva ahileh vang “mezonot” le Meayin shalosh seiding ahi.
7. Pat habaah bekisnim nehmasang thangvahna “Bore minei mezonoth” le nehjou thangvahna “Meayin shalosh - al hamikyah” akiseiyin ahi. Hiche pat Habaah bekisnin kiti hi moida toh khoiju ahilouleh chini toh thil mu ho kihal khom a kisiem ahi - eg. Cake. Hiche pat habaah bekisnin kisiem chu achanglhah tuina akihetlouva akihalpi ho tuina akihet a ahileh thangvahna “Mezonot” leh “al hamikyah” akisei in ahi, ahin, achanglhah tuina bou akihet a ahileh, (tichu akihalpi ho tuina kihedohlou) thangvahna “Hamotzi” akiseiyin ahi. Hiche pat habaah bekisnin kisiem chu atah (agop) ahileh “mezonot” leh “al hamikhiyah” akiseyin ahi.
8. Mikhat chun Pat habaah bekisnin (cake) 216 gm hichu Kazait (54 gm) li (tichu 54x4 = 216 gm) aneh ding a ahileh nehmasang’a thangvahna “hamotzi” leh nehjou thangvahna “birkat hamazon” asei ngai ahi. Mikhat chun cake chu themkhat bou anehnoma thangvahna “Mezonot” aseiya aneh a, tui asah jeh’a aneh neh leh 216gm ahin nehdoh leh, thangvahna “Mezonot” anasei tajongleh 216gm aneh doh tahjeh’a chu Birkat hamazon asei ngai ahitai. Cake 216 gm nehnom pa chu changlhah neh na tobang’a khut akisil ngai ahi, thangvahna al netilat yadayim vang asei louding ahi.
9. Mitzvah kibolna a (tichu Brith milah) changlhah lhum (khalah metukah) akiman a ahileh, mipi ho koma thangvahna “Mezonot” leh “al hamikhiyah” akiseiye tia hetsah ding ngai ahi. Chuleh changlhah lhum chu 216gm aneh dingu ahileh Hamotzi le birkhat hamazon chuleh khutsil ngai ahi, hetsah ding ahi.
10. Tu channa iseiu mikhat in Cake 216gm aneh ding leh Hamotzi le Birkhat hamazon asei ngai ahi itiu chu akihulmin (derek afia) di ahileh ti ahi. Hinlah thao a kikang tho ahilehvang tamtah (216 gm) van neh ding hijongleh thangvahna “Mezonot” leh al hamikhiyah sei ding ahi. Hijeh a chu mikhat in Sufganiot nehthei tampi nejongleh “Mezonot” leh al hamakyah asei ding ahi.
11. Mikhat chun Pat habaah bekisnin (Eg. Cake) 216 gm aneh a Birkhat hamazon asei aseilou ahetchet louleh asei kit ding ahi. Ahin thangvahna alina “Hatov vehametiv” vang aseilou ding ahi. (Hiche hi pasal ho bou a ding ahin, numei ho ahilehvang ahetchet louleh birkhat hamazon aseikit lou ding ahi)
12. Neh chungchang jouse a nehjou thangvahna seitheina ding’a alhompen a Kazayit (27gm) jat akilat pras sung’a mikhat in anehjou ngai ahi. Akhilat pras sung’a kazayit anehdoh louleh nehjou thangvahna aseilou ding ahi. Hijeh a chu tekahna Matzah ahilouleh Anche kha ineh tengleh akhilat Pras sung’a kazayit nehjou ding gelkhoh ngai ahi. Akhilat Pras kiti hi, thangvahna isei jou apat a minute sagi leh akeh (7 & half minute) sung tina ahi. Torah akuona nehding thupieh tekahna Pesakh ni jaan masa a Matzah neh ham ahilouleh succot jaan masa a sukah sung’a changlhah Kazait neh ding ahitengleh minute 4 sung’a kazait jat nehchai got ding hi thil hoitah ahi.
13. Mikhat in pat habaah bekisnin (Cake) 216 gm aneh a ahileh “Hamotzi” leh birkhat hamazon asei ngai ahi itiu chu thildang akinetha simtha lou tina ahi, tidan chu cake bou, adang simthalou 216gm alhin ngai ahi.
14. Mikhat chun Etriyot (Chao) toh chang chinga ho a kihuon tamtah 216gm aneh got a ahijongleh Hamotzi leh birkhat hamazon aseilou ding, mezonot le al hamikyah joh asei ding ahi. Itiham khat a hetkhiel a Hamotzi ana seikhah jongleh hitheilou ahi, ahin nehjou thangvahna birkhat hamazon ana sei khah le vang Bediavad a athithei in ahi.
15. Changlhah khoiju jaona a kisiem henlang, khoiju chu atamjo hihih jongleh Mezonot kisei ahi, ahin RAMA (Azkenazi) te dungjuiyin hamotzi asei un ahi.
16. Mikhat chu pat habaah bekisnin 216gm neh ding’a lunggel aneiya, khut akisil a (thangvahna umlou) Hamotzi aseiya aneh leh, chom khat jouva, ahin nehnom tahlou ahileh (tichu 216gm sang’a lhom aneh) aneh masang’a thangvahna Hamotzi anasei tajongleh nehjou thangvahna Mein shalosh - al hamikyah aseiding ahi, chuleh Hamotzi anasei chu pannabei a thangvahna sei (Brakha levatala) in akilapon ahi. Chuma bang chun, mikhat in cake aneh got a (216gm vang aneh got lou) thangvahna mezonot aseiya aneh leh ahin dube a 216gm lhing ding’a aneh nom leh aneh jom thei ahi, ahin avela hamotzi thangvahna aseikit angaipon, nehjou thangvahna vang birkhat hamazon asei ngai ahi.
17. Zalaviah (Jelebi) moida leh khoiju a kisiem, thao a kikang aneh dingleh mezonot aseiding ahi. Hiche Zalaviah chu mikhat in 216gm neding hijongleh mezonot le al hamikyah aseiding ahi.
18. Mikhat chun cake hamkhat aneh a aneh khompi ding Theiga alah leh cake thangvahna mezonot asei a chu theiga jong ahoptha ahitan, avela theiga thangvahna aseikit angai pon ahi. Ahin mikhat chun cake aneh a thangvahna aseipet a chu theiga toh aneh khom ding anagellou leh amasang’a theiga um chu aneh ding a ahileh thangvahna achuoma theiga a ding’a asei ngai ahi.. r
Yalkut Yosef - Siman 169-170
Han hagoth baeth haseudah - ann neh pet a umding daan
1. Thangvahnna seiding dan he hobou nehleh chah pieh ding ahi. Ahin insung a mikhat hou bollou ahung khholjin khah a amapa chun Torah leh ajil ho ahetthiema, thangvahna asei lou jeh’a neh le chah akipieh lou ham, ahilouleh thangvahna seiding a akijol jeh ham a Torah le ajil ho vetdana le musitna ahin nei ding ahileh, thangvahna seilou jongleh neh le chah pehthei ahi. Ahoipen chu a inn neipan thangvahna aseiya akholjin pa ahuoptha ding ahi.
2. Ann neh pet leh kihou louding ahi. Torah thu jong seilouding chuleh mikhat koma damtheiyin (Labriut) tia jong seilou ding ahi. Ajeh chu ajokhat leh alol ah kitang den kha inting thina atothei ding ahi. Ahin tukhang a hin kijamthho puma ann neh (Pessakh lai tobang) a ann neh hitalouvin, tou pumin ann akinetan, hijeh a chu ann neh pet a kihoulim a pao phal ahitan chyuleh Torah hetgilna nei hojong ann neh pet leh Torah thu a akihoulim un ahi. Tukhang a hin ann neh pet in ki pao tajongleh ann eval lut laipet tah’a iloi khat thangvahna sei ijah leh ilungsung’ joh a donbut ding ahi. Ahin Pessakh jann teng le vang on puma matzah leh theitwi akineh leh akidonjeh in thusei a pao khah ding chihthei angaiyin ahi.
3. Mikhat in a twi donna khon chu midang khat twi don na ding’a apieh lou ding ahi, ajeh chu ajokhat le natna ananei kha taleh aloipan akilah son thei ahi. Ahin chondan dungjuiya Kiddush theitwi ahilevang insung mmijousen akidon khhom in ahi. Hinlah jin aumkhah leh inn neipan jin pa a ding’a khon dang khat asun pieh ding ahi, ahin inn neipan khondang khat asungpiehlouleh, kholjin pan anjokhat le innneipan natna ana neikhah ding gingmo tahenlang hileh, adon da thei ahi.
4. Chondan dungjuiya khon ni a thil don akiboltan, ji ni neikhah ding ginmona aumtapon ahi.
5. Ann ineh ding tengleh, ann jachatsah louna ding ahi - tichu ann kihuon atuidan, atuilou dan khollou ding ahi. Lhom leh tamleh lunglhai sela kisan ding hiche ann ineh ding chu Hashem kinbolna a thahatna neitheina ding’a kaneh ahi tia gelding ineh teng jongleh lunghang ahilouleh lungnopmo pum hilouva kipahtah’a nehding ahi. Ann neh chungchanga phunhat louding ahi, ajeh chu miphunse in a insung mite ann neh jong asuboi thei in ahi. Thil ineh teng jongleh ithilneh moh ahilouleh ikam a ipelhah moh ho chu dokhang chung’a koilou ding ahi, ajeh chu akimvel’a tou ho a ding’a kidah umtah thil hithei ahi. Chukitleh dokhang chung’a mini atoukhom hon leh, alenjo pan akilah masat ding chujouteng aneojopan akilah ding ahi. Hiche tobang’ a chu jin ho masang’a theiga ahilouleh nehthei adang dang akikoiteng ane ding holah’a alienpen in akilah masat ding ahi.
6. Mikhat chu asopi khat koma agakhol jin leh, a inn neipan bolding a asei jouse chu akholjin pan abol ngai ahi, Hijeh a chu neh le don ahin pieh leh kholjin pan aneh adon ngai ahi, ahin hichu phallou (isur) ginmona umlou tina ahi. Umchan khanchan (Derekh eretz) dungjuiya kholjin pan inn neipa koma neh le chah ahin ngaichat be a ahin thum kit masangse a inn neipan akhojin pa a ann nehding ahinpieh masat ding thil hoitah ahi. Kholjin pan phallou ginmona jeh a neh le chah achi jat khat aneh louleh, hiche daan ajui chu inn neipan jui hih jongleh aman agakhol jinna inn a chu ajuithei ahi, ahin hiche thil ajui chu ajeh ajal umlouva kikangsena jeh maimai ahileh midang ahetsah louvin aphai.\
7.Ann neh tengleh ivon chung’a ann amatkhahlouna ding’a chih thei angaijin ahi. Ahoipen chu thihkhe le Fork mangcha a ann nehding, chuleh khut langnia ann neh hilouva khut langkhat seh bouva ann nehding ahi. Chukitleh ann ineh tengleh kinobehseh louding (tichu akama lhai gang leh aneh gang louding), ann ilhai buong teng jongleh gah kingah dom ding chuleh i ann lhai chu agin umsah gotlouding ahi. Twi idon teng jongleh khon ni kijom pai, tichu khon khat idon jouleh khonkhat donpai louding, chuleh changlhah ineh teng jongleh aphabep, mivet ding’a kilom ikhut a kichoiya nehding ahi. Tua isei u daan ho jouse hi ichang’a iumteng jongleh jui ding ahi.
8. Khakhamim hon Ju (yain) khon khatvei thol’a tholchai louding ahi, atiu uchu Ju (Yain) bou kiseina ahin, Julhum (mitz anavim) kiseina ahipoi.
9. Chondan dung juiyin donthei twi ahilouleh adang dang japi masang hihen ann nehpet hihen, ann neh petlou hijongleh akidon tan ahi.
10. Ann neh leh twi don, din puma bollouding chuleh ann ineh teng jongleh ivast a (oi dim leuva) nehguot louding, oisung mun khat beh onsah ding ahi.
Yalkut Yosef - Siman 171-172
Hilkhot shelo linhog Bizayon ba okhalim
(Neh le chah jabol louva umding daan)
1. Daisa (Changnoi/changchim) nehna ding’a thihkheh aumlouleh, aneh na ding’a changlhah (lekhem) manthei ahi, ahin hichu changlhah jong aneh ding tina ahi. Halakha a chingthei hon changnoi chu changlhah mangcha a aneh teng uleh akama ahetlut seh uva changlhah jong chu themkhat, changnoi toh aneh tha je uvin ahi. Changlhah aval sese chu changnoi aneh jou teng uleh anechai jiuvin ahi.
2. Beith Knesset sung’a Sabbath Khatan le Kala teng mithai akithe jah jin ahi. Koi hileh hitia bol a chu anjo khat leh neh le chah jabol louna’a aumkhah louna ding’a chingthei tah’a thei ngai ahi.
3. Abangkhat in theiga toh chi-twi kidekhom, atuina ding’a changlhah (lekhem) jong akoitha jiuvin ahi. Changlhah chu chi-twi lah’a junmang jongleh, eima phatchomna ding a akimanjeh a neh le chah musitna (zilzul) aumpon ahi.
4. Sabbath nikho leh dokhang chung’a touho changlhah akihop teng, changlhah chu gah lepheipiehtho louva, amasang uva koipieh tho joh ding ahi, chuleh kuong-le-bel akitundan dih lou ho thehtuohna ding’a changlhah man phallou ahi.
5. Sahing (akihon nailou) changlhah chung’a koi lou ding ahi, ajeh chu changlhah chu nehlou aso ding ahi. Ahin Saa akigoumin ahile vang, changlhah chung’a koithei ahi. Chuleh twi dimset khon chu changlhah chung khat le khat kipieh to lele louding ahi, ajeh chu ajoleh twi chun kiblhakha lehh changlhah chu nehlou asoding ahi.
6. Neh le chah kikoina box, thing’a kisiem, achung’a itouleh asung’a neh-le-chah kikoi asusiet louding ahileh touphal ahi, ahin thildang’a akisepa neh le chah aseit ding ahileh, achung’a toulou ding ahi, chuleh Torah jilna a lekha ngap na ding’a changlhah manthei ahi.
Siman 172: Din hiknis Okhalim lepeh bli brakha
(Thangvahna seilouva neh-lechah ana kinekha chung chang’a daan)
1. Mikhat chun thangvahna seilouva thei twi ana don khah a akamsung’a aumpet’a thangvahn aseilou ahin geldoh leh, alungsung’a thangvahna aseiya avallut ding ahi. Adonbe nom ahileh alungsung’a ana sei tah jeh’a chu “Barukh shem kevod.......vaed” aseiya chujouteng thangvahna “Shehakol” aseiding abanleh adonding ahi. Neh ahileh vang akamsung’a akoi lut pet a thangvahna aseilou ahin geldoh a ahileh akingam in ahi, adam akuona alahdoh’a nungneh kit ding kidah thil ahilouva ahileh alahdoh ‘a thangvahna aseiya aneh ding ahi. Ahin alahdoh’a nungneh kit ding kidah thil ahileh vang ladoh louva akamsung’a aning’a anotdoh’a thangvahna aseiya aneh ding ahi.
2. Mikhat chun Saa aneh a, nidan gup sung’a hetkhiel’a bongnoi a kisiem nehthei, thangvahna aseikhah’a ahileh, panna bei a thangvahna sei (brakha levatala) ahilouna ding’a neokhat ate (taste) ding ahi. Hiche ma bang’a chu mikhat in hetkhiel jeh’a Rosh Khodesh Av jouva Saa thangvahna anasei khah ham, ahilouleh hetkhiel jeh’a ann ngol nikho (Yom kippur tailou) a hetkhiel jeh’a neh le chah thangvahna anasei khah ham ahilouleh sabbath le kut Havdalah masang’a neh le chah thangvahna anaseikhah ham ahiloule, sabbath le kut kiddush kibol masang’a neh le chah thangvahna anaseikhah ahileh, hiche ho jouse a hi pannabeiya thangvahna sei (Brakha levatala) ahilouna ding’a neokhat ate thei ahi. Ahin hetkhiel jeh’a neh phallou tichu Sathienglou ham ahilouleh Sathieng hijongleh daan dungjuiya kithatlou neh na ding’a thangvahna anaseikhah a ahileh, Torah akuona phallou keu hilouva, khakhamim te akuona phallou tekahna gentile te ann huong hijeng jongleh ate (taste) theilou ding “Barukh shem kevod malkhuto leolam vaed” tia aseijoh ding ahi. Chuma bang’a chu mikhat chun ama le aman ann ngol ding’a kitepna anei nikho ham ahilouleh Yom kippur nikho ham a hetkhiel jeh’a neh le chah thangvahna anaseikhah a ahileh neocha jong tep louva “Barukh shem kevod...” joh asei ding ahi.
Yalkut Yosef - Siman -173
Din Mayim Emtzaim (Seudat Kikah sung’a Khutsilna)
1. Seudat kikah’a khutsil (Mayim Emtzaim) hi Reshut ahi, tidan chu anop leh bolthei inop louleh bolda thei tina ahi. ahin, hichu tavsil (akihon chi khat) leh Tavsil (akihon chi dang khat) kikah tina ahi, hinlah bongnoi leh thildang akihon kikah ahile vang khutsil teitei ngai ahi. Hijeh’a chu mikhat chun bongnoi a kisiem nehthei aneh a, chujouva saa aneh nomleh akam sung suhthieng na ding’a changlhah (Lekhem) ham ahilouleh thildang khat aneh a, abanleh akamsung chu twi a asuhthieng’a chujouteng akhut akisil theng’a akitheh got selding ahi.
2. Mikhat chun bongnoi adon a chujouteng Saa aneh nomleh asaa neh nom chu kengli nei akuon hijongleh khutsil louva akam bou akisuh theng’a aneh thei ahi.
3. Chondan dungjuiya mikhat chun sa twi adonleh, (asa vang aneh lou) bongnoi neh nading’a nidan gup angadoh ding ahi, ahin damlou ahilevang nidan gup lhingnai hih jongleh aneh phal ahi.
4. Nga le Saa neh na ding’ kikah lhon’a khutsil ding ngai ahi, ajeh chu saa le nga neh khom hin tahsa tiphal (Tzaraat) ahin polut in ahi. Hijeh’a chu tukhang’a jong chih thei ngai ahi. Abangkhat in ahsa leh Nga nehna kikah a jong khut asil un ahi. Nga ineh jouva saa ineh nomleh twi ham don’a, ikam a Nga alnapa manna ding’a changlhah ham ahilouleh thildang ham neh a chujouteng khut sil angai poi, atiuvin ahi, ahin daan dungjuia Nga leh Ahsa kikah a jong khut sil ngai ahi,ahin Nga leh ahtui kikah ahilevan, ahtui chu ahpi akuon hijongleh khutsil angaipon ahi. Hiche keu hilouva ahtui leh bongnoi jong nehkhom thei ahi.
5. Mikhat chun thihkhe-kikah (mazlek) a Nga aneh a akhut jong thengsel ahi a, Saa aneh nomleh, abangkhat in hiche dinmun a hi khut asil angaipoi, atiuvin, abangkhat in asil angaiye, atiuve. Daan dungjuiya hiche dinmun a hi sil lou thei ahi. Ahin, Nga aneh chu aling neo cha chah ana jaova, akam sung’a aling umho chu akhut’a alahdoh jiji a ahileh, akhut’a Nga atohkhah ahitan, hiche dinmun ahilevang, ajolang’a inasei mabang uva, khut akisil ding, chuleh akamsung suhthieng na ding’a changlhah ham aneh ngai ahitai.
6. Kimel hetto mini,khat in saa aneh chuleh khat in nga aneh hijongleh Dokhang khat chung’a toukhom lhon a aneh khom thei hon ahi. Ajokhat leh saa nepan asaa aneh petlaitah a aloipa Nga ahin nehkhah ding ahilouleh Nga nepan aloipa Saa ahin neh khah ding ginmona aumpon ahi.
7. Damlou mikhat, midang khat in Nga aneh sah’a, amapan Nga chu atohkhah louva ahileh, Saa neh na ding’a khut akisil angaipon ahi. Chuleh nga nehsah pan jong adamloupa nga anehsah jouva Saa aneh noma ahileh khut asil angaipon ahi.
8. Mikhat chun Nga aneh a khut asil masang’a Saa ahin choipieh u chu atohkhah leh, a Saa chu nehmo ahipon, ahin akhut a Saa atohkhah lai chu asuhthieng ding, chujouteng khut asil’a Saa chu aneh thei ahi.
9. Changlhah neh masang’a khutsil na ikhut theh got ding angai bang’a Nga neh jouva saa neh na ding’a khutsil na a jong ikhut theh got ding ngai ahi. Chuleh ikhut isil teng, ahoipen a tuol lhang’a sop louding ahi.
Yalkut Yosef - Siman -174
Din Birkhat Ha Yain ve Hamayin BaSeudat
(Ann neh pet a lengpiju le twi thangvahna)
1. Lengpiju (Yain) in donthei jouse ahoptha in ahi. Hijeh a chu mikhat in Yain thangvahna (Bore pere hagefen) aseiya ahileh, donthei jouse, Yain thangvahna asei pet’a amasang’a um hihen, umlou hileh, kadon ding ahi tia agelleh abona ahoptha ahi. Iti ham khat a lung a geltha louva Yan thangvahna amohsei jongleh donthei jouse donmasang thangvahna hihen, donjouse thangvahna hileh ahoptha in ahi.
2. Mikhat in ama hoptha ding puma midang Kiddush bol angailhah a aman jong Kiddush Yan chu neokhat apatep a chujouva donthei, tekahnan twi ham ahilouleh theitwi ham adon nomleh, Kiddush Yain anatep tah jeh a chu donthei jouse adon na ding’a thangvahna asei angai tapon ahi. Ahin Kiddush ngai lha jongleh, Kiddush kibolna Yain chu atep louleh, twi ding’a thangvahna asei ngai ahi. Chuma bang a chu mikhat in Birkhat Hamazon kimanna a Yain (tichuu Birkhat hamazon jouleh thangvahna “bore pere hagefen” kiseya kidon pen khu) adon a ahileh, abana adonding jouse tekahnan Coffiee ho jong ahoptha ahin, thangvahna achombeh a asekit angaipoi.
3. Mikhat chun seudat (Changlhah) ann aneh pet’a Yain adon nomleh thangvahna “Bore pere hagefen” asei ngai ahi, ajeh chu Lekhem in Yain ahop tha pon ahi. Seudat jeh ‘a yain kimang hijongleh, changlhah in Yain ahoptha theipon ahi. Yain chu akihon hijongleh ahoptha theilou ahi. Ahin Yain donjou thangvahna (meayin shalosh) vang aseilou ding ahi, ajeh chu Birkhat hamazon in ahoptha ahi. Kiddush bol pet’a Yain chungchang ahilevang, thangvahna “bore pere hagefen” aseipet’a Seudat teng jongleh Yain kadon ding ahi tia agelthaleh, Seudat sung’a Yain thangvahna asei angaipon ahi. Chuleh mikhat in Havdalah kibol jouva ann aneh noma, Yain jong adon nomleh, Havdalah a Yain thangvahna asei teng, Havdalah jouleh ann neh pet’a Yain adonding chu kahoptha poi tiaa gelleh, ann aneh tengle, avela Yain thangvahna aseikit thei ahi.
4. Mikhat chun Yain thangvahna aseileh donthei jouse ahoptha e itiu chu Coffee akihal noma chini neokhat agah bah nom jongleh thangvahna aseilou ding ahi.
5. Mikhat in Birkhat Hamazon, Yain adop puma asei a Yain chu birkhat hamazon aseijouva thangvahna “bore pere hagefen” aseiya, Reviit adona chujouva coffee adon nomleh, coffee thangvahna seithei na ding’a Meayin Shalosh (yan donjou thangvahna) asei doh got lou ding ahi. Ahin iti ham khat’a Meayin shalosh anasei doh khah a ahileh, coffee thangvahna asei ding ahi. Tua iseu uchu Birkhat Hamazon a Yain kimang ana don kha mipa kiseina ahin, adonlou ho ahileh vang ima boilouva coffee adon nomluleh thangvahna asei ngai ahi.
6. Mikhat chun Seudat (Lekhem jaona) pet a donthei tichu twi ahilouleh donthei dang dang (yain tailou) adon nomleh thangvahna “Shehakol” aseilou ding ahi. Hiche chungchang hi Seudat pet’a Yain dontoh akibangpon ahi, ajeh chu Yain in thupina anei jeh a Seudat sung hijongleh thangvahna “bore pere hagefen” akisei yin ahi. Hashem ginna neikhat in adang achah leh seudat sung’a twi adon ding, hoptha puma seudat masang’a “Shehakol” asei ding ahi. Ahin hichu adang achah leh tina bou ahin, adang achah loule vang, Seudat masang hijongleh twi thangvahna aseilou ding ahi. Hijeh a chu donthei dang tekahnan, Cola, Mitz ham twi khel a alah a thangvahna asei thei ahi. Ahin tua iseu ho chu Seudat pet’a twi kidon ho hoptha na ding’a bolding daan iseu u ahin, daan dungjuiya (me yikar hadin) a Seudat neh pet a twi ham, cola ham idon nomleh, thangvahna seilouva don jing thei ahi.
7. Mikhat chun Seudat sung donding ho hoptha dinga Seudat masang’a seidoh nomleh, ahet ding chu Reviit lhing adon got louding ahi, ajeh chu Seudat masang’a Reviit kidon chu Birkat hamazon in ahoptha-ahopthalou kinelna aumin ahi. Halakha dungjuiya Reviit anadon khah jongleh “Bore nefashot” aseilou ding ahi.
8. Seudat (Changlhah jaona) sung ham, ahilouleh Seudah jou ham (Birkhat hamazon masang) a mikhat in cha ahilouleh coffee adon ding leh thangvahna aseilouding ahi. Ahin aboipen chu Birkhat hamazon jouleh thangvahna “shehakol” sei thei na ding’a adon leh thil hoi ahi. Ahilouleh seudah sunga adon nomleh mithai ham khat alaha a cha ahilouleh coffee hoptha ding puma thangvahna “shehakol” asei jongleh thil hoi ahi. Chuleh mikhat chu seudah sung’a cha ham coffee ham anadon tajongleh, birkhat hamazon jouleh adon nom kitleh thangvahna asei ngai ahi.
9. Mi abangkhat in seudah (lekhem jaona) pet a khamar medina tichu Beer, Arakh, chuleh donthei adang dang ho thangvahna seiding, seilou ding kinelna aumjeh in, adon ji pouvin ahi. Ahin mikhat in seudah pet’a tua isei ho donthei ho adon ding leh thangvahna aseilouding, hinlah Wine vang thangvahna asei ngai ahi. Koi hileh kinelna akuona akivendoh nomleh Beer ahilouleh Arakh ham chu Seudah sung’a adonding hoptha ding tohgoma, Seudah masang’a thangvahna “shehakol” aseiding ahi. Tua isei uchu Yain jaolou na mun tina ahin, Yain auma thangvahna anasei levang, donthei jouse beer, Arakh chuleh adang jouse jong ahoptha ahitai.
10. Seudah (Lekhem jaona) a mi abangkhat in ann neh tuina ding’a ann neh petleh don ding’a Arakh ham ahilouleh Konyak ju ham ajaosah uleh, ann neh laipet’a adon ding jongleh thangvahna asei ngailou ahi, ahin khutsil leh lekhem thangvahna kikah sung’a ahilevang, Arakh/konyak ham chu don guot louding ahi.
11. Mikhat in Cake (ppat habaah bekisnin) 216 gm val aneh a ahileh, changlhah (Lekhem) ne tobang ahitan, hijeh a chu aneh pet sung’a twi adon noma ahileh thangvahna “shehakol” asei louding ahi, ajeh chu changlhah neh sung’a twi donna thangvahna kiseijilou tobang ahitai. Ahin, Cake chu 216 gm sang’a lhom aneh ding ahilevang, twi adon nomleh thangvahna “shehakol” asei ngai ahi.
Mikhat in Kuskus ahilouleh adang dang aneh a twi ahin don nomleh thangvahna asei ngai ahi. Kuskus thangvahna chu “Bore minei mezonot: ahivang’a, mikhat in 216gm val neh ding hijongleh “Mezonot” hiden nalai ding ahi. Hiche Kuskus chu Saa, anche ahilouleh adang dang toh akihal khom leh Kuskus chu apoimo ahijeh a Kuskus a thangvahna “Mezonot” aseiya adang akihalpi ho ahoptha ding ahitai.
13. Mikhat in Cake aneh a cha/coffee adon nomleh thangvahna “Shehakol” asei ngai ahi, ajeh chu Cake a thangvahna “Mezonot” asei chun cha le coffee ahoptha pon ahi. Cake le Cha amasang auma ahileh, Cake a thangvahna aseimasat ding, chujouteng cha a thangvahna aseiding ahi. Nehjou thangvahna ahilevang, Cake a bou “Meayin Shalosh - Al Hamikyah” aseiding, achadon chu asat’a ahilehvang, chondan dungjuiyin, donjou thangvahna “Bore nefashot” akiseipoi.
14. Mikhat in Cake ham aneh pet a twi ahilouleh juice ham, Reviit khat vei don’a adonlhah leh, adon masang’a thangvahna “Shehakol” asei ding keu hilouva donjouse thangvahna “Bore nefasot” jong asei ngai ahi. Hijeh a chu neh jou thangvahna aseiding tengleh Cake a “Meayin shalosh - al hamikhyah” asei masat ding chujouteng twi a don jou thangvahna “Bore nefashot” aseiding ahi. Ahin cake le theiga aneh le vang (Tichu anilhona Kazai lhing cheh aneh doh) neh jou thangvahna aseiding teng, theiga nehjou thangvahna “Bore nefashot” asei masat ding, chujouteng Cake a “Meayin shalosh - al hamikhyah” aseiding ahi. Iti ham khat a theiga nehjou thangvahna “Bore nefashot” asei masang’a Cake nehjou thangvahna “al hamikyah” ana sei masat leh, theiga nehjou thangvahna “Bore nefashot” jong ahoptha ahitan hijeh a chu theiga nehjou thangvahna “Bore nefasot” asei thei tahlou ding ahitai.
(Seudah sung’a neh le chah adang ho dinmun daan)
1. Seudat (Changlhah jaona) sung’a neh le chah adang kine ho khu changlhah neh nading’a akithopi a apanleh tekahnan - Saa, Nga, Ahtui, Cheese ho chung’ah thangvahna akiseipon ahi. Hiche seudah sung’a kine thil hochu achangseh a akineh jongleh neh masang thangvahna hihen, nehjou thangvahna hileh, changlhah thangvahna in ahoptha ahitai. Changlhah thangvahna kisei pet a tua achung’a kisei neh le chah hochu imasang’a umlou hijongleh amaho chung’a thangvahna akiseipon chukeu hilouva seuda pet’a indang akuona tua kisei neh le chah ho chung kichoi lut hijongleh thangvahna akiseipon ahi.
Ahin neh le chah seudah pet a hung kichoi lut ho chu changlhah kithopi ding’a hung kichoi hilou - tichu changlhah toh kinehkhom ngailou tekahnan, Theichang (Teena), Grape (Anavim) chuleh theiga adang dang ahile vang neh masang thangvahna sei ngai ahi, ajeh chu changlhah thangvahna “hamotzi” in ahoptha pon ahi. Hinlah nehjou thangvahna vang, Birkhat Hamazon in ahoptha in ahi. Akihon tho neh le chah ahilevang, changlhah in ahoptha in ahi. Ahin changlhah in ahoptha neh le chah isei ho uchu, changlhah Kazait (27 gm) lhing ineh le bou tina ahi, hinlah changlhah Kazait lhinglou ineh leh ima ahoptha thei pon, thidang ineh ding ho chu thangvahna sei ngai ahi. Kichenna dung’a ann neh jou teng, Birkhat Hamazon sei masang, mipi hon Mounu leh Moupa kipasahna ding’a adokhang u adalhah teng uleh, ann vahihom hon dokhang chung alhem ngim uvin ahi.
2. Nehthei alhum - mithai, chewing gum, chuleh adang dang ho changlhah toh akinehkhom jilou jeh in, changlhah in ahopthei pon, hijeh a chu thangvahna sei ngai ahi. Neh jou thangvahna ahilevang Kazait (27gm) nehdoh jongleh Birkhat hamazon in ahoptha ahi. Ahin tua isei u nehmasang thangvahna changlhah in ahoptha theipoi, itiu chu changlhah toh akinehkhom louleh tina ahin, hinlah changlhah toh ineh tha ding levang amaho chung’a thangvahna seilou ding ahi. Hijeh a chu mikhat in changlhah toh mot aneh khom dingleh, Mot chaung’a thangvahna aseilou ding ahi.
3. Ahoipen a Seudat (Changlhah jaona) sung’a Cake ho neh got lou ding ahi, ajeh chu Cake thangvahna “Mezonot” ham ahilouleh “hamotzi” ham kinelna aumjeh ahi. Kinelna aumjeh a chondan a Cake thangvahna “Mezonot” kisei lou ahi, hijeh a chu Seudah sung’a mikhat in Cake aneh ding leh thangvahna aseilou ding, ahin aneh nom leh a bolding a hoichu “Hamotzi” aseiteng, Cake jong ahoptha guot ding ahi.
4. Khat in chondan a sabbathleh Kut jaan kiddush teng changlhah neh na ding’a khutsil masang teng thangvahna niseh a jakhat seiding suhbulhit na ding’a Saa, Nga, Ann adang dang chuleh theiga ho chung’a thangvahna asei jiuvin ahi. Koi hileh hitia bol chun kingapna ding anei uve. Hiche a hin, numei le pasal akikhehna aumpon ahi. Ahin, seudah maang ahijeh a Kazait (27 gm) lhing aneh khah lou na ding’a achih thei ten angaiye. Ajeh chu Kazait 27gm Seudah masang a akineh khah leh kinelna a kilut ahi, ahin itiham khat a Kazait lhing ana kineh khah tah leh neh jou thangvahna chu kinelna a umjeh in akisei pon, ajeh chu Seudah a changlhah nehjou thangvahna “Birkhat hamazon” in ana hopkhah thei ahi.
5. Iti ham khat’a Tu b Shvat Sabbath nikho a achuh khah leh, Tu B Shvat jana a neh le chah ahilouleh theiga kineji ho chu neh masang le nehjou thangvahna seithei na ding’a Birkhat hamazon jouleh neh ding ahoipen ahi. ahin theiga ho chu Sabbath Seudah sung’a akineh khah leh neh masang thangvahna bou akisei yin, neh jou thangvahna vang “Birkhat hamazon” in ahopthah ahi, changlhah neh na ding’a khutsil masang’a akineh khah leh ajouva iseina bang uva, Kazait (27gm) lhing neh guot lou ding ahi. Sabbath leh Kut nikho teng thangvahna jakhat seiding suhbulhit ahah jeh a theiga khat chu neh masang leh neh jou thangvahna seithei na ding’a “Birkhat hamazon” jouleh neh ding’a koidoh ding phal ahi. ahin nikho dang le vang, thangvahna jakhat seiding suhbulhit ahah lou jeh a Seudah sung’a thei umchu, Birkhat Hamazon jouleh seiding ahoipen a koidoh got louding ahi.
6. Mikhat in mainou ham, Tomato ham ahilouleh anche louhing adang dang akihonminsa hihen, akihon minlou hihelh, Seudat (changlhah jaona) sung’a aneh nomleh thangvahna asei angaipoi. Ajeh chu seudah sung ahijeh ahi, ahin hiche chungchanga kisei anche-louhing hochu ann neh jouteng, Kinukh Seudah (Dessert) a ding’a seudah sung’a ana kine tajongleh avela akineh nomleh, neh masang thangvahna sei ngai ahi - (tichu bore pere haadamah). Hijeh a chu mikhat in seudah kichai jou nung’a Kinukh seudah a ding’a mainou, changmai, khasa, ahilouleh anche dang aneh nomleh neh masang thangvahna “bore pere haadamah” asei ngai ahi. Changmai, Tomato chuleh anche dang dang ho chu Salad lah a ana jao tajongleh avel’a Kinukh seudah a ding’a akineh nomleh thangvahna asei ngai ahi.
7. Mikhat in thei, chini (Sugar) toh kihon khom Seudah jouva, Kinukh seudah teng aneh ding leh thangvahna “bore pere haetz” aseiding ahi. Hiche theiga toh Chini kihon khom chu thei chom chom chungga leh noiga akihal khom ahi a, mitmua lhe khen thei ahileh, chungga ho chu thangvahna “bore pere haetz” aseiya, noiga ho chu “bore pere haadamah” aseiding ahi.
8. Chondan dungjuiya mikhat in Seudah sung’a Olive ga aneh leh, changlhah toh nehtha hih jongleh thangvahna Olive ga a kiseilou ahi. Mikhat in Olive ga a thangvahna asei nomtahleh, alungsung’a aseithei aih. Abangkhat in Olive ga Seudah sung’a aneh masat pen ding khu changlhah toh anetha jiuve.
9. Ahoipen chu, seudah sung hihen, seudah chaijou hijongleh ice-cream neh kigot louding Birkhat hamazon jou tengjoh leh thangvahna sei puma (ice cream chu nehjoh ding ahi. /Ajeh chu Glida (ice cream) chung’a hi Seudah sung’a thangvahna seiding seilouding kinelna aumin ahi. Hijeh a chu nmikhat in Glida hi seudah anahe khah leh thangvahna asei louding ahivang’a seudah pet a nehlou ding ahoipen ahi.
10 Mikhat in Yain adon’a chujouva changlhah aneh leh Yain reviit ana dondoh jongleh Meayin shalosh aseilou ding ahi, ajeh chu Birkhat hamazon in ahoptha ahitai. Chuma bang’a chu mikhat in Cake aneh a chujouva changlhah aneh leh, Cake chu kazaith (27gm) ana neh doh jongleh Meayin shalosh aseilouding ahi, ajeh chu Birkhat hamazon in ahoptha ahitai.
DINEI ARBA PARASHIYOT
SHABBATH SHKALIM
1 adar Rosh Khodesh masang sabbath ahilouleh Adar Rosh Khodesh toh sabbath kituoh teng sefer Torah ni akiladoh in, Parashat Shekalim chungchan akisim jin ahi. Hou in theng (Beith hamikdash) ana din laiya chun Adar Tarik khat teng, Beith din hon Israel sung’a khopi jouse ah Khetzi Shekel (Half shekel) don pat ding in thupieh ana pejiuvin, mipi hon beith Hamikdash muna Khetzi shekel chu ahin choi jiuvin hiche ahin choi hochu Nisan lha apat a pumgo thiltuo na a ding’a amanjiu ahi.
Zekhor le Mekhatzit hashekel daan:
1) Khetzi shekel geldohna a sum ipieh tengleh chihthei ngai chu, Khetzi shekel a ding’a kipe ahi ti got louding, hinlah Khetze shekel Geldohna a kapieh ahi tia seijoh ding ahi.
2. Mikhat chu adinmun ahahsat behseh leh Khetzi shekel geldohna Khetzi Shekel (shekel kehkhat) bou apieh thei ahi.
2) Mijouse kum somni apat chunglam jousen Khetzi-shekel geldohna apieh dingu ngai ahi. Abangkhat in aseidan un, pasal kum 13 chuleh numei kum 12 apat chunglang jousen apieh ngai ahi, atiuvin, amaho sei bang’a daan khoutah a juiding hi aphai.
4) Numei hon jong Khetzi shekel geldohna apieh ding’u ngai ahin, chuleh chapang aneo ho a ding jong piehtha ding ahil hoitah ahi. Hijeh a chu amitakip in ain sung mijouse a ding puma Khetze shekel apieh tha ding ahi. Ahin ama a ding’a ahahsat behseh a ahileh ama a ding’a Khetzi shekel apieh a, a insung mite a ding’a ajothei chan apieh pieh ding ahi.
5) Hiche Khetzi-shekel geldoh na a paisa ho chu Torah kijilna mun, Yeshiva ho a pieh ding ahi, ajeh chu houin theng akisuhsiet jouva apat hashem in Halakha kijilna mun bouvah mun aneitan ahi.
6) Hiche Khetzi shekel geldohna sum kipe chu soma khat lhalo (monthly income) akuona kipetheilou ahi. ahin Khetzi-shekel geldohna sum ipieh chung’a ibelap nomleh soma akhat sum ho a belap thei ahi.
dinei hefsek ba seudah
(Seudah sung’a hefsek chungchang daan ho)
1. Mikhat Seudah sung’a aumpet leh ahoipena Birkhat hamazon asei kah a pindan/room dang’a galut got louding ahi. Hiche midang dokhang chung’a amuse um hihenlang ahilouleh room dang’a alut tengleh kaki nungle kit ding ahi tin gel jongleh ahoipen a abollou louvin aphai, ajeh chu ajoukhat leh aneh na mun dalhaleh, Birkhat hamazon seiding ahin haimil khah thei diu ahi. Itihamkhat’a Birkhat Hamzon sei masang’a atouna mun adalhah khah leh ahung nung kile kit tengleh ann aneh jom nomleh thangvahna “hamotzi” athah sei kit angaipon ahi. Hichu, achang’a ann aneh hijongleh athah sei kit angaipon ahi, midang toh aneh khom ahideh deh leh, athah sei kit angaipoi.
2. Seudat (ann neh) sung’a ann kihonna mun a, itouna mun dalha a nehding domdoh ding’a potdoh phal ahi. Hiche chungchang a hi chondan dungjuiya kiddush leh seudah kikah teng an kihonna mun a neh le chah domdoh ding’in dokhang akidalha jin ahi. Chuleh lhambuh Kut (Succot) teng Seudat sung’a lhambuh a neh ding neh le chah ho insung’a galah na ding a, dokhang dalhah phal ahi. Hiche hi ahoipenna jong phal ahi.
3. Chung’a iseu u Birkhat hamazon sei kah’a ahoipenna Dokhang dalhah got lou ding itiu chu Mitzvah hilouva nehna Dokhang dalhah chungchang kisei ahin, hinlah Mitzvah bolna ding ahilevang ima aboipon ahi. Hichu Mitzvah chu aphat pel lou ding Mitzvah hijongleh phal ahi. Mitzvah aphat kipel ding ahilevang seilouva phal ding hetsah ahi, tekahnan, mithi nung (Levayah) juiding Mitvah ahilouleh Minyan lhing’a taona man ding, chuleh adang dang hijongleh ahoipenna ima boilouva Dokhang dalhah a gabol jeng thei ahi. Hichu achang’a dokhang a ann aneh hijongleh ima aboipoi.
4. Mikhat chu Seudah pet laitah a in pamlam a ahilouleh inn lutna kalbi (kheder madrigot) pam lama agapotdoh a, ahung kile tengleh ann neh ajomthei ahin, thangvahna “hamotzi” avelseikit angaipon ahi. changlhah (lekhem) Kazayit sang’a lhom (below 27gm) nedoh jongleh thangvahna “hamotzi” asei kit angaipon ahi. Ahin inn pam lang agapotdoh’a, ahung kile teng thangvahna “hamotzi” avelsei kit leh kingapna ding aneiyin, ima sei angai pon ahi. Ahin khut vang athah sil kit angaipon ahi. Thangvahna “hamotzi” seikit ding angai louva vang’in, ahoipen chu, velsei kit lou ding ahi.
5. Mikhat chun Seudah mun khat’a aneh a chomkhat jouva mundang khat’a ann aneh agajom leh, Birkhat Hamazon sei na ding’a Seudah ana patna mun a agakile kit angaipon, ann aneh chainamun a Birkhat Hamazon amanthei ahi. Hichu henasasa a abol hijongleh aneh chai namuna aman thei ahi. Ahin mun khat a aneh’a, mun chuom a Birkhat hamazon agaman ding ahilevang hithei lou ahi - tichu hena sasa a abol ahile, a ann nehna mun a kile a Birkhat Hamzon agaman ding, ahin, hetkhiel jeh’a abol got ahilevang, ann anehnamun a Birkhat Hamazon seina ding’a aga kile ding angaitapoi. Hinlah kile ngai hih jongleh, aga kile leh, kipaman amu ding ahi.
6. Seudah chaijou, birkhat Hamazon masang’a, mikhat in Kinukh Seudah (ann neh jouva theiga ham kine ji) a ding’a theiga ham aneh got’a thangvahna aseiya, chujouva theiga aneh chu room dang’a neh ding’a akichoilut a aneh muomleh, thangvahna aseikit angaipon ahi.
7. Neh-le-don adang dang ho neh jou thangvahna “Bore nefashot” kiseina ho ahilevang, neh jou na muna nehjou thangvahna “Bore nefashot” seitei tei ding ahipoi, tichu, idei dei na mun’a seithei ahi. chuleh Inehna mun a kuona ipotdoh leh, nehjou thangvahna seina ding’a inehna muna gakile ding angaipon ahi.
amasa banjom.
8. Mikhat chun nehthei ham Kazayit (27gm) lhinglou aneh a anehna muna akona pamlam a gapotdoh a akilat pras (minute 7) sung ahung nung kile kit a nehthei kazait lhinglou aneh chu kazayit lhinna ding’a aneh be leh, nehjou thangvahna sei na ding kigomkhom lhon (lhing) ahi.
9. Mikhat chun theiga khat chung a thangvahna aseiya aneh masang’a a inn pam lang’a achoidoh leh, abangkhat in inn pamlama achoidoh jeh’a chu thangvahna athah sei kit ngai ahi, atiuvin, ahin abangkhat in aseina uvah chun, in pamlang’a potdoh jongleh akhut’a achoi nalai jeh’a chu thangvahna asei kit angai pon ahi, atiuve. Hiche chung’a kisei chu insung’a pat a inn pamlang’a potdoh kisei na ahin, room khat leh room khat kikah ahilevang thangvahna athah sei kit angaipon ahi, ahin hiche jong hi ahoipen a bollouding ahi.
10. Mikhat chun nehthei amunei (tekahnan sunflower, maimu etc) ham khat a thangvahna aseiya pamlang’a akichoidoh leh, lampia nehding’a lunggel anei jeh’a chu pamlama choidoh jongleh thangvahna aseikit aganipon ahi. Ahin insung’a nehthei mu chung’a thangvahna aseipet’a chu pamlang’a choidoh ding’a lunggel ananei louva ahileh, pamlang’a apotdoh tengleh thangvahna athah sei kit ngai ahi.
11. Mikhat chun mithai ahilouleh chewing gum chung’a thangvahna aseiya aneh a pamlang’a apotdoh pi leh, mithai ahilouleh chewing gum chung’a thangvahna athah sei kit angaipon ahi. Hiche keu chu hilouva mithai adang jong akichoidoh tha a akama um chu aneh jou tengleh adang akichoi ho chu aneh nomleh, thangvahna athah sei kit angaipon ahi, ajeh chu mithai thangvahna asei pet’a chu adang akhut a achoi ho jong ahoptha ding’a lunggel anei jeh ahi.
12. mikhat chu aloikhat inn a kholjina aga chie na a neh le chah chom chom alhuna ten ahin choipieh uleh, neh leh chah chom chom ho chu neh masang’a thangvahna kibang ahi a ahileh thangvahna khatvei aseiya adang ho chu avel’a thangvahna aseikit angai pon ahi. Chukeu chu hilouva thangvahna aseipet’a chu neh le chah dang neh masang’a thangvahna kibang ho ahin choipieh ding u hoptha ding gel hih jongleh ai in neiten ahin chopieh teng uleh thangvahna asekit ngai pon ahi. Tu a isei u chu jin ho dinmun kiseina ahi, ahin jin hijongleh alhunna te inn a phatsot pi a uma adei dei phat leh alhunna te neh le chah ho chu ama dei dan a aneh thei ding ahilevang, jin chungchang daan le muol ama chung’ah aumtapon ahi.
13. Jaan a Torah jil khovah ho tekahna “shavot” ni jaan teng phat seh’a mikhat in cha (Tea) acon jing ding hijongleh thangvana “shehakol” khatvei aseileh avela hiche thangvahna chu cha khon dang adon ding ho chung’a avela aseikit angai pon ahi. Cha khon dang adon ding chu amasa a adon apat a nidan khat le keh val jongleh thangvahna avela asei angaipon ahi. Ahin ahoipen a chu thangvahna cha chung’a ase ten ghiche jaan a cha ahin choipieh ding ho jouse hoptha ding’a lunggel aneitha leh thil hoitah ahi.
Ahin tua isei u chu Beith knesset pam lang’a ga potdoh lou tiina ahi, ahin beith knesset pam lang’a agapotdoh ahilevang akinungle tengleh avela thangvahna athah sei kit ngai ahi.
Ahin mikhat chun “Meayin shalosh” sei na ding neh thei ahilouleh “Bore nefashot” seina ding nehthei aneh a amapan neh jom ding lunggel aneiya hinlah ajo khat leh aneh jouva apatna 72 minutes ahung val khah ding kichatna jeh a neh jou thangvahna “al hamikhyah” ahilouleh “bore nefashot” akisei doh leh, neh jou thangvahna seitajongleh aseina jeh chu neh jou thangvahna chaankhah lou na ding’a aseijeh a chu aneh kit ding teng avela nehmasang thangvahna aseikit angaipon ahi.
(Seudah sung’a hefsek chungchang daan ho)
amasa banjom.
14. Inpam lang’a natong ho, abangkhat teng twi adon jiuvin, mun khat bouva aumden lou jeh uva, twi adon jou teng uleh thangvahna “Bore nefashot” aseidoh ding u thil hoi ahi. Twi donna thangvahna “Shehakol” vang munkhat a aumlou jeh uva adon ding seh uleh thangvahna asei ngai u ahi. Ahin twi khon tamtah, khat khat a adon leh munkhat a aumjeh a chu akhon jouse chung’a thangvahna asei angaipon ahi.
15. Mikhat in thei khat chung-ga thangvahna aseiya aneh a aumna mun akhel louva, 72 minutes val jou nung’a avela aneh nomkitleh thangvahna avela asekit angaipon ahi.
16. Mikhat in twi ahilouleh donthei adang (juice) ham adon a chujouva cha (Tea) adon nom kit a, ahin adon masang’a “Bore nefashot” (twi donlou thangvahna) aseiya ahileh, Cha adon ding tengleh thangvahna “Shehakol” asekit ngai ahi. Hiche chung chang toh hin, thangvahna “Bore nefashot” sei theina ding phat apel khah ding kichatna jeh’a aseidoh toh akibang pon ahi, ajeh chu hiche chungchang a chu “Bore nefashot” seijou tengleh adon kit dingleh thangvahna “Shehakol” asekit angaipon ahi.
17. Mikhat in ann aneh Seudah laipet tah a Changlhah jaona taona ana manlou ahin geldoh leh, ann aneh angah a taona aman ngai ahi, ajeh chu taona man kah a ann kinetheilou ahi. Hiche chngchang a hin hefsek aumpoi, tidan chu taona aman chai tengleh ann aneh na ding thangvahna avela asei ngailou tina ahi. Chukeu chu hilouva Beith Knesset a taona agaman hijongleh ann aneh nah’a hefsek aumon ahi.
18. Seudah laipet tah (changlhah jaona) a dokhang chung’a mikhat ana imut khah a, akhahdoh jung nung’a a ann neh ajom nomleh hefsek aumpon, thangvahna vel sei louva ann aneh jom thei ahi. Ahin thangvahna avel sei ngailou hihih jongleh, akhut vang avela asil ngai ahi.
19. Mikhat Seudah sung’a aga pampot khahleh hefsek in akisimpon, a ann neh thangvahna avela seilouva ajom thei ahi, ahin khut akisil a thangvahna “Asher yatzer” vang asei ngai ahi, chuleh seudah sung’a mikhat in atahsa akisel lai sung akhut’a akhoi khah leh khut asil ngai ahi.
20. Torah jil ho hi abangkhat teng nehthei Cake ahilouleh theiga ho aneh jijiu chuleh Cha le Coffee adon jijiu ahin, thangvahna munkhat a seiya aneh jouva chomkhat jouteng Room dang a aganeh ji kit u ahi. A ipi hileh room le room kikah hijongleh building khat nuoi ahijeh a thangvahna avela athah sei kit u angaipon ahi.
21. Mikhat adang achah a twi thangvahna aseiya, chujouva donjou thangvahna “Bore nefashot” asei jou teng avela twi adon nom kit leh thangvahna “Shehakol” asei kit na ding’in, adinmun in akingam in ahi, tidan chu thangvahna “Bore nefashot” asei jeh a chu 72 minutes (neh le don jou thangvahna seiphat sung) aval/apel khah ding kichat najal jeh a asei ahileh, avela twi adon nom kit tengleh thangvahna asei kit angai pon ahi. Ahin thangvahna “Bore nefashot” asei jeh chu 72 minutes aval khah ding kichat najal jeh hilou ahileh, avela twi adon nom kit teng thangvahna avela aseikit ngai ahi.
(Seudah sung’a ann neh chaina lunggellhah na chungchang daan ho)
2. Mikhat in ama hoptha ding puma midang Kiddush bol angailhah a aman jong Kiddush Yan chu neokhat apatep a chujouva donthei, tekahnan twi ham ahilouleh theitwi ham adon nomleh, Kiddush Yain anatep tah jeh a chu donthei jouse adon na ding’a thangvahna asei angai tapon ahi. Ahin Kiddush ngai lha jongleh, Kiddush kibolna Yain chu atep louleh, twi ding’a thangvahna asei ngai ahi. Chuma bang a chu mikhat in Birkhat Hamazon kimanna a Yain (tichuu Birkhat hamazon jouleh thangvahna “bore pere hagefen” kiseya kidon pen khu) adon a ahileh, abana adonding jouse tekahnan Coffiee ho jong ahoptha ahin, thangvahna achombeh a asekit angaipoi.
3. Mikhat chun seudat (Changlhah) ann aneh pet’a Yain adon nomleh thangvahna “Bore pere hagefen” asei ngai ahi, ajeh chu Lekhem in Yain ahop tha pon ahi. Seudat jeh ‘a yain kimang hijongleh, changlhah in Yain ahoptha theipon ahi. Yain chu akihon hijongleh ahoptha theilou ahi. Ahin Yain donjou thangvahna (meayin shalosh) vang aseilou ding ahi, ajeh chu Birkhat hamazon in ahoptha ahi. Kiddush bol pet’a Yain chungchang ahilevang, thangvahna “bore pere hagefen” aseipet’a Seudat teng jongleh Yain kadon ding ahi tia agelthaleh, Seudat sung’a Yain thangvahna asei angaipon ahi. Chuleh mikhat in Havdalah kibol jouva ann aneh noma, Yain jong adon nomleh, Havdalah a Yain thangvahna asei teng, Havdalah jouleh ann neh pet’a Yain adonding chu kahoptha poi tiaa gelleh, ann aneh tengle, avela Yain thangvahna aseikit thei ahi.
4. Mikhat chun Yain thangvahna aseileh donthei jouse ahoptha e itiu chu Coffee akihal noma chini neokhat agah bah nom jongleh thangvahna aseilou ding ahi.
5. Mikhat in Birkhat Hamazon, Yain adop puma asei a Yain chu birkhat hamazon aseijouva thangvahna “bore pere hagefen” aseiya, Reviit adona chujouva coffee adon nomleh, coffee thangvahna seithei na ding’a Meayin Shalosh (yan donjou thangvahna) asei doh got lou ding ahi. Ahin iti ham khat’a Meayin shalosh anasei doh khah a ahileh, coffee thangvahna asei ding ahi. Tua iseu uchu Birkhat Hamazon a Yain kimang ana don kha mipa kiseina ahin, adonlou ho ahileh vang ima boilouva coffee adon nomluleh thangvahna asei ngai ahi.
6. Mikhat chun Seudat (Lekhem jaona) pet a donthei tichu twi ahilouleh donthei dang dang (yain tailou) adon nomleh thangvahna “Shehakol” aseilou ding ahi. Hiche chungchang hi Seudat pet’a Yain dontoh akibangpon ahi, ajeh chu Yain in thupina anei jeh a Seudat sung hijongleh thangvahna “bore pere hagefen” akisei yin ahi. Hashem ginna neikhat in adang achah leh seudat sung’a twi adon ding, hoptha puma seudat masang’a “Shehakol” asei ding ahi. Ahin hichu adang achah leh tina bou ahin, adang achah loule vang, Seudat masang hijongleh twi thangvahna aseilou ding ahi. Hijeh a chu donthei dang tekahnan, Cola, Mitz ham twi khel a alah a thangvahna asei thei ahi. Ahin tua iseu ho chu Seudat pet’a twi kidon ho hoptha na ding’a bolding daan iseu u ahin, daan dungjuiya (me yikar hadin) a Seudat neh pet a twi ham, cola ham idon nomleh, thangvahna seilouva don jing thei ahi.
7. Mikhat chun Seudat sung donding ho hoptha dinga Seudat masang’a seidoh nomleh, ahet ding chu Reviit lhing adon got louding ahi, ajeh chu Seudat masang’a Reviit kidon chu Birkat hamazon in ahoptha-ahopthalou kinelna aumin ahi. Halakha dungjuiya Reviit anadon khah jongleh “Bore nefashot” aseilou ding ahi.
8. Seudat (Changlhah jaona) sung ham, ahilouleh Seudah jou ham (Birkhat hamazon masang) a mikhat in cha ahilouleh coffee adon ding leh thangvahna aseilouding ahi. Ahin aboipen chu Birkhat hamazon jouleh thangvahna “shehakol” sei thei na ding’a adon leh thil hoi ahi. Ahilouleh seudah sunga adon nomleh mithai ham khat alaha a cha ahilouleh coffee hoptha ding puma thangvahna “shehakol” asei jongleh thil hoi ahi. Chuleh mikhat chu seudah sung’a cha ham coffee ham anadon tajongleh, birkhat hamazon jouleh adon nom kitleh thangvahna asei ngai ahi.
9. Mi abangkhat in seudah (lekhem jaona) pet a khamar medina tichu Beer, Arakh, chuleh donthei adang dang ho thangvahna seiding, seilou ding kinelna aumjeh in, adon ji pouvin ahi. Ahin mikhat in seudah pet’a tua isei ho donthei ho adon ding leh thangvahna aseilouding, hinlah Wine vang thangvahna asei ngai ahi. Koi hileh kinelna akuona akivendoh nomleh Beer ahilouleh Arakh ham chu Seudah sung’a adonding hoptha ding tohgoma, Seudah masang’a thangvahna “shehakol” aseiding ahi. Tua isei uchu Yain jaolou na mun tina ahin, Yain auma thangvahna anasei levang, donthei jouse beer, Arakh chuleh adang jouse jong ahoptha ahitai.
10. Seudah (Lekhem jaona) a mi abangkhat in ann neh tuina ding’a ann neh petleh don ding’a Arakh ham ahilouleh Konyak ju ham ajaosah uleh, ann neh laipet’a adon ding jongleh thangvahna asei ngailou ahi, ahin khutsil leh lekhem thangvahna kikah sung’a ahilevang, Arakh/konyak ham chu don guot louding ahi.
11. Mikhat in Cake (ppat habaah bekisnin) 216 gm val aneh a ahileh, changlhah (Lekhem) ne tobang ahitan, hijeh a chu aneh pet sung’a twi adon noma ahileh thangvahna “shehakol” asei louding ahi, ajeh chu changlhah neh sung’a twi donna thangvahna kiseijilou tobang ahitai. Ahin, Cake chu 216 gm sang’a lhom aneh ding ahilevang, twi adon nomleh thangvahna “shehakol” asei ngai ahi.
Mikhat in Kuskus ahilouleh adang dang aneh a twi ahin don nomleh thangvahna asei ngai ahi. Kuskus thangvahna chu “Bore minei mezonot: ahivang’a, mikhat in 216gm val neh ding hijongleh “Mezonot” hiden nalai ding ahi. Hiche Kuskus chu Saa, anche ahilouleh adang dang toh akihal khom leh Kuskus chu apoimo ahijeh a Kuskus a thangvahna “Mezonot” aseiya adang akihalpi ho ahoptha ding ahitai.
13. Mikhat in Cake aneh a cha/coffee adon nomleh thangvahna “Shehakol” asei ngai ahi, ajeh chu Cake a thangvahna “Mezonot” asei chun cha le coffee ahoptha pon ahi. Cake le Cha amasang auma ahileh, Cake a thangvahna aseimasat ding, chujouteng cha a thangvahna aseiding ahi. Nehjou thangvahna ahilevang, Cake a bou “Meayin Shalosh - Al Hamikyah” aseiding, achadon chu asat’a ahilehvang, chondan dungjuiyin, donjou thangvahna “Bore nefashot” akiseipoi.
14. Mikhat in Cake ham aneh pet a twi ahilouleh juice ham, Reviit khat vei don’a adonlhah leh, adon masang’a thangvahna “Shehakol” asei ding keu hilouva donjouse thangvahna “Bore nefasot” jong asei ngai ahi. Hijeh a chu neh jou thangvahna aseiding tengleh Cake a “Meayin shalosh - al hamikhyah” asei masat ding chujouteng twi a don jou thangvahna “Bore nefashot” aseiding ahi. Ahin cake le theiga aneh le vang (Tichu anilhona Kazai lhing cheh aneh doh) neh jou thangvahna aseiding teng, theiga nehjou thangvahna “Bore nefashot” asei masat ding, chujouteng Cake a “Meayin shalosh - al hamikhyah” aseiding ahi. Iti ham khat a theiga nehjou thangvahna “Bore nefashot” asei masang’a Cake nehjou thangvahna “al hamikyah” ana sei masat leh, theiga nehjou thangvahna “Bore nefashot” jong ahoptha ahitan hijeh a chu theiga nehjou thangvahna “Bore nefasot” asei thei tahlou ding ahitai.
Yalkut Yosef - Siman -177
Hilkhot devarim habaim betokh haseudah(Seudah sung’a neh le chah adang ho dinmun daan)
1. Seudat (Changlhah jaona) sung’a neh le chah adang kine ho khu changlhah neh nading’a akithopi a apanleh tekahnan - Saa, Nga, Ahtui, Cheese ho chung’ah thangvahna akiseipon ahi. Hiche seudah sung’a kine thil hochu achangseh a akineh jongleh neh masang thangvahna hihen, nehjou thangvahna hileh, changlhah thangvahna in ahoptha ahitai. Changlhah thangvahna kisei pet a tua achung’a kisei neh le chah hochu imasang’a umlou hijongleh amaho chung’a thangvahna akiseipon chukeu hilouva seuda pet’a indang akuona tua kisei neh le chah ho chung kichoi lut hijongleh thangvahna akiseipon ahi.
Ahin neh le chah seudah pet a hung kichoi lut ho chu changlhah kithopi ding’a hung kichoi hilou - tichu changlhah toh kinehkhom ngailou tekahnan, Theichang (Teena), Grape (Anavim) chuleh theiga adang dang ahile vang neh masang thangvahna sei ngai ahi, ajeh chu changlhah thangvahna “hamotzi” in ahoptha pon ahi. Hinlah nehjou thangvahna vang, Birkhat Hamazon in ahoptha in ahi. Akihon tho neh le chah ahilevang, changlhah in ahoptha in ahi. Ahin changlhah in ahoptha neh le chah isei ho uchu, changlhah Kazait (27 gm) lhing ineh le bou tina ahi, hinlah changlhah Kazait lhinglou ineh leh ima ahoptha thei pon, thidang ineh ding ho chu thangvahna sei ngai ahi. Kichenna dung’a ann neh jou teng, Birkhat Hamazon sei masang, mipi hon Mounu leh Moupa kipasahna ding’a adokhang u adalhah teng uleh, ann vahihom hon dokhang chung alhem ngim uvin ahi.
2. Nehthei alhum - mithai, chewing gum, chuleh adang dang ho changlhah toh akinehkhom jilou jeh in, changlhah in ahopthei pon, hijeh a chu thangvahna sei ngai ahi. Neh jou thangvahna ahilevang Kazait (27gm) nehdoh jongleh Birkhat hamazon in ahoptha ahi. Ahin tua isei u nehmasang thangvahna changlhah in ahoptha theipoi, itiu chu changlhah toh akinehkhom louleh tina ahin, hinlah changlhah toh ineh tha ding levang amaho chung’a thangvahna seilou ding ahi. Hijeh a chu mikhat in changlhah toh mot aneh khom dingleh, Mot chaung’a thangvahna aseilou ding ahi.
3. Ahoipen a Seudat (Changlhah jaona) sung’a Cake ho neh got lou ding ahi, ajeh chu Cake thangvahna “Mezonot” ham ahilouleh “hamotzi” ham kinelna aumjeh ahi. Kinelna aumjeh a chondan a Cake thangvahna “Mezonot” kisei lou ahi, hijeh a chu Seudah sung’a mikhat in Cake aneh ding leh thangvahna aseilou ding, ahin aneh nom leh a bolding a hoichu “Hamotzi” aseiteng, Cake jong ahoptha guot ding ahi.
4. Khat in chondan a sabbathleh Kut jaan kiddush teng changlhah neh na ding’a khutsil masang teng thangvahna niseh a jakhat seiding suhbulhit na ding’a Saa, Nga, Ann adang dang chuleh theiga ho chung’a thangvahna asei jiuvin ahi. Koi hileh hitia bol chun kingapna ding anei uve. Hiche a hin, numei le pasal akikhehna aumpon ahi. Ahin, seudah maang ahijeh a Kazait (27 gm) lhing aneh khah lou na ding’a achih thei ten angaiye. Ajeh chu Kazait 27gm Seudah masang a akineh khah leh kinelna a kilut ahi, ahin itiham khat a Kazait lhing ana kineh khah tah leh neh jou thangvahna chu kinelna a umjeh in akisei pon, ajeh chu Seudah a changlhah nehjou thangvahna “Birkhat hamazon” in ana hopkhah thei ahi.
5. Iti ham khat’a Tu b Shvat Sabbath nikho a achuh khah leh, Tu B Shvat jana a neh le chah ahilouleh theiga kineji ho chu neh masang le nehjou thangvahna seithei na ding’a Birkhat hamazon jouleh neh ding ahoipen ahi. ahin theiga ho chu Sabbath Seudah sung’a akineh khah leh neh masang thangvahna bou akisei yin, neh jou thangvahna vang “Birkhat hamazon” in ahopthah ahi, changlhah neh na ding’a khutsil masang’a akineh khah leh ajouva iseina bang uva, Kazait (27gm) lhing neh guot lou ding ahi. Sabbath leh Kut nikho teng thangvahna jakhat seiding suhbulhit ahah jeh a theiga khat chu neh masang leh neh jou thangvahna seithei na ding’a “Birkhat hamazon” jouleh neh ding’a koidoh ding phal ahi. ahin nikho dang le vang, thangvahna jakhat seiding suhbulhit ahah lou jeh a Seudah sung’a thei umchu, Birkhat Hamazon jouleh seiding ahoipen a koidoh got louding ahi.
6. Mikhat in mainou ham, Tomato ham ahilouleh anche louhing adang dang akihonminsa hihen, akihon minlou hihelh, Seudat (changlhah jaona) sung’a aneh nomleh thangvahna asei angaipoi. Ajeh chu seudah sung ahijeh ahi, ahin hiche chungchanga kisei anche-louhing hochu ann neh jouteng, Kinukh Seudah (Dessert) a ding’a seudah sung’a ana kine tajongleh avela akineh nomleh, neh masang thangvahna sei ngai ahi - (tichu bore pere haadamah). Hijeh a chu mikhat in seudah kichai jou nung’a Kinukh seudah a ding’a mainou, changmai, khasa, ahilouleh anche dang aneh nomleh neh masang thangvahna “bore pere haadamah” asei ngai ahi. Changmai, Tomato chuleh anche dang dang ho chu Salad lah a ana jao tajongleh avel’a Kinukh seudah a ding’a akineh nomleh thangvahna asei ngai ahi.
7. Mikhat in thei, chini (Sugar) toh kihon khom Seudah jouva, Kinukh seudah teng aneh ding leh thangvahna “bore pere haetz” aseiding ahi. Hiche theiga toh Chini kihon khom chu thei chom chom chungga leh noiga akihal khom ahi a, mitmua lhe khen thei ahileh, chungga ho chu thangvahna “bore pere haetz” aseiya, noiga ho chu “bore pere haadamah” aseiding ahi.
8. Chondan dungjuiya mikhat in Seudah sung’a Olive ga aneh leh, changlhah toh nehtha hih jongleh thangvahna Olive ga a kiseilou ahi. Mikhat in Olive ga a thangvahna asei nomtahleh, alungsung’a aseithei aih. Abangkhat in Olive ga Seudah sung’a aneh masat pen ding khu changlhah toh anetha jiuve.
9. Ahoipen chu, seudah sung hihen, seudah chaijou hijongleh ice-cream neh kigot louding Birkhat hamazon jou tengjoh leh thangvahna sei puma (ice cream chu nehjoh ding ahi. /Ajeh chu Glida (ice cream) chung’a hi Seudah sung’a thangvahna seiding seilouding kinelna aumin ahi. Hijeh a chu nmikhat in Glida hi seudah anahe khah leh thangvahna asei louding ahivang’a seudah pet a nehlou ding ahoipen ahi.
10 Mikhat in Yain adon’a chujouva changlhah aneh leh Yain reviit ana dondoh jongleh Meayin shalosh aseilou ding ahi, ajeh chu Birkhat hamazon in ahoptha ahitai. Chuma bang’a chu mikhat in Cake aneh a chujouva changlhah aneh leh, Cake chu kazaith (27gm) ana neh doh jongleh Meayin shalosh aseilouding ahi, ajeh chu Birkhat hamazon in ahoptha ahitai.
DINEI ARBA PARASHIYOT
SHABBATH SHKALIM
1 adar Rosh Khodesh masang sabbath ahilouleh Adar Rosh Khodesh toh sabbath kituoh teng sefer Torah ni akiladoh in, Parashat Shekalim chungchan akisim jin ahi. Hou in theng (Beith hamikdash) ana din laiya chun Adar Tarik khat teng, Beith din hon Israel sung’a khopi jouse ah Khetzi Shekel (Half shekel) don pat ding in thupieh ana pejiuvin, mipi hon beith Hamikdash muna Khetzi shekel chu ahin choi jiuvin hiche ahin choi hochu Nisan lha apat a pumgo thiltuo na a ding’a amanjiu ahi.
Zekhor le Mekhatzit hashekel daan:
1) Khetzi shekel geldohna a sum ipieh tengleh chihthei ngai chu, Khetzi shekel a ding’a kipe ahi ti got louding, hinlah Khetze shekel Geldohna a kapieh ahi tia seijoh ding ahi.
2. Mikhat chu adinmun ahahsat behseh leh Khetzi shekel geldohna Khetzi Shekel (shekel kehkhat) bou apieh thei ahi.
2) Mijouse kum somni apat chunglam jousen Khetzi-shekel geldohna apieh dingu ngai ahi. Abangkhat in aseidan un, pasal kum 13 chuleh numei kum 12 apat chunglang jousen apieh ngai ahi, atiuvin, amaho sei bang’a daan khoutah a juiding hi aphai.
4) Numei hon jong Khetzi shekel geldohna apieh ding’u ngai ahin, chuleh chapang aneo ho a ding jong piehtha ding ahil hoitah ahi. Hijeh a chu amitakip in ain sung mijouse a ding puma Khetze shekel apieh tha ding ahi. Ahin ama a ding’a ahahsat behseh a ahileh ama a ding’a Khetzi shekel apieh a, a insung mite a ding’a ajothei chan apieh pieh ding ahi.
5) Hiche Khetzi-shekel geldoh na a paisa ho chu Torah kijilna mun, Yeshiva ho a pieh ding ahi, ajeh chu houin theng akisuhsiet jouva apat hashem in Halakha kijilna mun bouvah mun aneitan ahi.
6) Hiche Khetzi shekel geldohna sum kipe chu soma khat lhalo (monthly income) akuona kipetheilou ahi. ahin Khetzi-shekel geldohna sum ipieh chung’a ibelap nomleh soma akhat sum ho a belap thei ahi.
Yalkut Yosef - Siman -178
dinei hefsek ba seudah(Seudah sung’a hefsek chungchang daan ho)
1. Mikhat Seudah sung’a aumpet leh ahoipena Birkhat hamazon asei kah a pindan/room dang’a galut got louding ahi. Hiche midang dokhang chung’a amuse um hihenlang ahilouleh room dang’a alut tengleh kaki nungle kit ding ahi tin gel jongleh ahoipen a abollou louvin aphai, ajeh chu ajoukhat leh aneh na mun dalhaleh, Birkhat hamazon seiding ahin haimil khah thei diu ahi. Itihamkhat’a Birkhat Hamzon sei masang’a atouna mun adalhah khah leh ahung nung kile kit tengleh ann aneh jom nomleh thangvahna “hamotzi” athah sei kit angaipon ahi. Hichu, achang’a ann aneh hijongleh athah sei kit angaipon ahi, midang toh aneh khom ahideh deh leh, athah sei kit angaipoi.
2. Seudat (ann neh) sung’a ann kihonna mun a, itouna mun dalha a nehding domdoh ding’a potdoh phal ahi. Hiche chungchang a hi chondan dungjuiya kiddush leh seudah kikah teng an kihonna mun a neh le chah domdoh ding’in dokhang akidalha jin ahi. Chuleh lhambuh Kut (Succot) teng Seudat sung’a lhambuh a neh ding neh le chah ho insung’a galah na ding a, dokhang dalhah phal ahi. Hiche hi ahoipenna jong phal ahi.
3. Chung’a iseu u Birkhat hamazon sei kah’a ahoipenna Dokhang dalhah got lou ding itiu chu Mitzvah hilouva nehna Dokhang dalhah chungchang kisei ahin, hinlah Mitzvah bolna ding ahilevang ima aboipon ahi. Hichu Mitzvah chu aphat pel lou ding Mitzvah hijongleh phal ahi. Mitzvah aphat kipel ding ahilevang seilouva phal ding hetsah ahi, tekahnan, mithi nung (Levayah) juiding Mitvah ahilouleh Minyan lhing’a taona man ding, chuleh adang dang hijongleh ahoipenna ima boilouva Dokhang dalhah a gabol jeng thei ahi. Hichu achang’a dokhang a ann aneh hijongleh ima aboipoi.
4. Mikhat chu Seudah pet laitah a in pamlam a ahilouleh inn lutna kalbi (kheder madrigot) pam lama agapotdoh a, ahung kile tengleh ann neh ajomthei ahin, thangvahna “hamotzi” avelseikit angaipon ahi. changlhah (lekhem) Kazayit sang’a lhom (below 27gm) nedoh jongleh thangvahna “hamotzi” asei kit angaipon ahi. Ahin inn pam lang agapotdoh’a, ahung kile teng thangvahna “hamotzi” avelsei kit leh kingapna ding aneiyin, ima sei angai pon ahi. Ahin khut vang athah sil kit angaipon ahi. Thangvahna “hamotzi” seikit ding angai louva vang’in, ahoipen chu, velsei kit lou ding ahi.
5. Mikhat chun Seudah mun khat’a aneh a chomkhat jouva mundang khat’a ann aneh agajom leh, Birkhat Hamazon sei na ding’a Seudah ana patna mun a agakile kit angaipon, ann aneh chainamun a Birkhat Hamazon amanthei ahi. Hichu henasasa a abol hijongleh aneh chai namuna aman thei ahi. Ahin mun khat a aneh’a, mun chuom a Birkhat hamazon agaman ding ahilevang hithei lou ahi - tichu hena sasa a abol ahile, a ann nehna mun a kile a Birkhat Hamzon agaman ding, ahin, hetkhiel jeh’a abol got ahilevang, ann anehnamun a Birkhat Hamazon seina ding’a aga kile ding angaitapoi. Hinlah kile ngai hih jongleh, aga kile leh, kipaman amu ding ahi.
6. Seudah chaijou, birkhat Hamazon masang’a, mikhat in Kinukh Seudah (ann neh jouva theiga ham kine ji) a ding’a theiga ham aneh got’a thangvahna aseiya, chujouva theiga aneh chu room dang’a neh ding’a akichoilut a aneh muomleh, thangvahna aseikit angaipon ahi.
7. Neh-le-don adang dang ho neh jou thangvahna “Bore nefashot” kiseina ho ahilevang, neh jou na muna nehjou thangvahna “Bore nefashot” seitei tei ding ahipoi, tichu, idei dei na mun’a seithei ahi. chuleh Inehna mun a kuona ipotdoh leh, nehjou thangvahna seina ding’a inehna muna gakile ding angaipon ahi.
amasa banjom.
8. Mikhat chun nehthei ham Kazayit (27gm) lhinglou aneh a anehna muna akona pamlam a gapotdoh a akilat pras (minute 7) sung ahung nung kile kit a nehthei kazait lhinglou aneh chu kazayit lhinna ding’a aneh be leh, nehjou thangvahna sei na ding kigomkhom lhon (lhing) ahi.
9. Mikhat chun theiga khat chung a thangvahna aseiya aneh masang’a a inn pam lang’a achoidoh leh, abangkhat in inn pamlama achoidoh jeh’a chu thangvahna athah sei kit ngai ahi, atiuvin, ahin abangkhat in aseina uvah chun, in pamlang’a potdoh jongleh akhut’a achoi nalai jeh’a chu thangvahna asei kit angai pon ahi, atiuve. Hiche chung’a kisei chu insung’a pat a inn pamlang’a potdoh kisei na ahin, room khat leh room khat kikah ahilevang thangvahna athah sei kit angaipon ahi, ahin hiche jong hi ahoipen a bollouding ahi.
10. Mikhat chun nehthei amunei (tekahnan sunflower, maimu etc) ham khat a thangvahna aseiya pamlang’a akichoidoh leh, lampia nehding’a lunggel anei jeh’a chu pamlama choidoh jongleh thangvahna aseikit aganipon ahi. Ahin insung’a nehthei mu chung’a thangvahna aseipet’a chu pamlang’a choidoh ding’a lunggel ananei louva ahileh, pamlang’a apotdoh tengleh thangvahna athah sei kit ngai ahi.
11. Mikhat chun mithai ahilouleh chewing gum chung’a thangvahna aseiya aneh a pamlang’a apotdoh pi leh, mithai ahilouleh chewing gum chung’a thangvahna athah sei kit angaipon ahi. Hiche keu chu hilouva mithai adang jong akichoidoh tha a akama um chu aneh jou tengleh adang akichoi ho chu aneh nomleh, thangvahna athah sei kit angaipon ahi, ajeh chu mithai thangvahna asei pet’a chu adang akhut a achoi ho jong ahoptha ding’a lunggel anei jeh ahi.
12. mikhat chu aloikhat inn a kholjina aga chie na a neh le chah chom chom alhuna ten ahin choipieh uleh, neh leh chah chom chom ho chu neh masang’a thangvahna kibang ahi a ahileh thangvahna khatvei aseiya adang ho chu avel’a thangvahna aseikit angai pon ahi. Chukeu chu hilouva thangvahna aseipet’a chu neh le chah dang neh masang’a thangvahna kibang ho ahin choipieh ding u hoptha ding gel hih jongleh ai in neiten ahin chopieh teng uleh thangvahna asekit ngai pon ahi. Tu a isei u chu jin ho dinmun kiseina ahi, ahin jin hijongleh alhunna te inn a phatsot pi a uma adei dei phat leh alhunna te neh le chah ho chu ama dei dan a aneh thei ding ahilevang, jin chungchang daan le muol ama chung’ah aumtapon ahi.
13. Jaan a Torah jil khovah ho tekahna “shavot” ni jaan teng phat seh’a mikhat in cha (Tea) acon jing ding hijongleh thangvana “shehakol” khatvei aseileh avela hiche thangvahna chu cha khon dang adon ding ho chung’a avela aseikit angai pon ahi. Cha khon dang adon ding chu amasa a adon apat a nidan khat le keh val jongleh thangvahna avela asei angaipon ahi. Ahin ahoipen a chu thangvahna cha chung’a ase ten ghiche jaan a cha ahin choipieh ding ho jouse hoptha ding’a lunggel aneitha leh thil hoitah ahi.
Ahin tua isei u chu Beith knesset pam lang’a ga potdoh lou tiina ahi, ahin beith knesset pam lang’a agapotdoh ahilevang akinungle tengleh avela thangvahna athah sei kit ngai ahi.
Ahin mikhat chun “Meayin shalosh” sei na ding neh thei ahilouleh “Bore nefashot” seina ding nehthei aneh a amapan neh jom ding lunggel aneiya hinlah ajo khat leh aneh jouva apatna 72 minutes ahung val khah ding kichatna jeh a neh jou thangvahna “al hamikhyah” ahilouleh “bore nefashot” akisei doh leh, neh jou thangvahna seitajongleh aseina jeh chu neh jou thangvahna chaankhah lou na ding’a aseijeh a chu aneh kit ding teng avela nehmasang thangvahna aseikit angaipon ahi.
Yalkut Yosef - Siman -178
dinei hefsek ba seudah(Seudah sung’a hefsek chungchang daan ho)
amasa banjom.
14. Inpam lang’a natong ho, abangkhat teng twi adon jiuvin, mun khat bouva aumden lou jeh uva, twi adon jou teng uleh thangvahna “Bore nefashot” aseidoh ding u thil hoi ahi. Twi donna thangvahna “Shehakol” vang munkhat a aumlou jeh uva adon ding seh uleh thangvahna asei ngai u ahi. Ahin twi khon tamtah, khat khat a adon leh munkhat a aumjeh a chu akhon jouse chung’a thangvahna asei angaipon ahi.
15. Mikhat in thei khat chung-ga thangvahna aseiya aneh a aumna mun akhel louva, 72 minutes val jou nung’a avela aneh nomkitleh thangvahna avela asekit angaipon ahi.
16. Mikhat in twi ahilouleh donthei adang (juice) ham adon a chujouva cha (Tea) adon nom kit a, ahin adon masang’a “Bore nefashot” (twi donlou thangvahna) aseiya ahileh, Cha adon ding tengleh thangvahna “Shehakol” asekit ngai ahi. Hiche chung chang toh hin, thangvahna “Bore nefashot” sei theina ding phat apel khah ding kichatna jeh’a aseidoh toh akibang pon ahi, ajeh chu hiche chungchang a chu “Bore nefashot” seijou tengleh adon kit dingleh thangvahna “Shehakol” asekit angaipon ahi.
17. Mikhat in ann aneh Seudah laipet tah a Changlhah jaona taona ana manlou ahin geldoh leh, ann aneh angah a taona aman ngai ahi, ajeh chu taona man kah a ann kinetheilou ahi. Hiche chngchang a hin hefsek aumpoi, tidan chu taona aman chai tengleh ann aneh na ding thangvahna avela asei ngailou tina ahi. Chukeu chu hilouva Beith Knesset a taona agaman hijongleh ann aneh nah’a hefsek aumon ahi.
18. Seudah laipet tah (changlhah jaona) a dokhang chung’a mikhat ana imut khah a, akhahdoh jung nung’a a ann neh ajom nomleh hefsek aumpon, thangvahna vel sei louva ann aneh jom thei ahi. Ahin thangvahna avel sei ngailou hihih jongleh, akhut vang avela asil ngai ahi.
19. Mikhat Seudah sung’a aga pampot khahleh hefsek in akisimpon, a ann neh thangvahna avela seilouva ajom thei ahi, ahin khut akisil a thangvahna “Asher yatzer” vang asei ngai ahi, chuleh seudah sung’a mikhat in atahsa akisel lai sung akhut’a akhoi khah leh khut asil ngai ahi.
20. Torah jil ho hi abangkhat teng nehthei Cake ahilouleh theiga ho aneh jijiu chuleh Cha le Coffee adon jijiu ahin, thangvahna munkhat a seiya aneh jouva chomkhat jouteng Room dang a aganeh ji kit u ahi. A ipi hileh room le room kikah hijongleh building khat nuoi ahijeh a thangvahna avela athah sei kit u angaipon ahi.
21. Mikhat adang achah a twi thangvahna aseiya, chujouva donjou thangvahna “Bore nefashot” asei jou teng avela twi adon nom kit leh thangvahna “Shehakol” asei kit na ding’in, adinmun in akingam in ahi, tidan chu thangvahna “Bore nefashot” asei jeh a chu 72 minutes (neh le don jou thangvahna seiphat sung) aval/apel khah ding kichat najal jeh a asei ahileh, avela twi adon nom kit tengleh thangvahna asei kit angai pon ahi. Ahin thangvahna “Bore nefashot” asei jeh chu 72 minutes aval khah ding kichat najal jeh hilou ahileh, avela twi adon nom kit teng thangvahna avela aseikit ngai ahi.
Yalkut Yosef - Siman -179
Hisiakh de-ath ba seudah(Seudah sung’a ann neh chaina lunggellhah na chungchang daan ho)
1. Mikhat chun Seudah (Lekhem jao) aneh jouva khutsil achaina (Mayim akharonim) abol a ahileh, birkhat hamazon asei kah a ima aneh dingleh adonding phallou ahi. Zimun a “Hav lan Vanivrik” asei a ahileh Hesiakh de-ath a akisim tan, ima adon ding phallou ahitai, ahin adon nomleh thangvahna aseiya don ngai ahi, hinlah tua kisei donchungchang ahin, neh chungchang tichu, a ann neh ajomnom levang thangvahna seilouva aneh thei ahi, hijeng jongleh alunggel a thangvahna aseiyin aphai.
2. Birkhat Hamazon a Tehillim “Shir hamalot Beshuv hashem” mikhat in asei a jongleh a anneh ajom thei nahlai ahi, hiche a hin Hesiakh de-ath aumpon ahi.
3. Mikhat in birkhat hamazon aseijouva khutsil ngai ho (Tibolu ba maske) thil aneh nom a ahileh - mi abangkhat in changlhah neh masang’a khutsilna chu anganse thei ahi, atiuvin, ahin abangkhat in athah sil kit ngai ahi, atiuve. Ahoipenna athah sil kit ding ahin, hinlah asil louva ahijongleh kingapna mi anei yin ahi.
Yalkut Yosef - Siman -180
Dinei Perurei hapat - changlhah halneo ho daan
1. birkhat hamazon seichai kah a changlhah halneo ho suhtheng got louding ahi, ajeh chu koi hileh adokhang chung’a changlhah halneo khat jong umsah lou chun vangbohna akimu ngaipon ahi. Hijeh a chu dokhang chung’a kuong sung ham khat’a changlhah halneo koiding thil hoi ahi.
2. Ahoipena birkhat hamazon sei kah’a Chi jong dokhang chung’a lahdoh got louding ahi, hiche chu maicham chi jaona in chonsiet asuhdam vetsahna ahi.
3. Changlhah Kazait sang’a neo (27gm sang’a lhom) suhmang ding phal ahivang in, koi hileh asuhmang a chu genthei hahsatnan alhunkhum ding ahi.
4. Chondan dungjuiya, Birkhat hamazon akisei teng dokhang chunga chemcha aumkhah leh akikhukhum jin ahi, hiche chungchang a hi mi abangkhat in chemcha chu plastic akuona kisiem hijongleh akhukhum jiuvin ahi. Sabbath le kut nikho teng levang birkhat hamazon teng dokhang chung’a chemcha umjongleh, chondan dungjuiin akikhukhum pon ahi.
Yalkut Yosef - Siman -181
Din mayim akharonim(Khutsil chaina daan)
Mayim Akharonim: Mayim akharonim kiti hi Birkhat Hamazon seimasang’a khutsil achaina kibol khu ahi. Hiche hi akibolna jeh chu ahileh, masanglaiya ann neh dokhang chung’a chi ana man ji uchu Melakh sedomit - Sodom gam akuona chi ana hhi in, koi hileh mikhatin hiche melakh sedomit chu amit sung’a alutsah khah a ahileh amit chothei ahi. Hiche akuona chu khutsil (Mayim akharonim) hung potdoh ahi.
1. Birkhat Hamazon seimasang’a khutsil (mayim akharonim) hi boltei tei ngai ahi. tulai khang’a Sodom gam akuona chi (melakh sedomit) aumlou tah vang’in, hiche khutsil, mayim akharonim hi kibol nalai ahi, adieh set’a ann nehna a ikhut athienglou leh bol ngai ahi.
2. Numei ten jong Mayim akharonim abol dingu ngai ahi. Abangkhat in hiche Mayim Akharonim hi bol angai tapoi atiuvin, hinlah daan dungjuiya pasal bou hilouva numei hon jong abol dingu ngai ahi. Chuleh chapang kum lhing nailou ho jong, kijilna/kihilna ding’a Mayim akharonim bolsah ding ahi.
3. Mayim akharonim twi kisunlhah na mun a lhagao phalou aum denji jeh in, Leivui chung’a bol lou ding, lhengkam ahilouleh kuong sung’a a bolding ahi. Ahin hiche kuong sung’a bouva bol thei di tina ahipon, kuong sopna (Sink) sung’a jong mayim akharonim bolthei ahi.
4. Mikhaat chun Mayim Akharonim bolding ana haimil khah tah a, Birkhat Hamazon aseilaipet tah a ahin geldoh a ahileh, akhut chu a ann nehna akuona athenlou ageldohna mun a chu paopoh louva Mayim Akharonim abol ding ahi, hinlah akhut chu athien a ahilevang, Birkhat hamazon sei jou teng le Mayim Akharonim chu abol ding ahi.
5. Twikuong (jahaz) chung’a khuoljin khat in, twi chung’a akitolna a vadung ahilouleh twikhanglien chung’a Mayim Akharonim abol den thei ahi.
6. Ajoulang a isei u, Mayim Akharonim, Kuong sung’a bolthei ahi, itiu chu lhagao phalou kuong sung’a aumden ding ginmona ima aumpon, chuleh Kuong sung jong chu hoisel a soptheng’a manthei ahi. Mayim akharonim kibolna twi kuong sung’a um chu mipi lamjotna mun a jong bohlhah ding phal ahi.
7. Koi hileh dokhang noiya Mayim akharonim abol khah a ahileh, kingapna ding mi aneiyin ahi, ajeh chu koiman dokhang noi, akeng’a alhokhapon, chuleh insung akijut thieng teng jongleh dokhang noi hojong akijut thieng tha ji in ahi.
8. Twisa (Yad soledet bo - khut a thamthei chan’a sa) a Mayim akharonim khut sil bollou ding ahi.
9. Mayim Akharonim hi ibol tengleh, ikhut cheeng anina chan soptheng ding ngai ahi. Abangkhat in Zohar dung juiyakhut jung chan asop jiuvin, hiche hi thil hoitah ahin, adieh a akhut nen ho a dinga, chuleh Mayim akharonim a hin khut khatvei bou khut jung akisop in chuleh khon khel-khel mang’a sop angaipon ahi.
10. Daan dungjuiya Mayim Akharonim akibol jou teng leh khut thehgot ding angaipon, hinlah itheh got leh thilhoi ahi.
11. Ahoipen a khut isil jou tengleh ivon chung’a theh louding ahi, ajeh chu von chung’a khut then hin thil haimilbaina mihiem pa chung’a ahinpolut jin ahi.
12. Mayim akharonim bolna’a twi haman lou na ding’a chih thei ten angai in ahi, ahin mikhat chu a ann nehna akuona akhut athen louleh, Mayim akharonim nabol masang’a akhut hoitah’a akisopma, chujou teng twi themkhat mangcha a Mayim Akharonim abolding ahi. Aipi chu hileh, akhut jung chan vang asop ngai ahi.
13. Mayim Akharonim ibol teng leh ikhut jung noilang ngatsah a sopding chuleh mipi ho lah’a alenpen in Mayim akharonim abol masat pen ding ahi.
14. Mayim akharonim bolna a, thangvahna akiseipon ahi, chuleh abangkhat in Mayim akharonim abol pet teng uleh “Mayim akharonim Khvah” ahilouleh “Yakhid ve rabim halakha ke Rabim” tin aseijiuve.
15. Mayim akharonim a ding a twi aumlouleh, Yain (wine) tailouva thildang donthei jouse manthei ahi. Abangkhat in khon sung’a twi idon moh a Mayim akharonim bolthei ahi atiuve.
16. daan dungjuiya Birkhat hamazon isei tengleh Dokhang chung’a Mayim akharonim twi iman sa chu koi den thei ahin, hijengjongleh ahoipen chu, lahdoh ding ahilouleh aning langkhat a tundoh ding ahi.
17. Mayim akharonim boljou apat Birkhat hamazon isei chai kah’a paolou ding ahi, ajeh chu Mayim akharonim le Birkhat hamazon kaimat ngai ahi.
18. Mikhat chu (koima chung’a chuhda tantin) a insung mi khat, a pul a dou ngai ho khat bei tahen lang, athi luong kivui nailou hihenlang, hileh, daan dungjuiya bolding thupieh jouse akuona kikangse ngai ahi, tichu neh masang, nehjou thangvahna ima asei phallou hijeng jongleh Mayim Akharonim vang abol tei tei ngai ahi.
Yalkut Yosef - Siman -182-183
Din kos birkhat hamazon(birkhat hamazon seina ding’a wine khon chungchan daan)
1. Tulai khang’a mun atamjo a mi thum in changlhah aneh khom uva Zimmun abol u ngai hijongleh, Birkhat hamazon seina ding’a Wine akimangtapon ahi. Hijeng jongleh koi hileh Birkhat hamazon seina ding’a Wine mang’a chun vangbuohna akimudiu ahi. Ahin tua isei uchu mithum kiseina ahin, mikhat ahile vang, Zohar dungjuiya bol phallou ahijeh in, bollouvin aphai. Ahin achang hijongleh birkhat hamazon seina ding’a Wine aman nom tinten a ahileh, Birkhat hamazon asei teng, Wine chu dokhang chung’a akoiya (akhut a adoplou ding) Birkhat hamazon aseijou teng,Wine chu adop’a thangvahna (Bore peri hagefen) aseiya adon ding hitia chu abolthei ahi.
2. Birkhat hamazon seina ding’a kimang chu wine bou ahitheiyin, ahin thei twi dang donthei ho ahilevang akimang theipon ahi.
3. Hiche Birkhat Hamazon seina ding’a Wine kimang chu Pagum tichu aki donmoh ahilouleh akidonsa hilou ding ahi. Iti hamkhat’a akidonmoh ahikhah leh wine sunbe a chujouteng manthei ahi. Wine chu akhon a kuon a neokhat idon teng Pagum ahi jitai, hinlah ikhut phang ham ahilouleh khon dang khat a neokhat isunlhah le vang PagumI ahipon, manthei ahi.
4. Birkhat Hamazon seiding kon teng Wine khon chu khut lang ni a akisan ding, Birkhat hamazon ahin seiphat teng khon chu jetlang khut’a adop ding (veikolong mi hon veilang’a adop ding’u) Zohar dungjuiya ahileh veikolong hon jong jetlanga adop ding’u ahi, ahin, iti hamkhat a Birkhat Hamazon sei pet laitah’a jetlang a adop jeh a wine ahin bohkhah ding ginmona aneiya ahileh veilang’a apieh son thei ahi.
5. Ahoipen chu Birkhat hamazon sei sung se a wine khon chu adop den ding ahi.
6. Abangkhat in asei un, chondan dung juiy a Birkhat Hamazon sei masang teng Wine khon sung’a twi neokhat asunglut jiuvin, Brakha ninah (Birkhat ha-aretz) a Uberakta eth.. mun aphah teng uleh avela twi neo khat asunglut kit jiuvin ahi.
7. Birkhat Hamazon seina ding’a khon chu paper, plastic a kisiem hijongleh manding phal ahi, chuleh disposable cup (khad pamit) jong manding phal ahi. Manphal hijongleh khon hoidom khat a manding thil pha ahi.
8. Phalbi lai leh alhangpia mijouse khut tom ikitom jiuvin, ahin Birkhat Hamazon seiding teng levang ikhut a Wine khon igoptheina ding’a khut tuomlah doh ding ngai ahi.
9. Birkhat Hamazon seina ding’a khon kimang chu abal, akeh, achip chuleh Pagum hilouding ahi.
SIMAN 183 - BIRKHAT HAMAZON SEIDING DAAN
1. Mikhat in birkhat Hamazon asei masangleh “Torah akuon thupieh kasuhbulhit ding ahi” tia agel ngai ahi, ajeh chu Mitzvoth bolna ding’a kavana pieh ngai ahi. Ahin chung’a kisei pa ama gellou tah a ahijongleh, thupieh asubulhit in ahi.2. Birkhat Hamazon sei pet leh, chithei ngai chu, pao louding, thildang gel’a thipchet a umlouding, chuleh imanchai kahse a mantheilou thu jong seilouding ahi. Chuleh HarakhamanI isei sung se a jong dan dungjuiya paophal ahijeng vanga, ahithei chana mantheilou thu seigot louding adieh set’a Birkhat Hamazon chu Wine mang’a asei a ahileh, achihthei ngai cheh in ahi. Ahin Kaddish ahilouleh Kedushah ho hi harakhaman sung’a ijah a ahilevang donbut ding ima aboina aumpon ahi.
3. Mikhat in Birkhat Hamazon aseilai tah’a ana imulhu tahenlang chomkhat jouvin hung khang doh kit a, hoilai mun aphah hitam ti ahaimil a ahileh, aginmona brakha aphah lai chu avela athah seikit ding ahi. Vetsahnan, thangvahna masapa asei aseilou ahetchet louleh, avela hiche thangvahna apat’a chu athah sei kit ding, iti ham khat a thangvahna masapa chu aseichai ahi ahet’a, thangvahna anina (birkhat ha aretz) asei-aseilou ahetchet louva ahileh, thangvahna anina apat aseijom ding ahi.
4. MARAN Shulkhan Arukh in asei bang’a mijouse ama le aman achangcheh uva Birkhat Hamazon amanding u ahin, Khat le khat kihuoptha tuo bol got louding ahi, ajeh chu Birkhat Hamazon asaojeh a midang akuona kihoptha sah ding ahahsat jeh a, ahoipen a amitakip in ama changcheh a akisim diu ahi.
5. Mikhat chun “Birkhat hamazon” ahiloulhe “Meayin shalosh” asei laipet ta’a “Kaddish”, “Kidushah”, “Barkhu” kisei ajah a ahileh taona “Shemonah Esrei” pet a ima donbut ding phallou ahibang’a amapn jong adonbut ding phallou ahi. Ahin birkhat hamazon thangvahna alina “Hatov hametiv” asei pet’a achung’a kisei ho ajah a ahilevang, adonbut thei ahi. Chuma bang’a chu mikhat in thangvahna sao ho tekahana “Asher yatzar” “Bore nefashot” ahiloule “Elokei Neshama” asei laipet tah’a “Kaddish” kisei ajah a ahileh adonbut thei ahi, ahin hichu “Barukh atta H’ elokeinu melekh haolam...” seijouva athangvahna neokhat aseijom pet donna ahin jah’a ahile adonbut thei tina ahin, hinlah thangvahna “Barukh attah H’ elokeinu” aphah pet laitah a “Kaddish” “Kedushah” le “Barkhu” ahin jah a ahilevang adonbut ding hithei lou ahi. Thangvahna chom ho chung ahilevang hoilai mun aphah lai pet tah a achung’a kisei ho hin jajongleh adonbut theilou ding ahi.
6. Mikhat chun “Birkhat hamazon” asei don but laipettah a Torah miching (khakhamim) ahiloulehtehse khat a room sung’a ahunglut lah’a adin ding angai ahi, chuma bang’a chu anu le apa ham Birkhat hamazon asei laipet tah’a ahunglut amuleh din ding, atouna mun u alhun teng ule bou touthei ahi. Nule pa mu pet’a din ding thupieh hi 128 meter gamlha a kuona imu teng leh din tei tei ngai ahi.
7. Mikhat chun changlhah “Lekhem” adin puma aneh ham ahilouleh atou puma aneh hijongleh “Birkhat hamazon” vang tou puma asei tei tei ngai ahi. tou pum hijongleh ki-ngai on puma Birkhat hamazon sei got lou ding, hitobang chu mikiletsah umchan ahin, chuleh lampi jot pet puma Birkhat hamazon sei din jong phallou ahi. tua isei u Birkhat hamazon daan bang’a chu “Meayin shalosh” isei teng jongleh tou ngai ahi.
8. Daa dungjuiya birkhat hamazon isei tengleh lukhuh (Kova) le Coat von teitei ding angailou vang’in chondan ijui leh thil hoi ahi.
9. Birkhat hamazon sei puma natoh bolding phallou ahi, hijeh a chu Birkhat Hamazon iseipet tengleh dokhang chung’a kuong le lheng ho suhtoh lele bol louding ahi. Hiche chu brakha alina pa (hatov vehametiv) isei teng jong leh ima bollouding tihl hoi ahi. Ahin iti ham khat’a mikhat in Birkhat hamazon asei pet’a dokhang chung’a thil umho asuhtoh a ahileh ahoipen ahilouvang’in birkhat Hamazon seiding thupieh asuhbulhit in ahi, ama chung chang hi Jukham khat in Birkhat hamazon amantoh akikhehna aumpoi.
10. Abangkhat in birkhat hamazon a “Harakhaman” asei teng uleh dokhang adalha jiuvin hitia kibol chu thil hoi ahipoi, achain “Oseh shalom” chan isei chai kah’a dokhang dalhah louding ahi, ahin, iti ham khat’a mikhat a Torah jil na ding’a akino a ahilevang mundang “harakhaman” asei jomg ding phal ahi.
Siman 184
Din Levarrekh Birkhat Hamazon Se akhal ve Hamesupak im Birek Birkhat hamazonNehna muna birkhat Hamazon sei toh Birkhat Hamazon seina’ a boina Daan
1. Mikhat in mun khat’a changlhah aneh a mun dang a akichondoh masang’a anehna mun’a “Birkhat hamazon” aseidoh ngai ahi. Henasasa a anehna mun akuon Birkhat Hamazon sei masang’a mun dang’a akichondoh a ahileh anehna muna kinung le a Birkhat hamazon asei ngai ahi. Ahin kinungle louva Birkhat hamazon aseiya ahijongleh thangvahna seiding asuhbulhit in ahi. Tua kisei chu henasasa a abol chungchan kiseina ahin, hinlah helouva anehna mun a Birhat hamazon sei msang’a mun dang’a akichondoh a ahileh, ahin geldohna muna chu changlhah ana nei nahlaiya ahileh Kazait (27 gm) aneh a Birkhat Hamazon aseiding ahi. Ahin changlhah Kazait anei louva ahileh, avela ana nehna muna kinungle kit ngailouva, ahin geldohna mun joh a chu Birkhat hamazon thangvahna asei ding ahitai. Hinlah kinule kit ngai hih jongleh ama akiham bola ananehna mun a thangvahna sei ding’a akinung le kitleh, achung’a vangbuohna lhung ding ahi.
2. Mikhat in Cake ham ahilouleh Israel gama theiga ho aneh khah leh, ahoipen a chu, thangvahna Meayin Shalosh chu aneh namuna aseiding ahi. Ahin iti hamkhat’a aneh na muna nehjou thangvahna Meayin shalosh asei masang’a mundang apotdoh a ahileh, aphahna muna chu thangvahna Meayin shalosh aseithei ahin, avela anehna muna thangvahna seiding’a akinungle kit angaipoi. Hinlah henasasa a abol a ahileh daan dungjuiya kinungle kit ngai hih jongleh, akinung le kit a thangvahna Meayin shalosh aneh na muna agasei ding chu thil hoi ahi.
hapta masa banjom..
3. Mikhat chun changlhah anehva a Birkhat Hamazon asei aseilou ahetchet louva ahileh, Birkhat Hamazon asei ding ngai ahi, ajeh chu aneh va jeh a chu Torah a kuona thangvahna asei ngai ahitan, Torah akuona thupieh ahijeh in, isei/iseilou hetchet lou leh sei ngai ahi. Ahin Birkhat Hamazon a thangvahna alina (Birkhat ha tov vehametiv) khu Derabanan ahijeh a Birkhat Hamazon asei aseilou ahetchet louva asei ngai ahi tengleh thangvahna alina aseilou ding ahi. ajeh chu Derabanan ahiteng, isei/isei lou akihetchet louva ahileh kisei ngai talou ahi. Hijeng jongleh alung gel'a asei thei leh thil hoi ahi, ajeh chu lunggel a thangvana seina Brakha Levatala ginmona aumpon ahi.
4. Mikhat chun changlhah Kazai (27 gm) aneh a Birkhat Hamazon asei aseilou ahetchet louva ahileh, asei lou ding ahitai. Ajeh chu(kazait neh jongleh) Birkhat Hamazon asei ding kiti hi Derabanan ahitah jeh 'a Derabanan ho a isei iseilou hetchet louva ahileh kisei lou ahitai.
5. Mikhatchun chanlhah Kazai (27 gm) leh nehthei dang ho aneh a, ama chu nehthei dang aneh jeh akuona aoiva ahi a, Birkhat hamazon aseiaseilou ahetchet louva ahileh, asei ngai ahi, ajeh chu changlhah kazai bou nejongleh, thildang ho aneh akuona oiva jeh a Birkhat Hamazon aseiding hi Torah akuon thupieh ahitan, asei asei lou ahetlou leh asei ngai ahitai. (hinlah thangvahna alina pen aseilou ding ahi)
6. Mikhat in Cake (216 gm) aneh ding'a ahileh neh masang'a "hamotzi" leh nehjouva "Birkhat hamazon" asei ngai ahi. Hiche Cake aneh nah akuona amapa chu oiva ahin, Birkhat hamazon asei aseilou ahetchet louleh, achung'a iseima bang uva, aseingai ahi.
7. Mikhat chunc hanglhah anehva'a, ahin ama chu adangchah lhehvang'a twi adon louva ahileh, abankhat in Birkhat Hamzon asei ding chu Torah akuon ahipoin, Derabanan akuon joh ahi, atiuvin, hinlah daan dungjuiya (Beith Yosef) in Birkhat Hamazon asei ding hi Torah akuon thupieh ahinalaiye ati. Hijeh a chu changlhah anehva a dangchah jongleh twi adon louva abana Birkhat hamazon asei aseilou ahetchet lou jongleh asei ngai ahi.
7. Mikhat chun changlhah aneh va a adang chah vang'a twi adonlouva birkhat Hamazon asei a hiche jouva twi adon leh abangkhat in avela Birkhat Hamazon asei kit ngai ahi atiuvin, ahin daan dungjuiya vang avela asei angai kitpon ahi, aipi chu hileh ahoipen a kinel a lutlou ding ahi.
9. Mikhat chun changlhah aneh va a birkhat Hamazon aseiya, chomkhat jouva avela changlhah kazai aneh kit a aoiva kit, ahin birkhat hamazon asei asei lou ahetchet louva ahileh, ase kit ngai ahi. Hibang'a chu mikhat in changlhah kazait aneh a Birkhat hamazon aseiya, chujouva changlhah kazait ma aneh kit, ahin anina chung'a vang kazait a bou aneh vang'a amasa ananeh chun amapa chu avasahjoh a, chujouva birkhat hamazon asei aseilou ahetchet louva ahileh, aseingai ahi.
10. Mikhat chun changlhah anehva a birkhat hamazon asei aseilou ahetchet lou, ahin ajinu in birkhat hamazon aseitai tia ahinseipieh leh, asei ngai tapon ahi.
11. Mikhcat chun changlhah aneh va a birkhat hamazon asei aseilou ahetchet lou, hinlah achapa aneo khati n asei tai tia ahin seipieh leh, achapa chu jouse ngailou ahi'a, ahilouleh melchihna Mayim Akharonim ham ana bol ahet a ahileh, asei angaipon ahi.
Yalkut Yosef Siman 185
Paratei Dinim Birkhat Hamazon(birkhat hamazon daan chuomchom)
1. Koi hileh Birkhat Hamazon chingthei tahá aseiya ahileh, neh le chah ahin lai sungá anei ding ahi. HIjeh a chu Birkhat hamazon isei tengleh ahithei channa mulouva seigot hilouva, akijihna lekha akuona seigot ding chuleh athucheng iseidoh ho het guto ding thil hoi ahi.
2. Birkhat Hamazon hi ihetna pao jouse a seithei ahi, hijeng jongleh paothieng (Ivrith) a seiding mitzvah ahi.
3. Birkhat Hamazon iseitengleh ikam a isei doh ho inakol in ajah ngai ahi, ahin iti ham khatá mikhat in Birkhat hamazon asei a anakol in ajah louleh, ahoi pena vang hilou (Bediavad) a asuhbulhit ahi, avela athah sei kit ngai pon ahi.
4. Mikhat adamlou jeh a awgingá Birkhat hamazon seithei ding dinmuna aumlou jeh ham khatá, birkhat hamazon alungsungá anasei khah a phat chomkhat jouva awgingá seithei ding dinmuna ahung um j ongleh, avela Birkhat Hamazon awgingá asei kit angaipon ahi. Hitobang ma chun nehjou thangvahna Birkhat bore nefashot tobang lunggila mikhat in anasei khah a ahileh avela awgingá aseikit angaipon ahi. Hinlah tua isei ho uchu nehjou thangvahna chungchang kiseina ahin, neh masang thangvahna ahile vang, lunggila inasei khah leh “Barukh shem kevon malkhutho...”seiya chujouteng leh awging’a neh masang thangvahna athah seikit ding ahi.
5. Birkhat Hamazon a thangvahna li aumin, amasa thum ho khu Torah akuona ahiuvin, khat le khat kiguijop ahiuve, tidan chu mikhat in abona athuma ahetlouva, thangvahna masap Birkhat hazan bou ahet a ahileh, hiche thangvahna ahet bou chu aseitheilou ding ahi. Ahin, thangvahna athum masa ho sese ahet’a, thangvahna alinapen “Birkhat hatov vehametiv” bou ahetlouva ahileh, thangvahna thum masa ho sese bou chu aseithei ahi. Chuleh thangvahna li house ahet’a Harakhaman ho bou ahetlouva ahileh, aseithei ding hetsa ahi.
6. Birkhat Hamazon a thangvahna li aumjouse, akiguoltoh dung juiya sei ngai ahi. HIjeh’a chu mikhat in thangvahna li jouse ahet a ahijongleh, akiguol dan hoiche masa ding hoiche nukhah ding ahetlouva ahileh, Birkhat hamazon aseithei lou ding ahi. Iti ham khat’a akiguoltuoh dungjui hilouva anaseikhah tah’a ahijongleh, Birkhat Hamazon seiding asuhbulhit pon ahi.
7. Insung’a Birkhat Hamazon seithei lou mi aumleh, aseithei khatin Birkhat hamazon gingtah’a aseiya, asei teng midang hoptha ding’a kasei ahi tiaagel’a, chuleh angai hon jong Birkhat Hamazon seiding thupieh suhbulhitna ding’a kangai ahi, tia agel uva, hoitah’a birkhat hamazon kisei chu apat pat, achaichan angailhah diu ahi. Ahin ahithei channa Birkhat Hamazon seithei lou hon jong aseithei na diuva kijil diu thil hoi ahi.
8. Insung’a jun le Eh aum a ahileh, hiche ho masang’a chu Birkhat hamazon seigot lou ding ahi. Iti ham khat’a mikhat in hetkhel jeh’a anasei khah a ahileh, Birkhat hamazon seiding thupieh asubulhit in ahi.
9. Mikhat in jaan a Kiriat shema sei masang’a changlhah aneh a ahileh, Kiryat Shema asei masatna chujou tengleh Birkhat hamazon aseiding ahi. Ahin tua isei uchu changlhah aneh kuona ava a ahileh, tina ahin, hinlah changlhah Kazait (27 gm) bou aneh a ahilevang, adei joh joh - Kiryat shema ham Birkhat hamazon ham aseithei ahi, chuma bang’a chu Omer ana sim ngailou ahileh, adei johjoh asei masat thei ahi. Hijengjongleh Omer simding ahaimil khah thei ahijeh’a chu Omer joh asim masat a chujoutengleh Birkhat hamazon asei a ahileh ahoipen ahi.
10. Mikhat in Birkhat Hamazon asei laidon tah’a Birkhat Hamazon ana sei chaisa ahi, ahin geldoh a ahileh, apet pet’a Birkhat Hamazon asei chu angah ngai ahi. Chujou tengleh Barukh shem kevod malkhutho leolam vaed tia asei paiding ahi.
Yalkut Yosef Siman 186
Ha Khayavim be Birkhat Hamazon(birkhat hamazon sei ding ho chung’a daan)
1. Numei ten jong Birkhat hamazon asei ding’u ngai ahi, ahhin hiche birkhat hamazon asei ngai u chu Torah akuona ham Khakhamim (derabanan) te akona ham kinielna aumin hijeh a chu insung’a mipa ham ahilouleh achate ham in changlhah aneh va uva tahsa damlouna jeh’a Birkhat Hamazon seitheilou ding dinmuna aum uva ahileh, insung minu in amaho chu Birkhat hamazon a ahoptha thei ahi.
2. Numei ten jong birkhat hamazon akijih bang’a asei ngai u ahin, hijeh a chu Siddur abangkhat’a Birkhat hamazon chomcha kijih ho aman theilou diu ahi. Birkhat hamazon a Harakhaman hokhu birkhat hamazon thangvahna in akisimpon hijeh a chu minute insung’a chate vetkol na ding’a aboival uleh, Birkhat hamazon a Harakhaman ho khu achopkhup thei u ahi.
3. Numei athen lou phat (Nidah) teng jongleh birkhat hamazon asei ngai ahi, ajeh chu Torah in buohna alapoi.
4. Numei khat in changlhah aneh va a phat chomkhat jouva birkhat hamazon asei aseilou ahetchet louova ahileh, birkhat hamazon asei theilou ding ahi. Ajeh chu numei ten changlhah neh va jong leh, adinmun u Derabanan akuon ahijeh in asei/aseilou ahetchet louva ahileh, Safek derabanan la kula - tichu derabana a aboi uleh daan akhoulang hilouva abailam joh a vet ngaiya, aseilou ding ahi. Hijeng jongleh alungsung uva asei ding uvin aphai. Ahin midnag birkhat hamazon seiding khat auma ahileh, ama dinmun chu asei aseilou ahettah loujeh’a midang birkhat hamazon sei ding pa akihoptha sah leh thilpha hiding ahi.
5. Numei khat le pasal khat in changlhah aneh va lhona, numei nu in pasal pa chu birkhat hamazon seina ding ahoptha leh, ahoipena vang hilou (bediaved) a ahoptha thei ahi, avela pasal pan birkhat hamazon aseikit angaipoi. Tua kisei chu numei nu in birkhat hamazon alhing keiya aseileh tina ahin, hinlah birkhat hamazon achompa asei ahi le vang, birkhat hamazon seiding asubulhit pon ahi.
6. Chapang khat in changlhah Kazait (27 gm) aneh doh a ahileh, Khakhamim te akuona birkhat hamazon hi kijilna tobang’a aseiding ngai ahi. Mi pilhing khat in changlhah aneh va a ahileh, birkhat hamazon aseiding chu Torah akuon ahitan, hijeh a chu chapang khat in changlhah aneh va jongleh adinmun chu Derabanan te akuon ahijeh a mi pilhing pa chu ahoipen a birkhat hamazon a ahoptha theilou ding ahi. Ahin tu akisei chu mipi lhing pa chun changlhah aneh va leh tina ahin, hinlah changlhah kazait ham khat ana neh a ahilevang chapang, changlhah neva pa chun mi pilhing pa chu ahoptha thei ahitai. Hinlah anigel lhona changlhah kazait aneh lhona ahileh, achang chang lhona akisei hon ngai ahitai. Hijengjongleh adinmun hon ahahsat behseh a ahileh, chapang pan jong mi pilhing pa chu ahoptha thei ahi.
7. Chapang kum 13 leh NIKHAT lhing khat in changlhah anehva a ahileh, alienjo, changlhah neva khat daan dungjuiya ahoptha thei ahitai. hijeng jongleh abangkhat in ahoptha sah da in aphai, tin asei uve. Ahin alenpan changlhah kazait bou ananeh a ahilevang, ahopen a jong chapang kum 13 le nikhat lhing pan ahoptha thei ahi.
8. Mikhat chun changlhah duchatna neilouvin ne jongleh midang changlhah neh a va ho birkhat hamazon a ahoptha thei ahi.
9. Mikhat (Koima chung’ah lhung da tan tin) a insung mi apul adou ngai khat bei ta henlang, athilong vui nailaiva aum nahlai a ahileh, amapa chu Torah sung’a bolding thupieh jouse akuona onthol ahitan, hijeh a chu changlhah aneh noma ahijongleh, neh masang hihen neh jou hileh, thangvahna ima seilouva aneh ngai ahitai. Ahin khutsil vang thangvahna seilouva asil ngai ahi. Iti hamkhat’a changlhah anehva a thilong avui jou nung uva jong changlhah anehna akuona ana va hih laiya ahijongleh, birkhat hamazon aseithei chomdeh lou ding ahi. Hijeng jongleh thilong vui jou nung’a puldou ho ankong (Seudat havarah) a changlhah aneh jouva birkhat hamazon aseitengleh thilong avui masang’a uva changlhah ananeh ho ahoptha thei leh thil hoi ahi.
Yalkut Yosef Siman 187
Diyukim ba nosakh Birkhat Hamazon(BIRKHAT HAMAZON DAAN)
1. Chondan dungjuiya birkhat hamazon a anusakh “veal hakol” VAV jaopumin akiseiyin ahi. Abang-khat in “Al hakol” tin aseijiuvin ahi, koi hileh hitia sei hon jong kingapna ding anei un ahi.
2. Birkhat hamazon a thangvahna alina khu “La-ad, Ha el avinu..” tin akiseiye.
3. chondan dungjuiya sabbath leh Rosh khodesh teng, Birkhat hamazon a “Harakhaman” akiseiteng “Migdol” tin akiseiyin nikhodang teng “Magdil” tin akiseiye. Mi abangkhat in
asei naovah sabbath seudah Reviit (ann neh alina) a birkhat hamazon teng “Migdol” tia seiding ahi, atiuvin, hinlah adih joh chu “Magdil” tia seijoh ding ahi.
Ahin koi hileh “Migdol” tia aseiya ahijongleh ak-hoh dehpoi.
4. Birkhat hamazon sei ngai mikhat in birkhat hamazon seiding daan ahetlouva ahileh, akhel’a “Mein shalosh” aseitheipoi. Birkhat hamazon khela Mein shalosh aseithei lou bang’a, Birkhat hamazon khel’a Bore nefashot jong aseitheilou ding hetsa ahi. Mikhat in birkhat hamazon khel’a Bore nefashot ana seikhah tah’a ahijongleh ima in akisimpieh pon ahi. Ahin iti hamkhat’a mikhat in birkhat hamazon seiding daan ahetloujeh’a, akhe-la Mein shalosh anaseikhah tah’a ahileh, Bediavad a asuhbulhit in, avela birkhat hamazon aseikit an-gaipon ahi.
Siman 188
Birkhat Hamazon a suhkhiel chungchang daan1. Birkhat Hamazon sei khat in Birkhat hamazon a thangvahna athum na pen Birkhat bone yerush-alayim” asei chai tengleh “Amen” tia ama le ama kidonbut ding ahi, ajeh chu thangvahna athumna chan khu Torah akuon thupieh ahin, thangvahna alina pen Birkhat hatov vehametiv khu Derabanan akuon ahin, hiche teni lhekhenna ding’a Amen tia kisei ji ahi. Ahin Amen isei tengleh awging louva athep joh a seiding ahi.
2. Thina insung a mikhat in Birkhat hamazon aseiya ahileh thangvahna athumna “Barukh attah Hashem menakhem tzion bibinyan yerushalayim” tia akhumkha ngai ahi. Ahin sabbath nikho teng le vang thina inn a changlhah nehkuon, Birkhat hamazon awthepma asei ngai u ahi, ahin thangvahna ali na vang insung puldou ho, puldou ahiuve ti hetsahlou na ding’a chung’a khumkhana tobang’a khumka got louva “Bone yerushalayim” ti joh a khumkha ding ahi.
3. Sabbath niteng Birkhat hamazon thangvahna athumna “Retze” akibelap in, Kut, Rosh khodesh le Khol hamoed teng “Yaaleh veyavo” akibelap in ahi. Itiham khat’a chung’a kisei ho chu sabbath toh akito khah a ahileh “Retze” kisei masa a chujouteng “Yaale veyavo” akisei-yin ahi. Ahin mikhat in hetkhiel jeh’a Yaaleh veyavo anasei masat a ahileh, Yaale veyavo asei chu achaiya chu-jouteng “Retze” asei ding ahi.
4. Sabbath le kut akito khah a, mikhat in birkhat hamazon a yaaleh veyavo bou ana seiya Retze asei-ding ana haimil khah’a ahileh, birkhat hamazon aseikit ngai ahi. Avela asei kitna a chu Retze bou anabelap kit’a, yaale veyano belap ding anahaimil khah kit’a ahileh, hiche kut chu Pessakh jaan masa ahilouleh Succot jaan masa ahileh, avela birkhat hamazon athah seikit ngai ahi.\
5. Mikhat in sabbath nia birkhat hamazon a Retze seiding ana haimil khah a hichu sabbath jaan leh jingkah kiddush a ahileh, avela birkhat hamazon athah sei kit ngai ahi. Ahin birkhat hamazon a thangvahna athumna bone yerushalayim khum-khana Barukh attah Hashem, tia asei jou chet’a Retze aseilou ahin geldoh a ahileh “Lamdeni khukeikha” tia aseiya Retze a kinungle kit ding ahi. Thangvahna thumna Barukh attah Hashem bone yerushalayim tia aseijouva Retze aseilou ahin gel-doh a ahileh hilai muna chu thangvahna “Barukh attah Hashem elokeinu melekh haolam shenatan sabatot limnukhah...” tia aseiya chujouteng thang-vahna alina “Hatov vehametiv” a ajomding ding ahi. Ahin thangvahna alina “Barukh ....melekh haolam laad” tia anasei mana ahileh, avela birkhat hamazon abulpatna athah seikit ngai ahi.
6. MIkhat in sabbath ni birkhat hamazon a Retze asei aseilou ahetchet louva ahileh avela birkhat hama-zon aseikit angaipon ahi. Ahin, thangvahna thum-na Bone Yerushalayim leh alina Hatov vehametiv kikah’a Retze asei aseilou ahingeldoh a ahileh, hilai muna chu thangvahna Barukh attah Hashem she-natan sabatot limnukhah... aseiding ahi.
7. Mikhat chun Birkhat hamazon vet louva aseitheiya, ahin sabbath nikho a kibelap “retze” vang mulouva aseithei louva, sabbath nikho a birkhat hamazon vet puma seithei na ding mun aumlouva changlhah aneh a ahileh, retze seiding daan hehih jongleh birkhat hamazon vetlouva aseithei chu asei ngai ahi, ajeh chu birkhat hamazon thangvahna seiding chu Torah akuona ahi in, retze sabbath nikho a kibelap khu Derabanan akuona ahi. Hijongleh Retze chu seithei hih jongleh “Retze vehakhali tzeinu beyom hasabbath haze” beh asei got ngai ahi.
8. Lhathah (Rosh khodesh) nikho a mikhat in changlhah aneh a ahileh, birkhat hamazon a Yaale veyavo abelap ngai ahi. Iti ham khat’a belap ding ana haimil khah a ahileh, birkhat hamazon avela athah sei kit angaipon ahi. Ahin thangvahna alina, “hatov vehametiv” asei masang’a Yaale veyavo aeilou ahin geldoh leh hilai muna chu thangvahna Hashem min panglouva “Barukh shenatan Rashei khodeshim le amo Israel lezikaron” asei ding ahi. Rosh khodesh Birkhat hamazon a yaale veyavo sei haimil khat chun, Harakhaman kisei ho aphah tengleh hilai muna chu aseithei ahi.
9. Mikhat in kut (yom tov) nikho ho a birkhat hamazon a yaale veyavo belap ding ana haimil khah a ahileh adinmun in akingam e, tidan chu thangvahna athumna “Bone yerushalayim” a “Barukh attah Hashem..” tia aseiya “Bone yerushalayim” ati masang’a “yaale veyavo” aseilou ahin geldoh a ahileh, “lamdeni khukeikha” tia aseiya, yaale veyavo a kinungle kit ding ahi. Ahin “Bone yerushalayim” tia aseijouva yaale veyavo aseilou ahin geldoh a ahileh, thangvahna “Barukh attah Hashem elokeinu melekha haolam asher natan yamim tovim le amo Israel...Barukh attah Hashem mekadesh Israel vehazemanim” asei ding ahi. Ahin thangvahna alina, “Hatov vehametiv” anapat mantah’a, Barukh attah Hashem elokeinu melekh haolam” chan aphah pet’a ahin geldoh a ahileh “Asher natan yamin..” tia ajom ding, hinlah “Barukh attah Hashem elokeinu melekh haolam la’ad” tia anasei man a ahileh, hiche Birkhat hamazon asei pet chu pesakh le sukkot jaan masa ahileh, avela abul a apatna Birkhat hamazon athah sei kit ngai ahi, ahin kut dan tekahna, savot ahileh vang avela abul a apat a athah seikit angaipon ahi.
10. Numei hon jong Kut nia birkhat hamazon a yaale veyavo asei haimil khah uleh, avela abul a athah sei kit’u angaipon ahin, ahin pessakh jaan masa ahile vang yaale veyavo anasei haimil leh avela athah seikit diu ngai ahi.
11. Sabbath Seudat shlishi a birkhat hamazon a mikhat in retze ana sei haimil khah a ahileh avela birkhat hamazon athah sei kit angaipon ahi. Ahin thangvahna athumna “Birkhat bone yerushalayim na’a “Barukh attah Hashem” changei aphah a Bone yerushalayim asei masang’a retze aseilou ahin geldoh a ahileh, “Lamdeni khukeikha” tia aseiya retze a kinungle kit ding ahi. Ahin Bone yerushalayim sei jouva ahingeldoh ah ahileh hilai muna chu thangvahna “Barukh attah Hashem elokeinu melekh haolam asher natan shabatot...barukh atah Hashem mekadesh hashabath” asei ding ahi. Thangvahna alina ana seipan tajongleh, “Barukh atah..melekha haolam” chan aphah a retze aseilou ahin geldoh a ahileh chunga bang’a asher natan a ajom ding ahi. Hinlah thangvahna alina “la-ad” thucheng asei man a ahileh kinungle theilou ahitan, birkhat hamazon aseijom a achai ding ahitai. Aipi chu hitaleh seudat shlishi a changlhah (Lekhem) neh teitei ding ahi.
12. Mikhat in sabbath shakharit seudat ann neh phat chomkhat jouva seudah abol kit a (Seudah shlishi vang hinailou) hiche seudah abolna’a birkhat hamazon a aretze ana belap haimil a ahileh avela birkhat hamazon athah sei kit angai pon ahi.
13. Sabbath nilhah le jingkah (seudah) a numei hon birkhat hamazon a Retze belap ding ana haimil khah uva ahileh, adinmun hi pasal te tobang ahi, tidan chu thangvahna alina birkhat hatov vehametiv thucheng a “la-ad” asei jouva Retze aseilou ahin geldoh uva ahileh avela birkhat hamazon abul apat a athahsei kit ngai ahi. Ahin seudah shlishi a retze seiding ahaimil khah uva ahilehvang thangvahna alina pa asei nailou u hijongleh pasal ho tobang’a thangvahna Asher natan...barukh mekadesh hashabath muna Hashem mintheng jao puma aseithei lou u ahi, hijeh a chu thangvahna “Asher Natan” a Hshem mintheng panglouva asei uva, hitia chu ajomdiu ahi.
14. Pasal mithum in sabbath nikho a seudah abol khom uva, Zimmun le birkhat hamazon asei uva, ahin, birkhat hamazon a retze belap ding ana haimil khah uva ahileh, abon uva birkhat hamazon avela athah man kit ding’u ngai hijongleh, zimmun vang avela athah bol kit u angaipon ahi.
15. Mikhat in sabbath ann neh athumna (seudah shlishi) abola’a, a ann neh abolsung’a sabbatg ana potdoh khata henglang hijongleh birkhat hamazon asei teng retze abelap ding ngai nalai ahi, ajeh chu akipatdan a kiche ahin, (tidan chu sabbath sung’a ann neh apat tah jeh a chu aan aneh achai teng sabbath potdoh tajongleh, sabbath nia kisim nalai ahi). Hitobang’a a chu mikhat in Kut nikho, Rosh khodesh ham, khanukah ham ahilouleh purim nikho a ann nehkhom abol’a seudahabolsung’achu Kut, Rosh Khodesh leh khanukah ahilouleh Purim anikho potdoh tajongleh, seudah apat phat a chie ding, birkhat hamazon aseiteng anikho a belap ding ho abelap tha ngai ahi. Ahin tua iseu ho uchu ann neh laipettah a Arvith ataonai lou kiseina ahin, hinlah ann aneh laipet tah’a Arvith taona ana man khah a ahileh anikho ho a bela ding birkhat hamazon a abelap angai tapon ahi.
16. Mikhat chun sabbath ann neh athumna (seudat shlishi) khojin jou lang chan a ajoma birkhat hamazon asei masang’a anikho khat’a thangvahna jakhat seiding suhbulhitna ding’a theigga aneh got a thangvahna asei nom a ahileh, abolding phal ahi.
17. Khanukah le purim teng birkhat hamazon a “Al hanisim” akibelap in ahi. Mikhat in khanukah le purim a changlhah (lekhem) aneh a birkhat hamazon a athangvahna athumna (Birkhat haaretz) khumkhana “Barukh attah Hashem al haaretz veal hamazon” pet a “Barukh attah..” ati jouva “al hanisim” aseilou ahin geldoh a ahileh, “al hanisim” a kinung le kit ding ahi. Ahin Barukh attah Hashem ati man a ahileh, “lamdeni khukeikha” tia aseithei louding, Hashem min aseitahjeh a chu birkhat hamazon chu ajom ding ahitai. hijeng jongleh Harakhaman ho aphah tengleh “harakhaman hu ya’aseh lanu nisim ve niflaot..” tia abelap thei ahi.
18. Iti ham khat’a lhathah kut chu sabbath kichai (motzei sabbath) toh akituokhah a ahileh, mikhat in sabbath ann neh athumna (seudat shlishi) chu khojing jouva achai a ahijongleh birkhat hamazon aseiteng leh retze bou abelap ding, Rosh khodesh a kibelap ji yaale veyavo vang abelap lou ding ahi.
19. Mikhat in nnikho dang Yom khol a changlhah aneh a birkhat hamazon ahetkhiel jeh’a retze ana belap khah a ahijongleh, ima aboipon, avela birkhat hamazon athah sei kit ngai pon ahi.
20. Chapang aneo ho birkhat hamazon chung chang’a tahsanna akineiyin hijeh a chu mipa khat in sabbath nikho a birkhat hamazon aseiya retze abelap abelap lou ahetchet louva, achapa in apa koma retze abelap in tia aseipieh a ahileh, achapa thusei chu akingapna theiyin, avelap birkhat hamazon athah seikit angaipon ahi.
Yalkut Yosef Siman 192-195
Hilkhot Dinei Zimmun(Zimmun Daan)
1. Mithum in changlhah anehkhom uleh Zimmun abol dingu ngai ahi. Amaho lah’a khat penpen in “Hav lan venivrik lemalka ailah a kadisha” tia aseiya, aloi tenin “Shamayim” tia adonbut lhonding, chujou teng Zimmun lamkaipan “Birshut malka aila’ah kadish (sabbath tengleh _ Ubirshut sabbath malkata) Ubirshut morai verabothai hamesubim nevarekh she akhalnu mishelo” tia aseiya, aloi tenin, “Barukh sheakhalnu mishelo uvtovu kyaneinu” tia adonbut kit lhon ding, chujou teng Zimmun lamkaipan aloitenin adonbut bang’a aman jong “Barukh sheakhalnu mishelo uvtovo khayenu” tia sei kit ding ahi. Mi som in changlhah anehkhom uva ahileh, Zimmun lamkaipan Hashem mintheng abelap ding, “Nevarek ELOKEINU she akhalnu mishelo..” tia seiya aloi dang honjong “Barukh ELOKEINU sheakhalnu mishelo uvtovo khayeinu” tia ahin donbut ding’u, chujouteng, lamkai pan jong amaho sei bang’a “Barukh ELOKEINU..” tia ale donbut kit ding ahi.
2. Puldou te insung (ni sagi sung sabbath ni tailou) changlhah nehna auma Zimmun akibol dinga ahileh, zimmun bolpa in “Nevarekh MENAKHEM Avelim she akhalnu mishelo uvtovo hagadol khayeinu” tia ahin donbut lhon ding, chujouteng zimmun bolpan aloi teni bang’a asei kit ding ahi. Changlhah ne mi som alhon uva ahileh, achung’a kisei bang’a Hashem minthieng ELOKEINU abelap ding’u ahi.
3. Eiho Sefardi te chondan dungjuiya zimmun lamkaipan zimmun achaina “Barukh she akhalnu mishelo uvtovo khayeinu” tia sei jou tengleh, mijousen achang chang uva Birkhat Hamazon akisei diu ahi. Birkhat hamazon asei laipet uva, zimmun lamkaipan birkhat hamazon seisung’a, achaina, vetsahnan - “Hazan eth hakol” tia aseipet ajah uva ahijongleh, “Amen” tia donbut theilou ding’u ahi. Azkenazi te chondan dungjuiya, Zimmun lamkaipan Birkhat Hamazon thangvahna masapen “Hazan et hakol” asei chai kah’a adang hon birkhat hamazon aseipan ji naipouvin, zimmun lamkaipan “hazan eth hakol” ati jouleh “Amen” tia adonbut uva chuteng lebou Birkhat hamazon aseipan bep diu ahi. Hijeh a chu Sefardi khat in Askenazi te jaona’a zimmun abolkhah a ahileh, birkhat hamazon thangvahna masa “hazan eth hakol” chan awging’a aseitheiya ahileh thilhoi ahi.
4. Mi abangkhat in Birkhat hamazon a “Harakhaman” kisei ajah teng uleh, “amen” tin adonbut jiuvin, chuleh birkhat hamazon sung’a “Yaale veyavo” a “Zokhrenu bo letovah” tia kisei ajah teng ujongleh “Amen” tin adonbut jiuvin ahi. Koi hileh hitia bol hochun, kingapna ding anei uvin ahi. Hijeng jongleh hitia bolding chu teitei ahipon, hijeh a chu mikhat in Shakharit taona “Psukei dzimrah” sung’a “Harakhaman” kisei ahin jah’a ahileh “Amen” tia adonbut lou ding ahi.
5. Mithum in chan glhah aneh khom uva ahileh, zimmun abol u ngai ahi. Ahin, hetkhiel jeh’a zimmun abol lou uva, birkhat hamazon anasei khah tah uva ahileh, zimmun abolthei tah louding’u ahitai. Ahin amahon lah’a khat in zimmun bol masang’a birkhat hamazon ana seidoh khah ahijongleh, zimmun abolthei nah lai u ah.
6. Mithum in changlhah aneh khom uva akhatna pa in birkhat hamazon thangvahna masapen bou ahet’a, aninapan thangvahna anina ahet’a, athuman pa in thangvahna athumna ahet’a ah ileh, birkhat hamazon thangvahna alina he koima umhih jong uleh, zimmun aboltei tei u ngai ahin, chuleh birkhat hamazon chu thangvahna masapen hepa in athangvahna hetchu aseiya aloiteni ahuoptha ding hitia chu khat le khat kihuoptha tuo ding’u ahi. r
